Хүн төрөлхтөнд Адамаас болж гэм нүгэлд унасан бол, Христээр дамжуулан аврагдах боломжтой болсон. Гэмээр дамжин үхэл ирсэн бол Христээр дамжин амь ирсэн. Бид Бурхантай холбогдсон учраас гэм ба үхлийн хүч нурж, бидний дотор Бурханы амь байдаг болсон. Энэ бол хамгийн агуу гайхамшиг. “Бурхан харь үндэстнүүдийн дунд энэхүү нууцын алдрын баялаг гэж юу болохыг тэдэнд мэдүүлэхийг хүссэн юм. Энэ нь та нарын дотор байгаа алдрын найдвар болох Христ мөн.” (Колоссай 1:27)

Бид өнгөрсөн дугаарт авралын найман үр ашгийн тухай үзсэн. Бурхан биднийг аврахдаа амар тайван, баяр хөөр, найдвар, Түүнтэй харилцах харилцаа, хайр, мөн асуудлыг даван туулах ялалтыг өгсөн байна. Түүний аврал дотор маш олон зүйлс багтдаг. Харин эдгээрийг та өнөөдөр амьдралдаа оруулаарай. “Бидний Эзэн ... Христ дотор тэнгэрлэг газар дахь алив сүнслэг ерөөлөөр биднийг ерөөсөн.” (Ефес 1:3)

Бурхан биднийг сайн үйлсийн үндсэн дээр биш, зөвхөн итгэлээр авардагийг бид сурсан. Хэн ч Бурханы ариун байдалд хүрч чадахгүй боловч Бурхан бидэнд Өөрт нь ойртох замыг зааж өгсөн. Энэ бол Түүний Хүү Есүс Христэд итгэх юм. Хүүхэд шиг гэнэн цайлган итгэл биднийг авралд хүргэнэ гэдэг үнэхээр их гайхамшиг. “Бурхан ертөнцийг үнэхээр хайрласан тул цорын ганц Хүүгээ өгсөн. Ингэснээр Хүүд итгэгч хэн ч мөхөхгүй, харин мөнх амьтай болох юм.” (Иохан 3:16)

Өнөөдөр бид Ром номын 4-р бүлгийг үзнэ. Өнгөрсөн дугаарт бид Бурханы зөвт байдлын тухай ярьсан. Хэн ч Бурханы өмнө зогсох боломжгүй байсан боловч Бурхан Өөрийн Хүү Есүс Христээр дамжуулан бидэнд зөвт байдлыг өгчээ. Бид Христийн дотор зөвт болсон учраас Бурханы өмнө очих эрхтэй болсон. “Тиймд бид хэрэгцээтэй цагт туслах нигүүлслийг олон, өршөөлийг хүлээн авахын тулд нигүүлслийн хаан ширээнд итгэлтэйгээр ойртон очицгооё.” (Еврей 4:16)

Бид Ром номоор аялах аяллаа үргэлжлүүлж байна. Энэ ном нь хүн өөрийн хүчээр биш зөвхөн Бурханы нигүүлслээр, итгэлээр аврагддаг болох тухай Библийн хамгийн гайхамшигт үнэнийг тунхагласан ном юм. Та Есүст итгэл найдвараа тавибал, Тэр таны итгэлийг хэзээ ч хөсөрдүүлэхгүй ээ. “Бурхан бол итгэмжит. Та нар бол Түүгээр дамжуулан Түүний Хүү нь болох бидний Эзэн Есүс Христтэй нөхөрлөхөөр дуудагдсан юм.” (1 Коринт 1:9)

Бурхан өнөөдөр танд хамгийн агуу бэлгийг өгсөн. Энэ бол Түүний Хүү Есүс Христээр дамжуулан ирэх зөвт байдал, мөнхийн амь юм. Бурхан биднийг өөрсдийн хүч чадлаар аврагдаж чадахгүйг сайн мэдэх учраас Хүүгээ бидний гэмийн төлөөс болгон өгсөн. Хэн нэгний төлөө хүүхдээ өгөхөөс илүү агуу золиос гэж үгүй. Харин өнөөдөр Бурхан таныг энэ бэлгийг хүлээж аваасай хэмээн хүлээж байна.

Бурханы хууль бидний зүрх сэтгэлд бичигдсэн байдаг. Хүн Бурханд итгэхгүй байсан ч түүний мөс чанар буруу зөвийн тухай түүнд ойлгуулдаг. Бурханы өмнө зөвд тооцогдох цорын ганц арга зам бол Түүний Хүү Христийг хүлээж авах юм. Тэр таны, миний төлөө амиа өгсөн. Та бид гэмийн ял үүрэх шаардлагагүй болсон. Есүс Христийг чин сэтгэлээсээ дуудсан хүнд Тэр хариулна.

Бурхан бүтээлээр дамжуулж Өөрийгөө харуулдаг боловч хүмүүс бид Түүнийг харахаас татгалзаж, Түүнээс холдсон тухай бид ярьсан. Бурханаас холдсон учраас Бурхан хүмүүсийг өөрсдийнх нь муу хүсэлд орхисон. Хүн төрөлхтөн Бурханаас холдохдоо элдвийн худал шүтээн бий болгож, санаа бодол нь харанхуй болжээ. Харин Бурхан Өөрийг нь таньж мэдэх, Түүний гэрлийг хүлээж авах боломжийг бидэнд өгсөн. Энэ бол Түүний Хүү Есүс Христ юм.

Бурхан бүтээлээр дамжуулан Өөрийгөө харуулдаг тухай бид өмнөх дугаарт үзсэн. Бурхан Хүүгээ хүн төрөлхтний гэмийн төлөө өгөхдөө бүх хүнд хайртайгаа харуулсан. Харин Түүний Хүүг хүлээн авах сонголтыг хувь хүн өөрөө шийдэх болно. Бурхан Хүүд нь итгэж, Түүнийг хүлээн авсан хүний бүх гэмийг цагаатгаж, мөнхийн амийг өгдөг. Харин Түүний Хүүг хүлээн аваагүй тохиолдолд гэм нүглийнхээ төлөөсийг бид өөрсдөө төлөх хэрэгтэй болно. Тиймээс та өнөөдөр Бурханы дуудлагыг хүлээн авч, Түүний Хүүд итгээрэй.

Бид Ром номоор аялахдаа итгэлээр дамжуулан, нигүүлслээр аврах Бурханы гайхалтай арга замын тухай суралцаж байна. Бурханы авралын төлөвлөгөө нь хүний ухаанд багтамгүй агуу. Тэр бидний аврагдах замыг маш энгийн болгосон. Бид Түүний Хүүд итгэснээр аврагддаг. Гэвч хүүхэд шиг итгэхэд маань бидний мэдлэг, бардамнал саад болдог. Есүс, “...тэнгэрийн хаанчлал бол хүүхдийн адил хүмүүсийнх юм гээд” (Матай 19:14), гэж хэлсэн.