Бурхан бидний амьдралд ариусгалыг хүсдэг. Бид Есүс Христэд итгэх үед Бурханы өмнө Есүс Христийн дотор хүлээн зөвшөөрөгддөг. Тэр цагаас эхлэн бид Бурханы алдрын төлөө хэрэглэгдэхээр тусгаарлагдсан ариун хүмүүс болдог. Энэ бол бид байр суурийн хувьд ариусгагдсан гэсэн үг. Бидний итгэлийн амьдрал тэр чигтээ мөн л ариусгалын амьдрал. Бид өдрөөс өдөрт Ариун Сүнсний хүчээр улам ариун хүмүүс болж өөрчлөгдөх ёстой. Энэ бол бидний бодит практик ариусгал. Гэхдээ бид амьд байх хугацаандаа хэзээ ч төгс ариусггадах боломжгүй. Харин хожим нь Эзэн Есүс дахин ирэх үед бид Түүнтэй адил дүр төрхөөр бүрэн өөрчлөгдөж төгс ариусгалыг авах болно. Тиймээс бид Ариун Сүнсээр удирдуулан зөвт ариун амьдралаар амьдрах учиртай.

#БиблийнХуудсаар #ИтгэлньСонсохоос

Христитгэлээс эхтэй аливаа сайн үйлс нь мөнхийн нөлөөг дагуулдаг. Бид аливаа сайн үйлс, аливаа үйлчлэлээрээ дамжуулаад үл итгэгч хүмүүст хүрэхээс гадна итгэлийн ахан дүүсээ урамшуулан батжуулдаг байх нь чухал. Итгэгч хүмүүс бие биенээ батжуулж урамшуулдаг байвал бидний амьдралд тохиолддог аливаа зовлон бэрхшээлийн дунд ч бат зогсож, Эзэнтэйгээ хамт урам зоригтой алхаж чадна. Бид бие биенээ ахан дүүсийн хайраар хайрлаж Эзэн Есүсийг ирэх хүртэл бие биенээ дэмжиж, дэм дэмэндээ амьдрах учиртай.

#БиблийнХуудсаар #ИтгэлньСонсохоос

Христэд итгэсэн хүн бүр Бурханы гэр бүл дэх ах дүүс болсон. Итгэлийн ах дүүсийг зовлон бэрхшээл улам бүр ойртуулан дотносуулдаг. Бурхан заримдаа биднийг өөр хооронд нь улам бүр нэгтгэхийн тулд, мөн Өөр лүүгээ илүү ойртуулахын тулд бидний амьдралд зовлон бэрхшээлийг зөвшөөрдөг. Харин жинхэнэ итгэгч хүн зовлон дунд ч баяр хөөртэй байж чаддаг. Энэ бол Ариун Сүнсний үр жимс. Бид энэ амьдралдаа бусдад сайнмэдээ тарааж, Бурханы үгийг бусдад дамжуулан бусдыг Христ рүү дагуулдаг байх учиртай. Хожим нь бид мөнхийн улсад очоод өөрсдийн шагналыг хүлээн авах болно.

#БиблийнХуудсаар #ИтгэлньСонсохоос

Элч Паул Тесалоникийн чуулганд эхийн хайраар уян зөөлөн хандаж байсан. Өдөр шөнөгүй тэдний төлөө үйлчилж байсан. Мөн тэр эцэг хүний ёсоор чуулганыг сургаж, хүмүүжүүлж, сахилгажуулж байсан. Өнөөдөр Бурханд үйлчилж байгаа пастор ахлагч нар ч бас ийм зүрх сэтгэлээр үйлчлэх нь чухал. Итгэгчидийн хувьд пастор ахлагч нар нь Бурханы үгээс дамжуулах үед түүнийг хүний үг биш Бурханы үг хэмээн хүлээж авж, пастор ахлагч нар нь ч Бурханы үгийг дамжуулж байна гэсэн итгэлээр дамжуулах нь чухал. Тэр цагт чуулган тэр аяараа Бурханы ивээл ерөөлийг хүртэх болно.

#БиблийнХуудсаар #ИтгэлньСонсохоос

Бидний итгэл бидний өдөр тутмын амьдралд нөлөөлдөг байх ёстой. Бидний амьдрал бидний үг ярианаас ч илүү хүчтэй номлол болж байдаг. Тиймээс бид итгэлийнхээ дагуу амьдардаг байх нь илүү чухал. Бид сайнмэдээ тараахдаа ч, Бурханд үйлчлэхдээ ч хүний өмнө биш Бурханы өмнө гэсэн сэтгэлээр хийж, өөрийнхөө дотор цэвэр мөс чанар, цэвэр хандлагыг тээх нь чухал. Бид цаг үргэлж өөрсдийнхөө хандлага зүрх сэтгэл дэх сэдлээ хянаж шалгаж байх нь чухал. Бид аливаа үйлчлэлийг хийхдээ шунахай сэдэлтэй, хоёр нүүртэй байх ёсгүй.

#БиблийнХуудсаар #ИтгэлньСонсохоос

Бид Есүс Христэд итгэх үедээ автоматаар Бурханы мэлмийд таагүй тэр бүх зүйлсээсээ эргэдэг. Бидний амьдралд эхлээд итгэл дараа нь гэмшил ирдэг. Бид Есүс Христ рүү эргэх үед дараа нь бузар муугаасаа эргэх гэмшил төрдөг. Бид Есүс Христийг хайрлах үедээ Түүний тушаалуудыг дагаж чаддаг. Харин хайр байхгүй бол бидний үйлчлэл ачаа дарамт болж хувирдаг. Бид Христэд итгэсэн тэрхүү итгэлийн үйлсээ санаж, өдөр тутамдаа хайрын хөдөлмөрөөр үйлчилж, ирээдүйд Есүс Христ дахин ирнэ гэсэн тэр найдварын тууштай байдал дотор амьдрах ёстой. Бид ингэж амьдарч чадах юм бол Тесалоникийн итгэгчид шиг үлгэр дуурайл болсон итгэгчид байж чадна.

#БиблийнХуудсаар #ИтгэлньСонсохоос

Бурхан биднийг сонгосон. Хүн нэг бол Христэд итгэх, нэг бол үл итгэх 2 л сонголтын дунд амьдардаг. Бурханы сайнмэдээ нь Ариун Сүнсний хүч чадлаар дамжуулан хүний амьдралыг өөрчлөх чадалтай байдаг. Харин Ариун Сүнсний оролцоо байхгүй бол энэ нь зүгээр л хий хоосон үгнээс ялгаагүй байдаг. Итгэгч бидний хувьд амьдралын аливаа зовлон бэрхшээлийн дунд ч Эзэний баяр хөөрөөр дүүрэн байж чаддаг. Энэ бол Ариун Сүнсний ажил бөгөөд итгэгч бидний итгэлийг гэрчлэх гайхашмигтай гэрчлэл болдог.

#БиблийнХуудсаар #ИтгэлньСонсохоос

Бид Есүс Христэд итгэж, Бурхан үгийг дагах үед тэр нь бидний итгэлийн үйлс болдог. Бидний Есүст итгэсэн тэр үйл явдал бол бидний итгэлийн амьдралын өнгөрсөн цаг. Харин бид өнөөдөр Есүс Христийг хайрлаж, хайр дотроос Түүнийг дуулгавартай дагаж амьдрах ёстой. Энэ бол хайрын хөдөлмөр бөгөөд бидний итгэлийн амьдралын одоо цаг юм. Харин бид Есүс Христийг дахин ирэх үед Түүнтэй уулзах болно гэсэн найдвар дотор амьдрах ёстой. Энэ бол итгэгч бидний ирээдүй юм.

#БиблийнХуудсаар #ИтгэлньСонсохоос

Есүс Христ дахин ирнэ гэсэн энэ итгэл итгэгч хүний амьдралыг цэвэршүүлэн ариусгадаг. Эзэн Есүс дахин ирнэ гэсэн энэ итгэл итгэгч бидэнд тайвшрал болох учиртай. Есүс Христийг дахин ирэх тэр өдрийг хүртэл бид Түүний дотор хоргодож, Түүнээс ирэх нигүүлсэл, амар тайван дотор амьдрах учиртай.

#БиблийнХуудсаар #ИтгэлньСонсохоос

Бурхан биднийг үүрдийн хайраар хайрласан. Бид Бурханы өмнө үнэ цэнэтэй. Тиймээс бид Бурханы энэ агуу хайрыг таньж мэдэх хэрэгтэй. Бас Бурхан Эзэнээ улам илүүгээр таньж мэдэх учиртай. Чуулган бид бол биднийг хайрласан Бурханы агуу хайрыг энэ дэлхийд тусган харуулж амьдрах ёстой үзүүлэн. Бид зовлон бэрхшээл тулгарах үед бүр ч илүүгээр Бурханы хайрыг бусдад харуулж, Ариун Сүнсний үр жимсийг ургуулан амьдардаг. Цаг нь болоход бидний Эзэн Есүс Христ энэ дэлхий дээр дахин ирж өөрийн сүйт бүсгүй болох чуулганыг Өөртөө авах болно.

www.itgelradio.com