Өмнөх хичээлээр бид зовлонтойдоо баярлан хөөрөх тухай үзсэн бол өнөөдрийн хичээлээр бид бүхэн бидний итгэл, итгэлийн шалгуур ямар үнэ цэнэтэй болох талаар үзэх болно.

Өнөөдрийн хичээлээр бид хэдийгээр нэг л эшлэлийн талаар үзэх боловч олон сэдвүүдийг хөндөх болно. Хамгийн эхэнд Гурвалын талаар бид үзэх болно.

Энэ номыг судалснаар бид Езра гэдэг хүний тухай мэддэг болж, түүнд байгаа олон үнэт чанараас суралцаж байгаа билээ. Тэр удирдагч хүнийхээ хувьд ард олныхоо өмнөөс Бурхан дээр ирж, чин сэтгэлээс өршөөл гуйдаг. Энэ ном хэрхэн төгсөх бол? өөрөөр хэлбэл Бурханы тушаалыг зөрчсөн тэдгээр еврейчүүдийн хувь заяа хэрхэн шийдэгдэх бол гэдэг нь миний хувьд үнэхээр сонирхолтой санагдаж байна. Езрагийн хувьд Бурханы хүслийн дагуу шийдвэр гаргах хэрэгтэй болдог. Езра сүнслэг удирдагч байсан. Тиймээс түүний зориг болон шийдэмгий үйлдлүүд Бурханд итгэдэг хүмүүсийн дунд аль хэдийнээ байраа эзэлж оршин тогтносон дэлхийлэг чанарыг эсэргүүцэж чадсан юм. Тэрээр итгэгч биднийг гэм нүглээ гэмшиж, Бурханы үгэнд дуулгавартай байхыг уриалж урамшуулсан. Яг одоо Бурханд итгэлээ өгсөн та бидэнд ч бас үүнийг уриалж байна. Таныг урамшуулъя. Та аль хэдийнээ Бурханы хүн болсон. Тиймээс яг одоо гэм нүглээ хүлээн зөвшөөрч, гэмш. Ингээд Бурханд талархан залбираад Езра номын сүүлчийн болоод сонирхолтой бүлгээр аялцгаая.    

Өмнөх хичээл дээр Иерусалимд эргэж ирсэн хүмүүс Бурханд зориулсан сүмийг сэргээн барьж дуусгасан тухай үйл явдлаасх амтдаа суралцаж судалсан. Миний хувьд эртний Израиьчуудын түүхээс суралцах нь их сонирхолтой санагддаг. Тиймээс өнөөдөр Езра номын долоо, наймдугаар бүлгээс суралцах гэж байна. Эдгээр бүлгүүдэд шинэ түүхэн үйл явдлууд гардаг.  Тэр юу вэ? гэвэл энэ номын зохиогчтой бид танилцах болно. Тэрээр өөрийгөө Бурханы зарлиг болон зөвт жишгүүдийг дагахад зориулсан. Тэгээд ч зогсохгүй бусдад заадаг Бурханы үгсийг өөрийн амьдралдаа хэрэгжүүлэн амьдардаг байжээ. Үнэндээ гоё сайхан үгсээр олныг мунхруулж чихэн дээр нь цэцэг ургуулахаас илүү өөрөө хэлснээ хийдэг, бүтээдэг байх нь хамгийн зөв арга. Тэгвэл Есүс Христэд итгэгч бид хий хоосон тунхаглагчид биш амьдралаараа Бурханыг гэрчлэн, түүнийг хүлээн авч амжаагүй хүмүүст үлгэр дууриал болцгооё.