Brestur

Er eitthvað sem gleður ADHD hjartað meira en að detta í brakandi ferskt nýtt áhugamál? 

Í þessum þætti fara Birna og Bryndís yfir öll þau áhugamál sem hafa átt hug þeirra og hjörtu í gegnum tíðina. Áhugamálin eru jafn mörg og þau eru misjöfn en eiga þó öll eitt sameiginlegt sem er mögulega lýsandi fyrir þeirra helstu ADHD einkenni.

Samfélagsmiðlar hlaðvarpsins:

⁠⁠⁠⁠⁠Brestur á Instagram⁠⁠⁠⁠⁠

⁠⁠⁠⁠⁠Spjallið umræðuhópur⁠⁠⁠⁠⁠

⁠⁠⁠⁠⁠Brestur á Facebook⁠⁠⁠⁠⁠

Hvernig myndi hið fullkomna samfélag líta út fyrir fólk með ADHD? Birna og Bryndís bjóða hlustendum í ferðalag þar sem þær mála upp nýja heimsmynd með slíku samfélagi og ræða mögulegan ávinning þess að vera með skóla- og vinnuumhverfi sem sniðið er að þörfum ADHD stýrikerfisins. Ráðherrum og öðru starfsfólki stjórnsýslunnar er bent á að hafa samband í gegnum Instagram @bresturhladvarp ef áhugi er fyrir samstarfi.

Samfélagsmiðlar hlaðvarpsins:

⁠⁠⁠⁠⁠⁠Brestur á Instagram⁠⁠⁠⁠⁠⁠

⁠⁠⁠⁠⁠⁠Spjallið umræðuhópur⁠⁠⁠⁠⁠⁠

⁠⁠⁠⁠⁠⁠Brestur á Facebook⁠⁠⁠⁠⁠⁠

Í þætti vikunnar tekst Birnu og Bryndísi með herkjum að ljúka ókláruðu verkefni sem setið hefur á haka og sálum undanfarna viku þegar þær gera loks upp síðustu lygafrásagnirnar, en það misfórst í fyrri þætti vegna vanmats á lygasýkinni sem og lélegrar tímastjórnunar. Stórkostlegt afrek sem lyginni er líkast enda málglaðar konur sem um ræðir. Þær velta upp mögulegum ástæðum fyrir að því virðist tilefnislausum uppspuna þeirra en láta alls ekki þar við sitja. Hyperfókusar sem hafa verið að skjóta upp kolli fá einnig góðan hljómgrunn, sem og tungumála- og hljóðfærakunnátta æskuáranna, nenni mér ekki móment og eiginlega bara rosalega margt fleira.

Samfélagsmiðlar hlaðvarpsins:

⁠⁠⁠⁠⁠⁠Brestur á Instagram⁠⁠⁠⁠⁠⁠

⁠⁠⁠⁠⁠⁠Spjallið umræðuhópur⁠⁠⁠⁠⁠⁠

⁠⁠⁠⁠⁠⁠Brestur á Facebook⁠⁠⁠⁠⁠⁠

Hvað gera konur þegar þær eiga erfitt með að útskýra skrítna og vandræðalega ADHD hegðun ? Nú oft er bara auðveldast að ljúga.

Í þessum þætti uppgötva Birna og Bryndís að þær eru talsvert lygasjúkari en þær héldu áður en upptökur hófust. Jafnvel svo lygasjúkar að þær neyddust til að skipta þættinum í tvo hluta. Farið er yfir margar ástæður fyrir ADHD lygum eins og loddaralíðan og skömm sem og upprifjun á miserfiðum og vandræðalegum atvikum þar sem lygar hafa komið þáttastjórnendum í klandur.

Samfélagsmiðlar hlaðvarpsins:

⁠⁠⁠⁠⁠⁠⁠Brestur á Instagram⁠⁠⁠⁠⁠⁠⁠

⁠⁠⁠⁠⁠⁠⁠Spjallið umræðuhópur⁠⁠⁠⁠⁠⁠⁠

⁠⁠⁠⁠⁠⁠⁠Brestur á Facebook⁠⁠⁠⁠⁠⁠⁠

Í þætti vikunnar kemur Ásdís Virk Sigtryggsdóttir kjarnakona með meiru í heimsókn í farandsstúdíó Brests. Þar segir hún Birnu og Bryndísi frá því hvernig hún nýtir ofurkrafta ADHD í krefjandi starfi sínu sem forstöðumaður verkefnastofu hjá sprotafyrirtækinu DTE, hvernig hún komst í gegnum þrjú háskólanám með ógreint ADHD og Nenni mér ekki sögu sem verður seint toppuð.

Samfélagsmiðlar hlaðvarpsins:

⁠⁠⁠⁠⁠⁠⁠Brestur á Instagram⁠⁠⁠⁠⁠⁠⁠

⁠⁠⁠⁠⁠⁠⁠Spjallið umræðuhópur⁠⁠⁠⁠⁠⁠⁠

⁠⁠⁠⁠⁠⁠⁠Brestur á Facebook⁠⁠⁠⁠⁠⁠⁠

Níundi þáttur Brests sem átti að fjalla um ADHD og ferðalög en tók mjög hratt og örugglega stefnu í allar aðrar áttir. 

Birna og Bryndís fara yfir jólin á Tenerife, spennuþrungna 37 klukkutíma sem það tók að komast á áfangastað, morgunstundirnar þar sem Birnu tekst að sigra Elvanse lystarleysi, ADHD játningar, nokkra ADHD sigra og margt fleira.  

Þáttastjórnendur biðjast forláts á enn kaótískari þætti en venjulega, en þetta er einfaldega það sem gerist þegar tvær konur með ADHD eru aðskildar í tvær vikur eftir að hafa talað saman oft á dag í nokkra mánuði.

Samfélagsmiðlar hlaðvarpsins:

⁠⁠⁠⁠⁠⁠⁠Brestur á Instagram⁠⁠⁠⁠⁠⁠⁠

⁠⁠⁠⁠⁠⁠⁠Spjallið umræðuhópur⁠⁠⁠⁠⁠⁠⁠

⁠⁠⁠⁠⁠⁠⁠Brestur á Facebook⁠⁠⁠⁠⁠⁠⁠

Í áttundi þætti Brests er meðal annars fjallað um keppnisskap og mótþróa í tengslum við hreyfivenjur tveggja kvenna með ADHD. Í þættinum er líka mikið spjallað um Tenerife sem og ofhreyfanleika, en hann má rekja til okkar allra besta ADHD, ólíkt því fyrrnefnda.

Þátturinn er í boði 300 Þjálfun

Samfélagsmiðlar hlaðvarpsins:

⁠⁠⁠⁠⁠⁠⁠Brestur á Instagram⁠⁠⁠⁠⁠⁠⁠

⁠⁠⁠⁠⁠⁠⁠Spjallið umræðuhópur⁠⁠⁠⁠⁠⁠⁠

⁠⁠⁠⁠⁠⁠⁠Brestur á Facebook⁠⁠⁠⁠⁠⁠⁠

Reynslusögur úr lyfjaheiminum. Birna og Dísa ræða þau lyf sem þær hafa reynslu af að taka við ADHD einkennum, áhrif þeirra og aukaverkanir og hvort þær sjái einhverntímann fyrir sér líf aftur án lyfja. Hlustendur verða nú sem endranær ekki sviknir af góðum útúrdúrum og reynslusögum úr ADHD lífinu. Stútfullur þáttur af bjargráðum.

Samfélagsmiðlar hlaðvarpsins:

⁠⁠⁠⁠⁠⁠⁠⁠Brestur á Instagram⁠⁠⁠⁠⁠⁠⁠⁠

⁠⁠⁠⁠⁠⁠⁠⁠Spjallið umræðuhópur⁠⁠⁠⁠⁠⁠⁠⁠

⁠⁠⁠⁠⁠⁠⁠⁠Brestur á Facebook⁠⁠⁠⁠⁠⁠⁠⁠

Í þætti vikunnar fáum við fyrsta viðmælanda Brests, hana Þuríði Pétursdóttur sálfræðing. Þuríður greindist sjálf með ADHD eftir fimmtugt en hana fór að gruna að hún gæti verið með ADHD í upphafi breytingaskeiðs. Í þættinum segir Þuríður meðal annars frá áskorunum sem hún mætti í greiningarferlinu en það var á þeim tíma sem hún byrjaði að kynna sér samspil ADHD og hormóna hjá konum. Stórskemmtilegt og fróðlegt viðtal þar sem sem kvenhormónið estrógen fær að baða sig í sviðsljósinu, en óstöðugleiki þess er á pari við ADHD minni.

Samfélagsmiðlar hlaðvarpsins:

⁠⁠⁠⁠⁠⁠⁠⁠Brestur á Instagram⁠⁠⁠⁠⁠⁠⁠⁠

⁠⁠⁠⁠⁠⁠⁠⁠Spjallið umræðuhópur⁠⁠⁠⁠⁠⁠⁠⁠

⁠⁠⁠⁠⁠⁠⁠⁠Brestur á Facebook⁠⁠⁠⁠⁠⁠⁠⁠

Uppáhaldsspurning okkar allra - Eru ekki allir með smá ADHD?

Birna og Dísa fara í saumana á hvað það er í raun sem veldur ADHD hjá einstaklingum með smá upprifjun á Líffræði 103 sér til halds og trausts. Útúrdúrum eru ekki settar neinar skorður í þætti vikunnar, en menningahornið teygir anga sína meðal annars til nýrra heimsálfa.

Samfélagsmiðlar hlaðvarpsins:

⁠⁠⁠⁠⁠⁠⁠⁠⁠Brestur á Instagram⁠⁠⁠⁠⁠⁠⁠⁠⁠

⁠⁠⁠⁠⁠⁠⁠⁠⁠Spjallið umræðuhópur⁠⁠⁠⁠⁠⁠⁠⁠⁠

⁠⁠⁠⁠⁠⁠⁠⁠⁠Brestur á Facebook⁠⁠⁠⁠⁠⁠⁠⁠⁠