Бурхан биднийг Өөрийнх нь үг болох Библид итгээсэй гэж хүсдэг. Бурханы үгэнд итгэхгүй байх нь мунхаг байдал юм. Есүс үхлээс амилаад дагалдагчиддаа эхлээд үгийг тайлбарлаж өгсөн байдаг. Бурханы үгэнд итгэж Түүний дуудлагыг хүлээн авсан дагалдагч нараа Есүс энэ дэлхий рүү илгээдэг. Есүсийг дахин ирэх хүртэл Бурханы үнэн үгийг дамжуулах үүрэг хүлээсэн хүмүүс бол итгэгч бид билээ.

Есүс хүн төрөлхтөний гэм нүглийн төлөө сайн дураараа Өөрийн амийг өгсөн. Тэр бидний гэм нүглийн бүх шийтгэлийг үүрсэн учраас бид Бурхан Эцэгт ойртон ирэх боломжтой болсон. Есүс Христ бидний төлөө зөвхөн амиа өгөөд зогсоогүй бидэнд ялалтын баяр хөөр, итгэл найдварыг өгөхөөр үхлээс амилан боссон юм.

Есүс гэм зэмгүй атлаа бидний төлөө зовлон эдэлсэн. Тэр бидний өмнөөс бүх шийтгэлийг үүрсэн учраас хэрвээ хүн Түүний өмнө даруугаар ирж, Түүнд итгэх юм бол тэр хүний юу хийсэн, юуг хийгээгүйгээс үл хамааран Бурхан түүнийг авралдаа багтаах болно.

Есүс гэмгүй ариун атлаа хүн төрөлхтөний төлөө амиа өгсөн. Харин хүмүүс Түүнээс нүүр буруулж, Түүнийг хүлээн авахаас татгалзсан. Есүс Христ бидний төлөө зовлон шаналалын аягатайг   дуустал уусан. Тийнхүү Түүний зовлонгоор дамжуулан бид аврагдсан. Хэрвээ хүн   Есүсийн өмнө даруугаар гэмшин ирэх юм бол Есүс уучлан хүлээж авахад хэзээд бэлэн байдаг.

Библийн хуудсаар радио цуврал нэвтрүүлгийн маань энэ удаагийн дугаар эхлэхэд бэлэн болоод байна. Өнгөрсөн хичээлээр Иерусалим хотод Есүсийн үйлчлэлийн сүүлийн өдрүүд хэрхэн өнгөрч байгаагаас сурч байгаа.Есүс баахан зааж байгаад алга болчихдог хоосон номлогч байгаагүй. Түүний номлол Иерусалимд хийсэн алхамууд нь хүмүүст хүлээлт бий болгосон. Энэ бүхний эцэст Есүс чухам юу ойлгуулахыг хүсч байна? юуг өөрчлөхийг хүсч байгаа юм бол ? энэ үнэхээр сонирхолтой байсан. Лук тэр өдрүүдийн тухай:

Есүс өдөржин сүмд сургаалаа зааж, харин шөнө нь гарч яван Чидун хэмээх ууланд шөнийг өнгөрөөдөг байв.Сүмд очиж Түүнийг сонсохоор бүх хүн өглөө эртлэн босдог байлаа. (Лук 21:37-38)

Хэрэв бид тэр үед амьдарч байсан бол бас л энэ хүмүүс шиг сүм рүү очих байсан бизээ. Харин Бурхан өөрийн хүүг зүгээр нэг тэр үед үгийг нь сонсох боломжтой Иерусалим хотынхны төлөө илгээгээгүй юм. Өнөөдрийн хичээлээр Жаргал багш нэлээн чухал хэсгүүдийг тайлбарлаж эхлэх болно.

Бид өнөөдөр Лук номын 21-р бүлгээс үзэх болно. Энэ бүлэг бол Лукын сайн мэдээний номны эш үзүүллэгийн хэсэг юм. Энэ хэсэг нь Матай болон Марк номон дээр Чидун уулан дээрх сургаалтай төстэй боловч зарим нэг талаараа ялгаатай юм. Матайгийн бичсэн сайн мэдээн дээр дагалдагчид Есүсээс гурван асуултыг асуусан байдаг. “Эдгээр зүйл чинь хэзээ болох юм бэ? Таны заларч ирэхэд ямар шинж тэмдэг байх вэ? үеийн төгсгөлд ямар шинж тэмдэг байх вэ?” гэсэн 3 асуултыг тэд асуусан юм.

Есүс бол хүн төрөлхтөний гэмийг үүрэхээр ирсэн Аврагч юм. Есүст тохиолдсон бүхэн эхнээсээ Бурханы төлөвлөгөөний дагуу байсан. Фарисайчууд болон Садукайчууд Есүсийг янз бүрээр сорьж үзсэн боловч Түүнийг бүдрүүлж чадаагүй юм. Түүний нэгэн адилаар Бурханы Ариун Сүнсний тусламжтайгаар бид ч бас энэ дэлхийн сорилтонд уналгүй алхах боломжтой билээ.

Есүс гэм нүгэлтнүүдийн төлөө энэ дэлхийд ирсэн. Закхай шиг нэг ч болов гэм нүгэлтний төлөө Есүс ирсэн. Есүс Өөрийн хүмүүсээ энэ дэлхий дээр үлдээхдээ хүн бүрт тодорхой талантыг өгсөн. Эргээд бидний итгэмжит байдлыг Тэр шалгах болно. Есүс эхний удаа Иерусалимд даруугаар орсон боловч дахин ирэхдээ сүр жавхлантайгаар орох болно.

Бурхан Эцэг бол шударга бус шүүгч шиг биш, бидний гуйлтыг сонсож хариулахад хэзээд бэлэн байдаг Бурхан юм. Бурханы өмнө чин сэтгэлээсээ даруугаар ирэгч нэгнийг Бурхан ивээдэг. Хүн Бурхантай харилцах харилцаагаа сэргээнэ гэдэг өөрөө бүх ивээлийн эхлэл байдаг.   Есүст итгэж найдан ирсэн хүмүүст Есүс бие махбодын болон сүнсний эдгэрлийг өгдөг.

Өнөөдрийн бидний хичээлийнхээ эхэнд үзэх Баян эр болно ядуу Лазарын сургаалт зүйрлэл бол Есүсийн айлдсан хамгийн гайхалтай сургаалт зүйрлэлүүдийн нэг юм. Энэ л түүхээр дамжуулан бид Бурханы авралын мөн чанар болон үхлийн дараах ертөнцийн талаар олон гайхамшигтай үнэнийг олж мэдэх болно.