په پاکستان کې د بشري حقونو سازمانونه وايي، په هغه هېواد کې هر کال پر ښځو د تشدد بېلابېلې پېښې په زیاتېدو دي او پکې د وژل شویو ښځو شمېر هم لوړېږي. دوی وايي، حکومت باید د حقونو او د ښځو د ساتنې قوانین عملي کړي. موږ د "نا ویلې خبرې" خپرونې دویم ټوک همدې موضوع ته ځانګړی کړی او پکې مو په کورني تشدد، د خوښې واده او نورو معاملو کې د ښځو وژنو ته کتنه کړې. خپرونه د غږ په ځای کې اورېدای شئ.

د مشال راډیو د ځانګړي پاډکاسټ "نا ویلې خبرې" په لومړۍ برخه کې پر دې غږېدلي یو چې په پښتني ټولنه کې اکثر د لوڼو پرتله د زامنو زېږون ته ولې ارزښت ورکول کېږي او د نجلۍ پیدایښت ولې د ځینو خلکو د خپګان لامل کېږي؟ له دې پرته دا هم اورئ چې د پوهاوي او تعلیم باوجود خلک ولې تر اوسه زامن د خپلې کورنۍ راتلونکې لپاره مهم بولي او لوڼو ته حقونه نه ورکوي. په خپرونه کې د پېښور یوه اوسېدونکې شاه سلطانه، د ماشومانو د حقونو مبارز عمران ټکر، تاریخپوه نورالامین یوسفزی او د ښځو د ناروغیو متخصصه ډاکتره شهلا مندوخېل مېلمانه دي. خپرونه په لېنک کې واورئ.

پروسږکال په نومبر میاشت کې له بلوچستان پوهنتونه د تری تمو دوه زده کوونکو فصیع بلوڅ او سهېل بلوڅ د زغرده موندنې لپاره د زده کوونکو اتحادیې د جنورۍ پر ۱۹مه نېټه په کوټه ښار کې یو لاریون وکړ او په پای کې د پرېس کلب مخې ته یې مظاهره وکړه.

د ایوب ترین راپور

په بلوچستان کي د اعلا وزیر میر عبدالقدوس بزنجو د حکومت د نوې کابینې ۱۴ غړو د صوبې له ګورنره د خپلو څوکیو حلف واخیست. په کابینه کې ډېری هغه غړي نه دي اخیستل شوي چې د پخواني اعلا وزیر جام کمال په حکومت کي وزیران ول. له کوټې د ایوب ترین راپور

د بلوچستان په هرنايي ضلع کې یوې زلزلې لږ تر لږه ۲۰ کسان وژلي او ګڼ نور یې ټپیان کړي دي. دا زلزله د پنجشنبې يا زيارت په شپه راغله چې پر رېکټر سکېل يې شدت پينځه اعشاريه اووه وو. زلزلې تر ټولو زيات زيان هرنايي ضلعې ته رسولی خو شدت يې په شاوخوا نورو سيمو کې محسوس کړل شوی دی. احمد شاه اعظمي د هرنايي له يو ځايي استوګن محمد رفيق ترين سره د شوي زلزلې او د هرنايي د جغرافيې، ولسي ژوند او ستونزو په اړه مرکه کړې ده. رفيق ترين په لومړي سر کې د زلزلې حال بيانوي.

په کوټه کي د میډیکل زده کونکو له لوري د آن لاین ازموینو پرضد لاریونونه دوام لري. د اکتوبر پر څلورمه نېټه د اعلا وزیر د ودانۍ لوري ته پر ورروان لاریون ناڅاپه یوه تن ډزې کړې او تښتېدلی دی. حکومت ویلي چي په پېښه کې تورن کس به نیسي او وفاقي حکومت ته یې د زده کوونکو غوښتنې رسولې دي. د ایوب ترین راپور

د بلوچستان حکومت د هغه پرېکړې چې ځنګل پیرعليزی یې د کلا عبدالله ضلعې مرکز ګرځولی، پروړاندې نن په کلا عبدالله کې ځايي خلکو د کوټې – چمن لویه لار د هر ډول ګاډو پرمخ تړلې ده. صوبايي حکومت د سږکال په جنورۍ کې کلا عبدالله نوې ضلعه اعلان کړه او د هغې هېډکوارټر یې ځنګل پیرعليزی وګرځاوه. د ایوب ترین راپور

د بلوچستان په سرکاري هسپتالونو کي ځوان ډاکټرانو کاربندیز پیل کړی او غوښتنه کوي چې پروسږ کال په لنډمهالې توګه لګېدلي نرسان دې پاخه کړل شي خو حکومت یې کاربندیز ناقانونه بولي او وايي له دې څخه ناروغانو ته ستونزې جوړېږي. د ایوب ترین راپور

د بلوچستان په مرکز کوټه کې تنوروالو د حکومتي امر خلاف د یوې ډوډۍ نرخ ۳۰ روپۍ ته خېژولی دی. د کوټې ښاریانو د ډوډۍ پر ګرانۍ خواشيني ښودلې او له حکومته یې د ارزانولو غوښتنه کړې. د ایوب ترین راپور

په بلوچستان کې ځوان ډاکټرانو له هغه ورسته د صوبې په ټولو سرکاري هسپتالونو کې د اکتوبر پر ۲۰ مه نېټه (نن) د ناروغانو کتنځایونه وتړل چې د دوی پر یوه ملګري ډاکټر ته د یوه ناروغ خپلوانو لاس وراچولی وو. ایوب ترین له کوټې راپور راکوي.