Библийн сургаал гэдэг бол сонсоод мэдээлэл солилцдог мэргэн үгс биш. Амьдралд өөрчлөлт хийдэг Бурханы үг гэдгийг сануулан хэлэхийг хүсч байна. Өнгөрсөн дугаараас бид хамтдаа уулан дээрх сургаалыг үзэж эхэлсэн. Өнөөдөр бид үргэжлүүлэн үзэх болно. Гайхалтай амлалт, тунхаглал бүхий энэхүү сургаал сонсогч таны зүрх сэтгэлийн шархыг эдгээж, урам, хүч зоригийг өгөх болтугай.  

Өмнөх хичээлээрээ Есүс 12 дагалдагчаа сонгож авсан талаар бид суралцсан. Өнөөдөр Есүсийн сургаалуудын дотроос хүмүүсийн хамгийн их уншдаг уулан дээрх сургаалийг хамтдаа суралцах болно.  

#БиблийнХуудсаар #ИтгэлньСонсохоос

Өнгөрсөн нэвтрүүлгээр Есүс диаволд хэрхэн соригдсон тухай гарсан бөгөөд тэрээр диаволыг хэрхэн ялж диваолд түүнийг орхисон тухай бид үзсэн. Нэг үгээр хэлвэл Есүс бурханы ажлыг хийж эхлэгмэгцээ олон олон хүнийг унагааж бардам болсон муу сүнсэнд амар ялагдах нэгэн биш гэдгээ мэдүүлсэн. Тийнхүү диавол ч түүнийг орхин явсан. Хэзээ нэгэн цагт диавол түүнийг унагахаар өөрийн боломжийг ашиглахаар дахин ирэх болно. Харин Есүс түүнийг дахин дийлсэн гэдгийг бид мэднэ. Матай номонд Есүсийн үйлчлэлийн талаар нилээн тодорхой өгүүлэхдээ Есүсийг хаан хэмээн танилцуулахыг хүссэн. Өнөөдрийн нэвтрүүлгээр бид Есүсийн үйлчлэл болон номлолын талаар үргэжлүүлэн суралцах болно.  

#БиблийнХуудсаар #ИтгэлньСонсохоос

Өнгөрсөн удаагийн дугаараар Иохан баптисм тэнгэрийн хаанчлалын талаар, өөрийн дараа ирэх нэгнийг тунхаглан номлож эхэлсэн талаар мэдсэн. Тэрээр өөрийнх тунхаглалыг сонсохоор ирсэн зарим хүмүүсийг зэмлэж байгаа талаар ч бид үзсэн. Өнөөдөр ч үргэлжлүүлэн бидний хүсэн хүлээсэн Есүс Христийн үйлчлэлээ хэрхэн эхэлсэн талаар үзнэ. Хүмүүс шинэ зүйлд дандаа бэлэн байдаг нь юу л бол... үнэндээ Есүс Христийг ирэх талаар олон зуун зөгнөл байсан ч ирэх үед  нь олноор цуглан алга ташин угтаж авсангүй. Иохан баптисмын тунхаглал нь гэм нүгэл болон өөрсдийн хатуурсан зүрх сэтгэлдээ автсан хүмүүсийг хатуу зэмлэснээр эхэлсэн. Есүс энэ л суурин дээр өөрийн үйлчлэлийг эхэлсэн.  

#БиблийнХуудсаар #ИтгэлньСонсохоос 

Өнгөрсөн дугаарт бид Есүсийн хэрхэн мэндэлсэн , дорнын мэргэд Херод хаан дээр ирэн түүнийг асууж сурсан тухай болон Херод хааны мэргэдээс Бетлехемд мэндэлнэ гэж мэдээд тэр тухай бид суралцсан. Херод хаан мэргэдийг үнэхээр шинээр мэндэлсэн иудей хааныг олж очоод хүндлээсэй гэж хүссэн юм болов уу? Ромчуудын дэмжлэгтэйгээр Израильчуудын хаан болсон өвөг дээдсийнх нь өстөн дайсан Едом удмын Херод хаан Есүсийг хэрхэн хүлээн авсан бол... Өнөөдөр бид энэ тухай суралцана. 

#БиблийнХуудсаар #ИтгэлньСонсохоос

Өнгөрсөн дугаараар бид Имманүэл гэдэг нэрийг мэддэг болсон. Энэ бол Бидэнтэй хамт байдаг гэсэн утгатай юм. Энэ нэрээр Есүсийг нэрлэх болно гэж олон зуун жилийн өмнө зөгнөж тийнхүү биелсэн билээ. Есүсийг хэрхэн төрснийг танилцуулахаас өмнө түүний гарал үүслийн талаар тун нарийвчлан мэдээлэл өгснөөр хичээлийг улам сонирхолтой болгож байна. Олон алдартай хүмүүс эцэг эх нь алдартай байсан тухай намтар түүх байх боловч өөрөө төрөхөөс өмнө алдартай байх нь зөвхөн Есүст л тохиож байна. Ургийн бичгээс үүнийг бид дэлгэрэнгүй сонссон. Харин өнөөдрөөс бид түүний амьдрал хэрхэн өрнөж, Бурхан түүнтэй хамт байгаагаа баталж байсан тухай гайхалтай үйл явдлуудаар аялах болно. 

#БиблийнХуудсаар #ИтгэлньСонсохоос

Таны амьдрал асуултгүй амар амгалан, мэдэлтгүй мэнд амгалан байгаа гэдэгт итгэж байна. Монголчууд бид нар амны билгээс ашдын бэлэг гээд хүний мууг бага ярьдаг хүмүүс билээ. Өнгөрсөн нэвтрүүлгээр багш матай номыг 1-р бүлэгт гарч буй ургийн бичгийг бидэнд хуваалцаж эхэлсэн билээ. Израиль шиг шашны хувьд маш хатуу чанга дэглэмтэй ард түмний ургийн бичигт амьдралд нь асуудалтай гарсан эмэгтэйчүүдийг оруулсан нь гайхалтай байсан. Гэхдээ асуудалтай нь сонгогдох шалтгаан биш. Бурхан тэдгээр хүмүүсийг хэрхэн сонгон авч хүн төрөлхтөний төлөөх аврагчийг төрүүлэх удамд оруулсаныг бид сонссон. Өнөөдөр ч бид тэрхүү ургийн бичгийг үргэжлүүлэн үзэх бөгөөд шинээр олон зүйлсийг суралцана гэдэгт итгэж байна.  

#БиблийнХуудсаар #ИтгэлньСонсохоос

Библийн Шинэ Гэрээг бас Матайн сайнмэдээг эхлүүлж байгаа Угийн бичиг нь олон талаараа Библийн хамгийн чухал баримтуудын нэг байдаг юм. Библи бүхлээрээ энэхүү угийн бичгээр батлагддаг. Энэхүү угийн бичиг нь гурван хэсэгт хуваагдсан байдаг. 

1. Абрахамаас Давид хүртэлх угийн бичиг (и. 1-6)

2.  Соломоноос Вавилоны цөллөг хүртэлх угийн бичиг (и. 7-11)

3. Вавилоны цөллөгөөс мужаан Иосеф хүртэлх угийн бичиг (и. 12-17)

Эхлэл номыг сурч байхдаа бид энэ нь гэр бүлийн тухай ном болохыг олж мэдсэн. Тэнд тэмдэглэгдсэн угийн бичгүүд нь маш чухал бөгөөд Шинэ Гэрээг судлахдаа ч бид тэрхүү угийн бичгийг олж харах болно 

#БиблийнХуудсаар #ИтгэлньСонсохоос

Өнөөдрөөс эхлээд Библийн шинэ гэрээний эхний ном Матай номыг судалж эхэлнэ. Библи нь 1500-гаад жилийн турш 40 гаруй хүн бичсэн гайхалтай ном. Хуучин гэрээ нь Эхлэл, Шинэ гэрээ нь Матай номоор эхэлдэг. Татвар хураагч Матай байгаад Есүсийн 12 дагалдагчийн нэг байсан. МЭ-ний 50-60 аад оны үед энэхүү номыг бичжээ. Энэхүү номыг уншсан хүн болгонд Эзэн Есүс Христийг хаан хэмээн таниулахыг хүссэн нь харагддаг. Тиймээс Матай номын гол сэдэв Бурхан өөрийн хааныг хэрхэн зарласан тухай  юм. 

#БиблийнХуудсаар #ИтгэлньСонсохоос

Өнөөдрийн хичээлээр бид Эхлэл номын төгсгөлийн хэсгийг үзэцгээх болно. Бидний хуучны танил Иаков маань амьдралынхаа сүүлчийн мөчүүдэд хэрхэн итгэлээрээ бат зогссон талаар бид өнөөдрийн хичээлээрээ үзэх болно. Нэгэн цагт зөвхөн өөртөө итгэж, зөвхөн өөрийнхөө хүслээр амьдарч явсан Иаковыг Бурхан хэрхэн өөрчилж, ямар гайхалтай итгэлийн баатар болгон өөрчилсөнийг бид өнөөдрийн хичээлээсээ харах болно. Бурхан та биднийг ч мөн ийнхүү өөрчилж, өдөр бүр итгэлээс итгэлд шинэчлэн хүчирхэгжүүлж байдаг гэдгийг та бүү мартаарай.     

#БиблийнХуудсаар #ИтгэлньСонсохоос