Oki Mokiko taldekideak, "pretentsio handirik gabeko sormen zintzoa" lantzen dute, mundu guztiak bezala, batzuetan infernuan eta bestetan zeruan ikusten dute beren burua. Izan ere, musika emozionalki bizi dute eta barruko hustuketa horrek balio die berriz ere betetzeko eta sormenari bide egiteko. "Bizi dugun momentuaz hitz egiten dugu" esan digute getariarrek "Bidegurutzean" posdcastean.Entzun, pop punkean kokatutako taldeak esanak.

Zehar bideak nahiago ditu Eneritz Furyakek bide zuzenak baino, nahiz aitortzen duen batzuetan "bide malkartsuetara" eramaten duela zehar bide horrek.Irungo musikariak ez ditu kantuak zerbaitetarako egiten, ez du musika helburu zehatz baterako egiten, alderantziz melodiak eta hitzak barruan jartzen zaizkio martxan eta atera egiten zaizkio.Euskal musikari eta musikari taldeak hurbilago ezagutzeko bidea da "Bidegurutzean" podcast hau.

Isiltasuna gero eta gehiago apreziatzen du Willis Drummondek, izan ere isiltasuna zerbait esateko hautsi behar dela sinesten du gero eta gehiago. Gero eta hobeto sentitzen da bere buruarekin eta ondorioz, munduarekin ere bai."Bidegurutzean" deabruarekin hizketan esan du, "gezurra egiaren parte gisara" sentitzen duela eta galdera itxiak nahiago izaten dituela gutxiago pentsarazten diotelako. Entzun podcastean xehetasunak.

Helburuak jartzeak bidea erakusten dizula pentsatzen du Eñaut Elorrietak, agian ez da helburua osorik beteko, baina bidea egin egiten da bederen.Elorrietaren iritzirako, kantariak musika behar du bizitzeko eta sentimenduak adierazteko, zauriak sendatzeko ere baliatzen du musika berak. Bizitzan sortzen diren korapilok askatzen laguntzen dio musikak, era berean. Alabak galdetzen omen dio noiz egingo duen kantu alaien bat.

2019ko Gaztea Saria eraman zuten Suako kideek eta harrez gero egiten ari diren bideaz gozatzen ari dira. Maparik gabe ari dira bidea egiten ETB 1eko "Bidegurutzean" azaldu duten bezala, arriskuak hartu behar direla sinesten dutelako, "jausiz ikasten da" esan digute.Euskal musikari eta musikari taldeak hurbilago ezagutzeko bidea da "Bidegurutzean" podcast hau.

Evaristo Páramosen bidea ez da erraza izan, baina beti egin du aurrera. Bidegurutzean askotan ikusi du bere burua, aitak esaten zion bezala, Rock and Rollaren bidea uztea izango zuen onena, baina ez du nahi izan, beti egin du aurrera."La Polla"n eta bakarkako bidean ere bai, saiatuaren saiatuz sortu dituela kantuak daki. Batzuetan besteetan baina kantu hobeak. Bere musika bidea uzteko garaia heldu zaiola sentitzen du. Azalpenak bere ahotik podcastean.

Aguraingo Dupla taldea jarri dugu "Bidegurutzean". Ez dute okerreko bidea hartzeko beldurrik izaten, bai baitakite atzera egin eta beste bide bat hartzeko aukera ere badagoela.ETBko "Bidegurutzean" saiotik eratorritako podcastean, bizitza arruntean "zozo" xamarrak direla aitortu digute, esateko dutena kantuen bidez ateratzen dutela. Eta "jendeak" egiten duela kantua. Horren araberakoa dela disko edo kantu baten arrakasta.

Bere ahots urratua, berak urratu duela argi dauka Pettik. Xarma duela uste du. Arazoari irtenbidea jartzen ohitua dago, hori du bizitzako jarrera. Hori bai, dagoeneko badaki bidegurutzea dagoenean "ezkerreko bidea" hartu duela berak.Abestiak, sentimenduak edota zerbait esateko bidea dira beretzat. Izan daitezke zauriak edo orbainak aireratzeko tresna, baita gorrrotoa edo eta maitasuna adierazteko modua ere. Iluntasunak errealagoa jartzen du bizitza Pettirentzat, handik ateratakoan "argiago ikusteko". "Bidegurutzean" podcastean azaldu digu.

Saguzarrei bezala, Mursegori bizitza hankaz gora begiratzea gustatzen zaio. Maite Arroitajauregik badu nahikoa eskarmentu, bizitzan bezala, musikan ere sortzeko prozesua dela interesgarria jakiteko.Amaierako produktuak baino garrantzia handiagoa du bideak berak, horregatik ez du arazorik izan arriskuak hartu eta bidegurutzean aurrera egiteko. Hala azaldu digu "Bidegurutzean" podcastean.

Ingalaterrako post-punkean kokatzen den Vulk taldeko kideek ez dute maite musika zirkuitua nola dagoen antolatuta egun.Bilboko taldeko kideek "Bidegurutzean" jarrita badakite, gutxi-asko, nora joan nahi luketen, kontzertuak emateko beste biderik ez da geratzen ostea. "Sentitzen dituzun gauzak egitea" dela onena pentsatzen dute eta horretan dihardute deabruari arimarik saldu gabe. Bidean arriskuak hartzeko prest ere badaude ETBko "Bidegurutzean" saiotik eratorritako podcastean aitortzen duten gisan.