Хүн хуулийн төлөө биш хууль нь хүний төлөө өгөгдсөн. Бид Бурханыг сонгосон биш харин Бурхан биднийг сонгон дуудсан. Бид бол гэм нүгэлтнүүд бөгөөд зөвхөн Есүс Христ хэмээх Хадан суурин дээр баригдаж байж бид авралыг хүлээн авах болно.

Есүс биднийг хүмүүсийн загасчин болгохоор дуудсан. Есүс биднийг Өөр дээр нь ирээсэй, Өөр дээр нь ирж чадахгүй хүмүүсийг авчираасай гэж чин сэтгэлээсээ хүсдэг. Есүс гэм нүгэлтнүүдийн төлөө ирсэн. Есүс биднийг цоо шинэ болгохоор ирсэн

Есүс сорилтын дараа Галилд буцаж ирэхдээ Ариун Сүнсний хүч дотор буцаж ирсэн. Сорилт бидний амьдралд 2 янзын үр дагаварын аль нэгийг авчирдаг. Энэ нь нэг бол биднийг хүчирхэгжүүлдэг. Нэг бол биднийг сульдуулдаг. Яг оновчтой тодорхойлолт болж чадах эсэхийг мэдэхгүй байна. Ерөнхийдөө сорилт гэдэг яг л хүчирхэг армитай адилхан гэж бодож болно. Энэ арми нэг бол таныг бут ниргэнэ эсвэл таны талд тулалдаж, танд ялалтыг өгөх болно. Үндэсэндээ зовлон бэрхшээл гэдэг биднийг нэг бол зөөлрүүлдэг, нэг бол хатууруулдаг. Нэг бол таныг аядуу зөөлөн болгоно. Эс бол таныг хахир хатуу болгоно. Нэг ийм үг байдаг юм. Нарны хурц гэрэл лааг хайлуулдаг ч шаврыг хатууруулдаг гэж.

Үр жимс ургуулдаггүй Израйль хэмээх том модны үндсэнд ч бас сүх зоогдсон тухай өнөөдрийн бидний үзэх Лук номын 3-р бүлэг дээр өгүүлдэг. Энэ нь ямар утгатай сүх болохыг, яагаад тэр сүх зоогдсон болохыг өнөөдрийн хичээлээрээ үзэцгээе.

Хүний хүүхэд нас гэдэг хамгийн дурсгалтай, хүний амьдралын хамгийн гэгээлэг сайхан үе байдаг. Нөгөөтэйгүүр “хүн болох багаасаа, хүлэг болох унаганаасаа” гэсэн үг ч байдаг шүү дээ. Бид хүүхдийг харахдаа түүний гаргаж байгаа ааш зан, авъяас чадварыг харахдаа тухайн хүүхэд ямар хүн болох болоо гэдгийг барагцаалан хэлж чаддаг.

Тэгвэл бидний Эзэн Есүс Христ хүүхэд байхдаа ямар хүүхэд байсан юм болоо? Бяцхан Есүсийг хараад бид ирээдүйд биднийг гэм нүглээс аврах тэр Аврагч мөн хэмээн таньж чадах байсан болов уу? Сайн мэдээний 4 номноос ганцхан Лук номон дээр л Есүсийн хүүхэд насны тухай өгүүлсэн байдаг юм. Ингээд Есүсийн хүүхэд насны тухай өгүүлсэн энэхүү хичээлд анхаарлаа хандуулцгаая.

Өнөөдөр бид нар хамтдаа Лук номын 2-р бүлгээс эхлэн үзэх болно. Энэ бол бидний Эзэн Есүс Христийн энэ дэлхийд мэндэлсэн тухай өгүүлдэг гайхалтай бүлэг юм. Есүс мэндлээд найман өдөртэй байхдаа Мосегийн хуулийн дагуу хөвч хөндүүлэх буюу хозлуулах ёслол хийлгэсэн байдаг. “Харин цаг нь болоход эмэгтэй хүнээс хуулийн дор төрөх Хүүг Бурхан илгээсэн юм. Энэ нь хуулийн дор байгсдыг золихын тулд юм. Ингэснээр бид хөвгүүд нь адил үрчлэлийг авах юм” хэмээн Галат 4:4-5 дээр бичигдсэн байдаг. Иерусалимд хийсэн энэ аяллын үр дүнд тэд Симеон, Анна нартай уулзсан байдаг. Энэ улзалтын үеэр тэдний хэлсэн гайхалтай магтуунууд мөн энд бичигдэж үлдсэн байдаг.

Эрт дээр үед Хаад ноёдыг хаа нэгтээ явах үед урд нь тусгай зарлага явж “Эзэн хаан морилон ирлээ” хэмээн ёслол төгөлдөрөөр тунхагладаг байсан. Тэгвэл үүний нэгэн адилаар энэ орчлонг бүтээсэн Агуу Бурхан Хүү Есүс Христийг энэ дэлхийд ирэх үед Түүний өмнө замыг бэлтгэхээр Бурхан Өөрийн хүнийг илгээсэн байдаг. Түүний тухай Исаиа номон дээр бичихдээ цөлд хашгирагч нэгний дуу “Зэлүүд талд ЭЗЭНд зориулан зам засагтун.

Хүмүүс заримдаа хэн нэгэнтэй муудалцахаараа ч юмуу, эсвэл ямар нэг зүйлд бодлогоширохоороо дуугаа хураачихдаг шүү дээ. Таны ойр дотны хүн тантай дугарахгүй ингээд дуугаа хураачихвал танд ямар санагдах вэ? Хэцүү санагдах байх тийм үү? Тэгвэл Бурхан дуугаа хураачихвал яах вэ? Та бодоод үзээрэй. Аз болоход Бурхан бидний амьдрал дээр хэзээ ч дуугаа хураан чимээгүй болдоггүй. Гэхдээ ийм зүйл Израйлийн түүхэнд тохиолдсон юм. Бурхан Хуучин гэрээний Малахи номноос Шинэ гэрээг хүртэл 400 жилийн туршид Израйльчуудад нэг ч эш үзүүлэгчээр дамжуулан үгээ айлдаагүй юм. Түүхэнд энэ 400 жилийг харанхуй жил, чимээгүй жил гэх мэтээр тэмдэглэсэн байдаг. Харин Лук номон дээр энэ бүх чимээгүй байдлыг халан Бурхан Өөрийнхөө үгийг ард түмэндээ айлдсан тухай бид өнөөдөр үзэх болно. Ингэхдээ Бурхан чухам ямар мэдээг дамжуулсан юм болоо?

Өнөөдрөөс эхлээд бид 29 хичээлийн туршид Шинэ Гэрээний Лук номоор аялах болно. Лукын сайн мэдээний номоор дамжуулан Бурхан бидэнд Өөрийн амтат үгсийг өгч, тэр үгсээр дамжуулан бидний амьдралыг өөрчлөн шинэчилнэ гэдэгт би итгэлтэй байна.

Бурханы үг заавал биелэлээ олдог. Бурхан биднийг Өөрт нь итгэж дуулгавартай байвал ивээгдэнэ гэж амласан.