Ард түмний гэм нүглээс болж Бурхан газар нутаг дээр   хүртэл шүүлтийг буулгадаг. Харин бид гэмшиж Бурхан руу эргэх үед Бурхан газар   нутгийг, ард түмнийг сэргээдэг. Бурхан биднийг хүнд биш харин Бурханд итгэл   найдвараа тавиасай гэж хүсдэг.

Бурхан биднийг үйлчлэлд бэлэн байгаасай гэж хүсдэг. Бид Бурхан хүслийн дагуу бусдад үйлчлэх үед бид Бурхантай нөхөрлөж байдаг. Харин бид Бурханы хүслээс холдож, өөрийнхөө хүслээр явах үедээ Бурхантай харилцах харилцаа, Бурхантай нөхөрлөх нөхөрлөлөө тасалж байдаг.

Бурханыг хүндлэн дээдлэхгүй байгаа хүн өөр ямар нэгэн зүйлийг хүндлэн дээдэлж байдаг. Тэр зүйл нь тухайн хүндээ худал хуурмаг шүтээн болж байдаг. Зурхай, од гаригсын хөдөлгөөнөөр амьдралаа төлөвлөх нь Бүтээгч Бурханыг биш бүтээлийг нь хүндлэн дээдэлж байгаа хэлбэр юм.

Бурхан хүмүүсийг гаднаа итгэгч дүр гаргаж байна уу, цуглаанд явж байна уу гэдгийг биш харин тэдний амьдралд өөрчлөлт байна уу, үр жимстэй байна уу гэдгийг харж байдаг. Бид өөрсдийн хүч чадал, эрдэм мэдлэгээр биш харин Бурханыг мэдэх мэдлэгээр сайрхах учиртай.

Бид Бурхан Эзэнээ таньж мэдэж, Бурхан Эзэн рүүгээ эргэх хэрэгтэй. Хэрэвэ бид эргэхгүй бол Бурханы шударга шүүлт бидний дээр буух болно. Харин эргэх юм бол Бурхан бидний ямар ч гэм нүглийг уучлан өршөөж, Өөртөө хүлээн авах болно.

Өөрөөс нь холдон одсон ард түмнээ Бурхан тэвчээртэйгээр Өөр лүүгээ дуудаж, Өөр лүүгээ эргэхийг ятгаж байдаг. Харин Бурханы дуу хоолойг сонсохоос татгалзаж, Бурханаас зөрүүдлэн холдсоор байх юм бол Бурханы шударга шүүлт бас ирдэг гэдгийг бид мартаж болохгүй.

Өнөөдөр бид хамтдаа Иеремиа номын 2-р бүлгээс үзэх болно. Иеремиа номын 1-р бүлэг дээрээс бид Бурхан Иеремиаг хэрхэн гайхамшигтайгаар дуудсан тухай үзэцгээсэн. Бурхан түүнийг бага залуу байхад нь дуудсан. 20 орчим настай байхад нь дуудсан болов уу гэж судлаачид үздэг. 

Ийнхүү ЭЗЭНий үг над уруу ирж (Иеремиа 1:4)

“ЭЗЭНий үг над уруу ирсэн” гэж Иеремиа хэлсэн. Энэ бол хамгийн чухал нь юм. Хэрвээ бид Библийг “Бурханы үг” гэж итгэхгүй юм бол бид Библиэ хаагаад тавьсан нь дээр. Библи бол Бурханы үг. Бурхан үгээ Иеремиад яг яаж хэлснийг би мэдэхгүй. Гэхдээ ямар ч байсан Бурханы үг Иеремиад ирсэн, тэр үгсийг нь Иеремиа бидэнд сийрүүлэн үлдээсэн байна.

Өнөөдрөөс эхлэн бид хамтдаа Иеремиа номыг үзэж эхлэх болно. Иеремиа номыг эш үзүүлэгч Иеремиа бичсэн юм. Иеремиаг шархалсан зүрхтэй эш үзүүлэгч гэж нэрлэдэг. Энэ бол Библи дээрх хамгийн гайхалтай номнуудын нэг юм. Мэдээж Библи дээрх ном бүхэн онцгой. Гэхдээ энэ ном нэг чухал талаараа онцгой юм. Олон эш үзүүлэгчид өөрсдийнхөө хувь хүний талаарх мэдээллийг нууцалсан байдаг. Тэд эш үзүүллэгийн үгс дотроо өөрсдийнхөө талаар мэдээлэл оруулахаас эрс татгалзсан байдаг. Харин эш үзүүлэгч Иеремиагийн хувьд түүний эш үзүүүллэг нь түүний амьдралтай салшгүй холбоотой байсан.

Эзэн Есүсийг дахин ирэхийг хүлээж амьдарна гэдэг нь гараа хумхиад зүгээр суухын нэр биш. Харин ч бид Эзэний ирэх ойртох тусам улам шаргуу хөдөлмөрлөж, улам хичээнгүйлэн үйлчилж амьдрах ёстой. Мөн элдэв сүнслэг байдлаар туйлширч ажил хөдөлмөрөөс хойш суудаг итгэгч байгаа бол тэдгээрийг Бурханы үгээр засаж залруулах ёстой. Эс тэгвээс энэ байдал нь чуулганд маш их хор хохирлыг авчирдаг байна.