Амьдралаас нь Бурханы зорилго маш тодорхой харагддаг хүн Хуучин гэрээнд Иосефоос өөр бараг байдаггүй гэж хэлж болно. Түүний амьдралынх нь хэсэг нэг бүрд Бурханы хангалт байсаар ирсэн. Бурханы мутар түүний дээр байж, Эзэний удирдамж маш тодорхой байдаг байсан. Тэгсэн хэрнээ Сударт бичигдсэнийг харвал Бурхан хэзээ ч Иосефтай шууд уулзаж байгаагүй. Бурхан Абрахам, Исаак, Иаковт үзэгдэж байсан, харин Иосефт бол үгүй. Хэдийгээр түүний хувьд бүх юм уруудаж байгаа юм шиг, нөхцөл байдал хар бараан байсан ч, үнэхээр аймшигтай байсан ч түүнд тохиолдсон бүхий л зүйл энэ хүний амьдрал дахь Бурханы төлөвлөгөөг биелүүлэх нэг алхам болж байсан юм. Тэгвэл өнөөдрийн хичээлээс эхлэн хамтдаа Иосеф хэмээх энэхүү итгэлийн баатартай хамт эртний Египетээр аялах болно. Одоо бүгдээрээ залуу хүү Иосефыг дагаж, түүний амьдралд юу тохиолдохыг харцгаая.

#БиблийнХуудсаар #ИтгэлньСонсохоос

---

Send in a voice message: https://podcasters.spotify.com/pod/show/itgelradio/message

Аливаа хүүхдийн хүмүүжил гэдэг эцэг эхийнх нь хэр их анхаарал халамж, цаг зав зарцуулснаас шууд хамаардаг. Бурхан ч бас биднийг үр хүүхдүүдээ Бурханы замаар хүмүүжүүлээсэй хэмээн хүсдэг. Бурхан Абрахамд хандан “Би түүгээр, түүний хүүхдүүд болон гэр бүлийнхэнд тушаалгаж ЭЗЭНий замаар дагуулан, зөв ба шударга ёсыг үйлдүүлэхээр Би түүнийг сонгож авсан юм. Энэ нь ЭЗЭН түүний тухай хэлснээ Абрахамд биелүүлэхийн тулд болой” хэмээн Эхлэл 18-р бүлэг дээр айлдсан тухай бид үзэж байсан. Харин харамсалтай нь Иаков ингээгүй. Тэр нагац ах Лабантайгаа тэмцэлдэж, өрсөлдөөд завгүй байсан болохоор хөвгүүддээ тийм ч их цаг зав гаргаагүй. Хөвгүүд нь бараг бүгдээрээ маш муухай гэм нүгэлд орооцолдсон нь үнэхээр харамсалтай. Өнөөдрийн бидний үзэх Эхлэл 38-р бүлэг дээр Иаковын хүү Иудагийн үйлдсэн гэм нүгэл болон түүний ичгүүрийн тухай өгүүлдэг. Энэ харамсалтай бүлгээр дамжуулан Бурхан бидэнд чухам юуг сургахыг хүссэн юм бэ гэдгийг удахгүй олж мэдэцгээх болно.

---

Send in a voice message: https://podcasters.spotify.com/pod/show/itgelradio/message

Итгэгч биднийг амьдралдаа худал хуурмагийг биш харин үнэн мөнийг тарьж амьдраасай хэмээн Бурхан хүсдэг. Тиймдээ ч Библи дээр Бурхан энэ түүхийг бидэнд бичиж үлдээсэн болов уу гэж би боддог. Эцгийнхээ ерөөлийг авахын тулд хуурч мэхлэх замыг сонгосон Иаковын талаар бид өмнөх хичээлүүд дээрээ үзэж байсан. Тэгвэл Иаков худал хуурмагийг тарьсныхаа төлөө юуг хураасныг хамтдаа өнөөдрийн хичээлээр үзэх болно.

#БиблийнХуудсаар #ИтгэлньСонсохоос

---

Send in a voice message: https://podcasters.spotify.com/pod/show/itgelradio/message

Өнгөрсөн хугацаанд бид Эхлэл номоос Абрахам, Исаак, Иаков нарын тухай үзсэн. Харин Эхлэл номын төгсгөл хэсэгт гарах дөрөв дэх маш чухал дүр буюу Иосефын тухай өнөөдрөөс бид хамтдаа үзэж эхлэх гэж байна.

#БиблийнХуудсаар #ИтгэлньСонсохоос

---

Send in a voice message: https://podcasters.spotify.com/pod/show/itgelradio/message

Өнгөрсөн бүх хугацаанд бид Исаакийн бага хүү Иаковын талаар үзсэн бол өнөөдөр Есав болон түүний үр удмаас хэрхэн Едом үндэстэн үүссэн талаар үзэх болно. Бурхан Абрахамын үр удмын агуу үндэстэн болгон ерөөнө гэж амласан. Тэгвэл Есав Абрахамын ач, Исаакийн хүү учраас энэ ерөөлтэй хамаатай байсан гэж ойлгож болно. Ах дүү хоёрыг эхийн хэвлийд байхад нь л Бурхан “ах нь дүүдээ үйлчилнэ” гэж айлдсан байдаг. Тэгвэл чухам яагаад Есав Бурханд гологдож, Иаков Бурханы таалалд нийцсэн юм бол?

#БиблийнХуудсаар #ИтгэлньСонсохоос

---

Send in a voice message: https://podcasters.spotify.com/pod/show/itgelradio/message

Өнгөрсөн хичээлээр бид Эхлэл номын 34-р бүлгийг үзэхдээ Иаковын амьдралд тохиолдсон эмгэнэлт явдлын талаар үзэцгээсэн. Зарим Библийн судлаач нар Иаковын хувьд Шехемийн дэргэд буудалласан нь маш том алдаа байсан гэж үздэг. Зарим талаар үнэн боловч хэрвээ энэ үйл явдал тохиолдоогүй байсан бол Иаков Бетелд болох үйл явдал бэлэн байх байсан болов уу? Бурханы өөрт нь өгөх гэж буй тэр зүйлийг Иаков бэлэн байсан уу? Үгүй гэж би бодож байна. 34-р бүлэгт болсон эмгэнэлт үйл явдал махан биеэр өөрийн хүчинд найдан алхаж байсан амьдралынх нь үр дагавар байсан. Түүнд Бетел хүртэл явах итгэл байгаагүй учраас Шехемд зогссон. Амьдралд нь тохиолдсон энэхүү эмгэнэлт явдал түүнийг өрх гэрийнхээ жинхэнэ тэргүүн нь байж чадахгүй байгааг харуулж өгсөн. Тэр байх ёстой газраа байгаагүй. Тэр бас сүнсний хувьд агуу хүчирхэг нэгэн байгаагүй. Арван нэгэн хөвгүүнээ малчин эрчүүд болгож өсгөх нь түүний гол ажил байсан боловч тэр үүнд бэлэн биш байсан. Харин энэ эмгэнэлт үйл явдлын дараа Иаков өөрийнхөө амьдрал дахь Бурханы гарыг харж эхэлсэн бөгөөд урьд нь гаргах ёстой байсан тэр шийдвэрээ өнөөдрийн бидний үзэх энэ бүлэг дээр гаргах болно. Энэ шийдвэр нь чухам ямар шийдвэр байсан юм болоо?

#БиблийнХуудсаар #ИтгэлньСонсохоос

---

Send in a voice message: https://podcasters.spotify.com/pod/show/itgelradio/message

Библийн хуудсаар” библийн цуврал хичээлийн өнөөдрийн дугаар маань ийнхүү эхэлж байна. Эхлэл номыг бид сайтар ойлгохын тулд бид гэр бүлүүд дотор асуудал бэрхшээл байсан гэдгийг мэдэх нь маш чухал юм. Та үүнийг анзаарсан уу? Абрахамын гэр бүл дотор асуудал, тэмцэл байсан. Исаакийн гэр бүлд ч тэмцэл өрсөлдөөн байсан. Исаак Есавтаа сайн байсан бол Ребека Иаковт илүү хайртай байсан. Энэ байдал нь эцэстээ тэдний гэр бүлд маш их асуудал, тэмцлийг авчирсан юм. Иаковын гэр бүлд ч гэсэн маш том асуудал байсныг бид одоо үзэх болно. Энэ нь чухам ямар асуудал байсныг энэ хичээлийн дараа та мэдэх болно.

#БиблийнХуудсаар #ИтгэлньСонсохоос

---

Send in a voice message: https://podcasters.spotify.com/pod/show/itgelradio/message

Сэтгэлзүйн асар их дарамтанд байсан Иаковын хувьд өөр гуравдагч этгээдтэй барьцалдаж, барилдах сонирхол огтхон ч байгаагүй. Гэтэл тэр шөнө “нэг хүн” Иаков уруу эхэлж довтлон, түүнтэй барилдаж эхэлсэн байгаа. Өмнөх хичээлд үзсэнчлэн тэр хүн бол Христ байсан юм. Бурхан Иаковыг цохих хүртэл тэр түүнтэй тэмцэлдсэн. Үүний дараа Тэр хүн хэн болохыг Иаковыг ойлгосон. Тэгээд өөрийг нь ерөөх хүртэл тэр Түүнээс зуурсан байгаа. Энэ мөчөөс эхлэн Иаковын дотор өөрчлөлт гарч эхэлснийг бид харах болно. Дараа дараагийн бүлэгт бид Иаковтай биш харин огт өөр хүнтэй уулзаж байгаа юм шиг болох болно. Үнэндээ тэр цоо шинэ хүн болсон юм. Тэгвэл маргааш өглөө нь цоо шинэ хүн болсон Иаков өөрийн ах Есавтай уулзсан тэр уулзалт хэрхэн өрнөснийг бид өнөөдрийн хичээлээр үзэх болно. Нэгэн цагт Иаковыг заавал ална хэмээн тангараглаж байсан ах нь 400 дайчин эрстэйгээ Иаков дээр ирэхдээ чухам ямар санаа өвөрлөж ирсэн бол?

#БиблийнХуудсаар #ИтгэлньСонсохоос

---

Send in a voice message: https://podcasters.spotify.com/pod/show/itgelradio/message

Хүний амьдралд өөрчлөлт авчирсан тэр нэгэн өдөр тэр нэгэн эргэлтийн цэг гэж байдаг. Тэр нэгэн өдрөөс хойш миний амьдрал өөрчлөгдсөн юмдаа гэж хүмүүс ярьдаг даа. Тэгвэл өнөөдөр бид хамтдаа бидний сайн танил Иаковын амьдралыг тэр чигээр нь өөрчилсөн эргэлтийн цэг болсон нэгэн гайхалтай өдрийн тухай хамтдаа үзэх болно.

---

Send in a voice message: https://podcasters.spotify.com/pod/show/itgelradio/message

Өнгөрсөн хичээл дээр бид анх гэрээсээ зугатан Харанд ирж байсан Иаков харин одоо Харанаас зугатаахын тулд эхнэрүүдтэйгээ зөвлөлдөж байгаа тухай үзээд зогссоныг та бүхэн санаж байгаа байх. Харин өнөөдрийн хичээлээр Бурхан түүнийг уурлаж хилэгнэсэн нагац ах Лабаных нь гараас хэрхэн аварсан тухай үзэх болно. Бурхан өөрийн хүмүүсийг ямагт хамгаалдаг болохыг бид энэ түүхээс үзэх болно. Хэдийгээр Иаков хуурч мэхэлдэг өөдгүй хүн байсан ч Бурханы ерөөлийг авсан хүн байсан учраас Бурхан түүнийг хамгаалан, түүнийг өөрчлөхийн төлөө цөхрөлтгүй ажилласан. Тэгвэл Бурхан та биднийг ч бас ийнхүү хамгаалан сахих болно. Ингээд Иаковын түүх хэрхэн өрнөхийг хамтдаа харцгаая.

#БиблийнХуудсаар #ИтгэлньСонсохоос

---

Send in a voice message: https://podcasters.spotify.com/pod/show/itgelradio/message