14-р бүлгийн сүүлчийн хэсэгт Соломоны хүү Рехобоам Иуда, Бенжамины өмнөд хаанчлалыг захирсан гэдгийг хэлдэг. Иеробоам хойд Израилийг захирсан. Тэр бол арван овгийн бослогыг удирдсан тэр нэгэн. Иргэний дайн хоёр хаанчлалын хооронд үргэлжилсэн. Энэ нь ах дүүс, ах дүүстэйгээ тулалдах гашуун дайн байсан. Тэрэн шиг муу зүйл өөр байдаггүй.

#БиблийнХуудсаар #ИтгэлньСонсохоос

Хаанчлалд яагаад ан цав үүссэн бэ? Соломонд хаанчлалыг захирах мэргэн ухаан Бурханаас өгөгдсөн байсан. Гэхдээ тэр мэргэн ухаан түүний өөрийн хувийн амьдралд ороогүй нь илт. Соломонд сүнслэг мэргэн ухаан, ялгах чадвар байгаагүй бололтой. Тэр зарим үндсэн зарчмууд, ойлголтуудыг ойлгоогүй. Тэр маш ухаантай захирагч байж чадсан ч түүний хувийн амьдрал, түүний сүнсний амьдралд тэр нь ороогүй. Тэр хаанчлалынхаа эхэнд хуурамч шашинтай хэзээ ч харилцаа таслаагүйг хардаг.

#БиблийнХуудсаар #ИтгэлньСонсохоос

Найз минь, та өнөөдөр юу хийгээд завгүй байна? Та Бурханы Үгнээс суралцаж байна уу? Та Бурханы Үгийн төлөө илүүг төлдөг үү? Эсвэл зугаа цэнгэлд ихийг төлдөг үү? Мөнгө чинь Эзэний ажилд өгөгдөхөөс илүү гоо сайхны бэлтгэлд зарцуулагддаг уу? Алт, мөнгө, үнэт чулууны талаар? Та мөнгө олохоор Эзэнд цаг үлдэхээргүйгээр завгүй ажиллаж байна уу? 

Бид дэлхийд гэрч байхаар дуудагдсан. Бурхан биднийг мич, тогосны бизнес рүү орсныг өршөөх болтугай. Ямар хөнгөн хийсвэр вэ!

#БиблийнХуудсаар #ИтгэлньСонсохоос

Залбирлын зөв байрлалын талаар асуулт үргэлж байсаар ирсэн. Та зогсох ёстой юу? Өвдөг сөгдөх ёстой юу? Дөрвөн хөллөх ёстой юу? Эзэний өмнө та газар хэвтэх ёстой юу? Соломон залбирахдаа сөхрөн суусан. Хэдийгээр тодорхой байрлал шаардлагагүй боловч энд өвдөг сөхрөх байдлыг дурдсан байгаа. Та ямар ч байрлалаар залбирч болно. Биеийн байрлалаас үл харгалзан сүнс өвдөг сөхөрдөг гэж би боддог. зүрх сэтгэлийн байдал чухал.

#БиблийнХуудсаар #ИтгэлньСонсохоос

7-р бүлэгт бид Соломон сүмийг барьсан гэдгийг сураад зогсохгүй. Тэр өөрийн ордонг барьсан. Лебаноны ойн гэрийг, фараоны охинд зориулан нэг ордонг барьсан. Мөн энэ бүлэгт бид сүмийн үүдний танхимын барилгыг дэлгэрэнгүй хэлдэг. Сүмд зориулан цутгамал тэнгис, хүрэл угаалгын сав, арван алтан дэнлүүний суурийг бид хардаг.

#БиблийнХуудсаар #ИтгэлньСонсохоос

Хүн бүр өөрийн бурханд зориулан нэг байшинг барьдаг. Тэд өөрсдийн бурхдыг нэг хайрцган дотор тавьдаг. Соломоны барьсан сүм Бурханы амьдрах гэр гэж Бичээст хэзээ ч авч үзээгүй. Хэрэв та сүм хийдийг Бурханы орших гэр гэж баригдсан гэж боддог бол та бүх утга санааг андуурсан байна. Энэ бол хүний хувьд Бурхан уруу хүрэх нэг хандлага, өргөлүүдээр дамжин Бурханд хүрэх нэг арга зам байсан.

#БиблийнХуудсаар #ИтгэлньСонсохоос

Эзэн Соломоноос хүссэн зүйлийг нь өгнө гэж хэлэхдээ Тэр Соломонд олон дутагдал байсныг, ер нь шаардлага хангахгүй байгааг ухаарсан гэж би боддог. Гэхдээ найз минь, эдгээр зүйлсэд хэн шаардлага хангадаг вэ? Христитгэлийн амьдралд хэн зохистой вэ? Бидний хэн ч биш. Асуудлын гол нь бид Христитгэлийн амьдралаар амьдарч чаддаггүй. Бурхан үүнийг биднээс хэзээ ч асуугаагүй. Тэр биднээр дамжуулан тэр амьдралаар амьдрахыг асуусан.

#БиблийнХуудсаар #ИтгэлньСонсохоос

Давид Соломоноос Эзэнтэй, Бурханы Үгтэй ойр байхыг ятгасан. Түүний зөвлөгөө маш чухал байсан. Давидын Соломонд үлдээсэн зүйлийн талаар маш бага анхаардаг. Гэхдээ Давидын түүнд үлдээсэн зүйл түүнийг энэ дэлхийн агуу хаадын нэг болгосон гэж би итгэдэг. Соломон бол хамгийн алдартай хаадын нэг.

#БиблийнХуудсаар #ИтгэлньСонсохоос

1 Хаад ном Самуел номонд эхлэсэн хүүрнэлийг үргэлжлүүлдэг. Энэ эхний бүлэгт Давид хөгшин болсон байна. Түүний хөвгүүдийн нэг Адониа хаан ширээг булаахыг оролддог. Натан, Батшеба нараар хөтлөгдөн Давид өөр хөвгүүн Соломоныг Израилийн хаанаар тосолсон. Эдгээрээр хаадын түүх эхэлдэг.

#БиблийнХуудсаар #ИтгэлньСонсохоос

Итгэгчид бид итгэлийн амьдралдаа Есүс Хрисийг ширтэн харж, Түүнйиг дагаж амьдрах ёстой. Бид итгэлээр балчир биш харин төлөвшсөн итгэгч байж, Есүс Христийн хүслийн дагуух аливаа сайн үйлд бэлтгэгдсэн байх нь бидэнд хандсан Бурханы хүсэл мөн. Бид Бурханы үгэн дэх сургамжийг алдалгүй барьж авдаг, тэдгээрийг амьдралдаа хэрэгжүүлдэг итгэгчид байхыг эрмэлзэх хэрэгтэй.