Өнөөдрийн бидний үзэх хичээлээр нас өндөр болсон Иаковын сүүлчийн үг, хүүхдүүддээ хэлсэн ерөөлийг үзэх болно. Энэхүү 49-р бүлэг бол Эхлэл номын онцгой бүлгүүдийн нэг юм. Ер нь нас барах гэж байгаа хүний хэлж буй үгийг хүн бүр анхааралтай сонсож, чухалчлан хүлээж авдаг шүү дээ. Учир нь энэ үед хүн зөвхөн үнэнийг л хэлдэг. Нэгэн цагт аавынхаа ерөөлийг хуурч мэхлэн авч байсан Иаков одоо өөрөө өөд болохынхоо өмнө үр хүүхдүүдээ ерөөж байгаа тухай бид үзэх болно. Нас барахынхаа өмнө хэлж буй Иаковын энэ үг эш үзүүллэгийн шинжтэй байсан. Тэрээр арван хоёр хүүгийнх нь үр удам арван хоёр овог аймаг болох үедээ ямар байх тухай энд хэлсэн байдаг. Тухайн үед энэ нь ирээдүйн тухай эш үзүүллэг, зөн байсан бол одоо аль хэдийнээ түүх болон улирчээ. Ингээд Иаков хөвгүүдээ чухам юу гэж ерөөсөн болохыг хамтдаа өнөөдрийн хичээлээрээ үзэцгээе. 

#БиблийнХуудсаар #ИтгэлньСонсохоос 

 Өнөөдрийн бидний үзэх бүлэгт Иаков насан өндөр болж, нас барахаасаа өмнө өвчтэй байх үедээ Иосефын хоёр хүүг ерөөж байгаа тухай энэ бүлэгт өгүүлдэг. Энэ талаар Еврей 11:21-д “Итгэлээр, Иаков нас барж байхдаа Иосефын бүх хөвгүүнийг ерөөгөөд, таягаа тулж Бурханд мөргөсөн юм” гэсэн байдаг. Түүнчлэн энэ бүлгээс бид Иаковын сүнслэг өсөлтийн өөр нэгэн баталгааг үзэх болно. Тэр урт удаан амьдралыг туулж, өндөр насалсан. Иаков амьдралынхаа сүүлийн жилүүдэд гаргаж байгаа энэ зан араншинг арай залуудаа гаргаж байсан бол гэж заримдаа харамсмаар. Гэхдээ л сүнслэг амьдралын хувьд ямар их өсөж, хөгжсөнийг нь харахад үнэхээр гайхалтай биш гэж үү. Энэ бол түрхэн зуур болоод өнгөрөх сэтгэл хөдөлгөм үйл явдал биш харин урт удаан хугацааны туршид, итгэлийн амьдралын туршид явагддаг процесс юм. Үүнийг Библид Сүнс дотор алхах гэж нэрлэдэг билээ.  

#БиблийнХуудсаар #ИтгэлньСонсохоос

Өнөөдрийн бидний үзэх бүлэгт Иаковын амьдралын хамгийн сайхан үеийг өгүүлэх болно. Сударт анх дурдагдах үедээ тэр тийм ч сайн хүн байгаагүй. Үнэн хэрэгтээ Египет уруу аялах хүртлээ тэр итгэлийн баатар шиг харагдахгүй байсан. Харин энэ бүлэгт тэр үнэхээр итгэлийн хүн болсон гэдгийг бид тодорхой харах болно. Иаков ингэж итгэлийн хүн болохын тулд итгэлийн амьдралын сургуульд хичнээн жил суралцсан бэ гэдгийг бид мэдэж байгаа. Өнөөдөр итгэгч бид ч бас ийнхүү амьдралдаа өдрөөс өдөрт, итгэлээс итгэлд төлөвшин яваа хүмүүс юм. Гэхдээ бидэнд нэг гайхамшигтай итгэл найдвар бий. Эцэстээ бүх зүйлс Эзэний ивээлээр сайхан болно. Зовж зүдэрч, унаж босож явсан Иаковын амьдралын хамгийн сайхан үе одоо л эхэлж байна. 

Анх аавыгаа хуурч, ахаасаа зугатаасан залуу хүү Иаков гэрээсээ зугатан Харанд ирж байсан бол дараа нь олон жил нагац ахдаа зарцлагдан хаширсан Иаков эхнэр хүүхдүүдээ дагуулан Харанаас зугатан Канаан руу ирж байсан. Энэ бүх түүхийг та сайн санаж байгаа байх. Тэгвэл өнөөдрийн хичээлээр Иаков үр хүүхэд ач гуч, мал сүргээ дагуулан Египет рүү нүүж байгаа тухай бид үзэх болно. Гэхдээ энэ удаад Иаков хэн нэгнээс зугатааж биш, хэн нэгэнд эсвэл өөрийнхөө хүчинд найдаж биш харин Бурханд найдан, итгэлээрээ нүүж яваа нь энэ юм. Бурхан Иаковыг насан туршид нь өөрчилж, насан туршид нь орхилгүй дагуулсаар одоо л Иаков итгэлээрээ алхаж эхэлж байна. Магадгүй энэ түүхийг хүртэл Иаковыг бид “итгэлийн баатар” гэж хэлэхэд хэцүүхэн байсан бол өнөөдөр бид түүнийг үнэхээр итгэлийн баатар болжээ гэдгийг нь олж харах болно. 

#БиблийнХуудсаар #ИтгэлньСонсохоос

 Ах нартаа ад үзэгдэж, харь нутагт худалдагдсан. Гүтгэгдэн доромжлогдож, шоронд хаягдсан. Шоронд мартагдан олон жилийг өнгөрүүлсэн Иосефын зовлонт амьдрал нэг л өдөр өөрчлөгдөж Египетийн ерөнхий сайд болсон тухай бид үзсэн. Тэгвэл өнөөдрийн бидний үзэх хичээлээр Иосеф өөрийнх нь амьдралыг там болгож хувиргасан ах нартаа өөрийгөө илчлэх болно. Түүний оронд бид байсан бол юу хийх байсан бол? Ах нараа үзэн ядаж магадгүй аав дүү хоёроосоо бусдыг нь шоронд хорих байсан биз. Гэтэл Иосеф тэднийг уучлахаар барахгүй тэднийг тэврэн авч, тэднийг баяртайгаар хүлээн авсан юм. Чухам юу түүнийг ийнхүү өгөөмөр зан гаргахад хүргэсэн юм бол? Өөрт тохиолдсон тэр бүх муу муухай тавилангийн шалтгаан болсон ах нараа уучлан, хайрлахад юу түүнийг хүргэсэн юм бол? Өнөөдрийн хичээлээрээ бид энэ асуултын хариултыг олж мэдэцгээх болно. 

#БиблийнХуудсаар #ИтгэлньСонсохоос

 Та маш удаан уулзаагүй ойр дотныхоо хүнтэйгээ олон жилийн дараа уулзаж үзсэн үү? Танд ямар байсан бэ? Үнэхээр сайхан байсан байх тийм үү? Сэтгэл хөдөлж, баяр хөөр төрж байсан байх. Тэгвэл өнөөдрийн хичээлээрээ бид уулзалдалгүй бараг 22 жил болсон төрсөн ах дүү хоёр хэрхэн уулзаж учрахыг үзэх болно. Энэ бол Иосеф Бениамин хоёр юм. Иосефыг ах нар нь Египет рүү худалдах үед түүний хайртай дүү жоохоон байсан. Харин одоо аль хэдийн том сайхан залуу болжээ. Харин Иосеф Египетийн ерөнхий сайд болчихсон түүний өмнө зогсож байсан. Энэ сэтгэл хөдөлгөм сайхан уулзалт хэрхэн болж өнгөрсөн талаар хамтдаа үзэцгээе.  

#БиблийнХуудсаар #ИтгэлньСонсохоос

 Баривчлагдсан байгаа хүнийг итгэлтэй хүний баталгаагаар батлан даалтанд авдаг байгаа. Үүнийг бид сайн мэднэ. Тэгвэл гэм нүглийг хүлээсэнд байсан бидний батлан даалт болон Есүс Христ энэ дэлхийд ирсэн билээ. Түүний бидний төлөө урсгасан цусны гавъяагаар бид аврагдсан юм. Харин бидний Аврагч Есүс Христ Иаковын хүү Иудагийн удмаас мэндлэсэн гэдгийг та мэдэх үү? Тэгвэл Иосефын ах Иуда хэрхэн дүүгийнхээ амь насыг амиараа батлан дааж байсан тухай өнөөдрийн хичээлээр бид үзэх болно.  

#БиблийнХуудсаар #ИтгэлньСонсохоос

 Бидний өмнөх хичээлүүдээс танил болсон Иосефын амьдрал дахь сэтгэл хөдөлгөм гайхалтай үйл явдлууд одоо өрнөх гэж байна. Бурхан энэ үндэстнийг их ган гачигаас аварч, Иаковыг болон хөвгүүдийг нь Египетэд авчирахад Иосефыг ашиглах болно. Иосеф нүхэнд хаягдаж байхдаа энэ бүгдийг харж чадаагүй. Гэхдээ тэр Бурханд итгэж байсан. Тэр итгэл үнэмшлийнхээ улмаас үргэлж эрч хүчтэй, өөдрөг байдаг байсан. Итгэгч бидний итгэл ч гэсэн түүнийхтэй адилхан байж, ямар ч нөхцөл байдалд байсан, юу ч тохиолдсон үргэлж өөдрөг байдаг бол хичнээн сайхан бэ. Гэхдээ жишээ нь би гэхэд маш жижиг зүйлээс урам хугарч, сэтгэлээр унадаг. Бидний ихэнх нь ийм байхаа. Тэгвэл Бурханы бидэнд хандсан сайн төлөвлөгөө байгаа гэдэгт итгэвэл бид нөхцөл байдлыг арай өөрөөр харж чадна гэдэгт би итгэлтэй байна. Ингээд хичээлдээ орцгооё.