د بلوچستان له مرکز کوټې او د صوبې له نورو برخو و کراچۍ، لاهور اسلام آباد او پېښور د سورلۍ ګاډو تګ راتګ چې د کرونا وایرس مخنیوي له امله له تېرو درېو میاشتو راهیسې بند وو بیرته پیل شو.

د ایوب ترین راپور

روغتيا نړيوال سازمان پر خلکو بيا بيا غږ کوي چې له کورونا وایرسه د ځان ژغورنې ښه لار احتیاط کول دي. له مشال راډيو سره په خبرو کې ځینې کسان شکايت کوي چې د احتیاط پرمخ یې لوی خنډ ټولنيز فشار دی. عبدالحي کاکړ په دې رپورټ کې ورته کتنه کړې ده.

د بلوچستان حکومت د کوټي په ګډون په ټوله صوبه کې د کورونا وایرس د مخنیوي په خاطر ټولبند د روانې مې مياشتې تر ۱۹ مې نېټې وغځاوه. په دوشنبه د کورنيو چارو صوبايي وزارت په اعلامیه کي ویل شوي چې د ټولبند پرمهال به ټولې تعليمي ادارې، کاروباري مرکزونه او مارکیټونه بند وي. خو سوداګر د ټولبند غځول نه مني

بلوچستان کې هم کورونا وایرس مخ پر خپرېدو دی خو په ټولنیزو رسنیو کې له خپرېدونکو عکسونو او ویډیوګانې ښکاري چې هلته خلک لا هم هغسې احتیاط نه کوي لکه څنګه چې په کار دی.

د بوریوال کاکړ راپور

په بلوچستان کي د بار وړونکو ګاډو خاوندانو اتحادیه وايي چې د کسټم او سوداګرو ترمنځ د مالیې پر سر د ستونزې له کبله یې له تېرو دوو میاستو راهسې د کوټې پر کسټم تر څلور سوو زیات ټرکونه درول سوي دي. دوی دړکه کړې که یې د دوی لارۍ زغرده پرېنښولې نو په ټول پاکستان کې به پیه جام هړتال وکړي. د  ایوب ترین رابور

فدا محمد د کاروبار لپاره ايران ته تللی و خو هلته د کورونا وايرس تر خپرېدو وروسته چې پاکستان ته ستون شو نو چارواکو په تفتان کېمپ کې قرينطين کړ. دا چې پر نوموړي په تفتان کې څه تېر شول؟ احمد شاه اعظمي ورسره خبرې کړې

د پاکستان د کان کیندونکو فیډریشن په کانونو کې د حفاظتي قوانینو نه عملي کولو پرضد نن د کوټې پریس کلب مخې ته احتجاجي مظاهره کړې ده. دا احتجاج پر داسې مهال کیږي چې په پنجشنبه د دکۍ د کویلې په یوه کان کې په یوه پېښه کې څلور کانکیندونکي وژل شوي وو. په وژل شویو کې درې وروڼه ول.

په بلوچستان کې سوداګرو د اوړو د بحران رامنځ ته کېدو ویره ښوولې ده. په دې صوبه کې د شل کلوګرامه اوړو قيمت تر يوولس سوه روپيو زيات شوی دی. سوداګر تور پورې کوي چې له پنجابه غنم صوبې ته وروړل شوي خو چارواکو په ګودامونو کې ساتلي دي. صوبايي حکومت ويلي، په دې اړه يې د مرکزي حکومت له اړونده ادارې سره رابطې پيل کړې دي.

په دې اړه د ايوب ترين رپورټ اورو

د بلوچستان په مرکز کوټه کې د مالدارۍ د ودې لپاره جوړ شوی نندارتون نن چارشنبه پای ته رسېږي. په دغه درې ورځني نندارتون کې د پاکستان په ګډون له افغانستان او ایرانه نه یوازې څاروي راوړل شوي بلکې د چین او اسټرالیا سوداګرو هم په پکې برخه اخيستې ده. له کوټي د مشال راډیو خبریال ايوب ترين راکوي.

په بلوچستان کې اپوزیشن ګوندونو د حکومت مخالف ازادي مارچ پر دوهم پړاو لاسپورې کړی او مظاهره چیانو په لورلايي کې د کوټې - ډېره غازي خان ترمنځ لوی سړک د هر ډول تګ راتګ لپاره تړلی دی. د دې په نتیجه کې په سلګونه ګاډي د سړک دواړو غاړو ته درېدلي دي. اپوزېشن وايي تحریک له به دوام ورکوي. بلخوا د بلوچستان حکومت د لارو تړل وغندل. نور حال له کوټې د ایوب ترین په راپور کې