اعتقد ان الدعم العاطفى من اكتر الحاجات اللى ناس بتستهون بيها و مش بتقدر قيمتها  لكن الدعم العاطفى دا هو اللى بيساعد الناس تحس بالتواصل و انها مش وحيدة  والموضوع مش سهل لان كل موقف بيحتاج نوع مختلف من الدعم  والشخص اللى بيقدم الدعم دا لازم يقدر يسمع اللى قدامه من غير لوم ويكون متفهم  وسواء كنا احنا بنقدم الدعم دا او محتاجينه ف لازم نفهم هو ايه بالظبط الدعم العاطفى و ازاى نلاقيه  وازاى نقدر نقدمه لحد قريب مننا بودكاست نقطة نور - نرمين كامل

الصبر مفتاح الفرج ياترى نعمل ايه لما نحس ان صبرنا نفذ  بودكاست نقطة نور - نرمين كامل

لماذا نلوم الضحية بدلًا من الجاني؟ فى يوم يبدو هادى كنا قاعدين لا بينا ولا علينا لما لقينا فجأة اخبار عن بنت اتقتلت ف عز الظهر وفى وسط الناس لا وكمان فى ناس صورت الحادثة وهى بتحصل  بعدها ب اسبوع تقريبا لقينا حادثة مشابهة ف بلد تانية  واتكررت الحوادث لحد لما وصلوا ل 4 حوادث ف اقل من شهرين  كلها حوادث مفيهاش اى شك مين المجرم و مين الضحية  وكان الشىء الصادم ان بشاعة الحوادث ديه بينت جانب تانى من بشاعة البشر  ظهرت فئة من الناس بتدافع عن المجرم وبتلوم الضحية  لدرجة ان فى مجموعة مريضة من الناس لموا فلوس علشان يدفعوا ديه لاهل الضحية لانهم شايفين ان حرام مستقبل قاتل غلبان يضيع علشان خاطر واحدة وهى اكيد اللى عملت حاجة تستاهل اللى حصلها الموضوع دا خلانى مش قادرة استوعب هو ازاى اصلا فى  حد ممكن يلوم الضحية ويشوفها انها تستاهل  ولقيت ان ديه ظاهرة عالمية وفى سبب نفسى ورا الظاهرة ديه  ويمكن يكون كل حد فينا بيعملها وهو مش واخد باله ف خلنى اقولك ازاى  بودكاست نقطة نور - نرمين كامل

ياترى ليه دايما بنكسل ونأجل مع ان ورانا حاجات كتير فى حاجة تقريبا كلنا بنعملها و ممكن تكون هى السبب رئسى اننا مش بنعرف نكمل اى حاجة  دايما بنستنى اننا نحس بالحماس نحس بال  motivation  اللى يخلينا عندنا طاقة ونتحمس نشتغل كام مرة كنت عايز تبدأ مشروع او حاجة مهمة وقاعد مستنى اللحظة اللى هتحس فيها انك متحمس و متشجع تقوم وتعملها  وبنفضل نأجل ونستنى ونقول لا مش حاسس دلوقتى انى اقدر

مثلا نفسك تحافظ على صحتك وتلعب رياضة بس كل يوم تقول لا مش انهاردة بكرة هروح الجيم  او نفسك تبدا مشروعك لكن حاسس انك مش قادر تقعد تفكر ف خطة تنفيذ داوقتى وتقول لنفسك بعدين لما يبقى عندى طاقة و حماس هبقى اعملها نفسك تبدأ تكتب الرواية اللى كنت بتحلم تكتبها لكن مستنى الالهام و اللحظة اللى تتكون كل جوانب الرواية ف خيالك الحقيقة اننا عمرنا ما هنكون دايما متحمسين واحنا بنسعى ورا حاجة ولو فضلنا مستنين اللحظة اللى هنحس فيها بالالهام والحماس علشان نبدأ نشتغل عمرنا ما هنبدأ ومحدش هيجى يساعدنا ولا يزقنا لقدام فكرة انك دايما مستنى احساس معين علشان تاخد خطوة معتقدش ان ديه مش الوصفة السحرية للنجاح وبدل ما تستنى يبقى عندك موتيفيشن او حماس خلى عندك عادة انك تشتغل قبل ما تحس بانك عايز تشتغل

الخوف من الرفض هو نوع الخوف اللى بيحس بيه الانسان لما بيلاقى نفسه هيتم تقييمه من ناس تانية  الخوف من الرفض ممكن يجبر شخص بالتضحية برغباته و احتياجياته علشان يكسب رضا اللى حواليه و قبولهم الخوف دا ممكن يزيد مع الوقت ويكون هو اللى بيمنعنا نعمل حاجات بنحبها او نرضى بوضع سىء علشان خايفين من الوحدة  وممكن ف حياتنا يكون الخوف من الرفض حاجة كويسة ف حاجات معينة حاجات ممكن فعلا منكونش قدها وخايفين نحط نفسنا ف موقف وحش  لكن لو الخوف دا وصل لدرجة انه منعك انك تعيش حياتك الطبيبعية فلازم هنا تعرف ازاى تتعامل معاه هنتكلم انهاردة عن الخوف دا و تأثيره على الحياة و اقتراحات لحاجات ممكن نعملها علشان نقدر نتغلب على الخوف من الرفض  بودكاست نقطة نور - نرمين كامل

ان الواحد يحافظ على تركيزه اليومين دول بقى حاجة صعبة جدا  تبقى قاعد ومقرر انك هتركز ف شغلك او تذاكر و عندك تسليم او امتحان و مزنوق ومحتاج تخلص اللى وراك  وفجأة تسمع صوت التليفون  هل هتسيب التليفون وتفضل مركز وتخلص؟ ولا هتقرر انك تبص بصه سريعة تشوف مين بيكلمك وعايز ايه؟ المشكلة ان البصة السريعة بتسحب ساعة بتتفرج على الانستجرام وتشوف اخبار على الفيسبوك وتشوف فيديو بيضحك على تيك توك كل يوم عقلك بيكون قدامه كل الاختيارات ديه معركة مستمرة ما بين انك عايز تعمل شغل كويس و ما بين انك عايز تعرف ايه اللى بيحصل فى الدنيا حواليك وخايف يفوتك حاجة ياترى ليه مبنقناش نقدر نركز و ازاى نتغلب على المشكلة ديه؟   بودكاست نقطة نور - نرمين كامل

معقول لسه بتقرى الكتب ديه مش معقول انك بتضيعى وقتك علي النوعية ديه من الكتب دى كانت جملة سمعتها قريب وانا بتكلم   عن كتاب عجبنى جدا وكان من فئة التنمية البشرية او التطوير الذاتى  فى الحقيقة ساعتها انا حسيت بالخجل انى بقرا الكتب ديه لا و كمان بستمتع بيها وعايز اتكلم عنها   دا اكيد كدا انا فيا حاجة غلط  ولقيت فى الفترة الاخيرة قنوات كتير بدأت كمان تعمل فيديوهات من النوعية ديه حد بيقول ليه بطلت اقرا كتب سيلف هيلب و ليه ما متضضيعش فلوسك ووقتك على الكتب ديه دلوقتى لو اى حد بيقول انه بيقرا كتب  self help بقى يلاقى فجأة هجوم و اتهامات ب انه شخص سطحى و ان الكتب ديه مليانه بديهيات وكلام ملهوش لازمة  دا غير ان اسلوبها بسيط بزيادة او شخص عايز يكون مثقف لازم يقرا حاجة اعمق لكن ليه بقى فى النظرة الدونية ديه للنوعية ديه من الكتب  طبعا ف وسط مجتمع بيحاول كل شخص انه يبان انه احسن حاجة و مفيهوش عيوب  بقى صعب جدا ان شخص يعترف ان فى حاجة نقصاة او محتاج مساعدة  وبقى قراية الكتب ديه معانها ان انت مش بتمتلك الحاجة ديه معاك كتاب عن الثقة معنى كدا انك معندكش ثقة ف نفسك بتقرا كتاب عن ازاى تكون اصدقاء وعلاقات صحية معنى كدا انك انطوائى ومعندكش صحاب  بتقرا كتاب عن التفاؤل و الطاقة الايجابية يبقى انت خلاص كدا عايش فى الوهم و الخيال  طيب خلينا نفكر فى الموضوع بشكل تانى وفى الاول انا هتفق ان فعلا فى كتب سلف هليب وحشة و كلامها ركيك  لكن فى قصادها كتب تانية كتير كويسة و مكتوبة من اهل الخبرة سواء كان دكاترة نفسيين او علماء اعصاب او حتى باحثين قدروا يجمعوا معلومات مفيدة ف كتاب بشكل يفيدك وتقريبا اتفق كل الفلاسفة ان الانسان بيحتاج مساعدة انه يدير حياته   بودكاست نقطة نور | نرمين كامل

امتى اخر مرة قعدت مع نفسك ف هدوء؟ امتى اخر مرة مكنتش بتلوم نفسك؟  امتى اخر مرة تقبلت عيوبك ؟ امتى اخر مرة حسيت انك كويس؟  كلنا عندنا حوار داخلى طول الوقت  ساعات بنبقى بنرتب افكارنا  ممكن نكون بنفكر فى المستقبل  وساعات الحوار الداخلى دا بيكون كله لوم وتأنيب وممكن يوصل الصوت الداخلى اللى جوانا دا انه يكلمنا بقسوة لدرجة اننا بنحس انه عدونا من شهر تقريبا عملت تمرين وحسيت انه خلانى متصالحة مع نفسى اكتر  وحسيت بسلام نفسى ف حبيت اشاركوا التجربة ديه يمكن يكون فى حد محتاجها التمرين كان انى اكتب رسالة لنفسى يكون كل مضمونها تعاطف مع الذات و رحمة  انا غيرت شوية بسيطة فى الرسالة ديه فيها علشان تناسب اى شخص بيسمع  وممكن تجرب تعمل التمرين دا او تستخدم الرسالة ديه ليك  هدف الحلقة انهاردة هو الراحة النفسية والسلام الداخلى بودكاست نقطة نور - نرمين كامل

هو  ليه لازم دايما نكون صح؟ كام مرة لقيت نفسك ف نقاش حاد مع حد علشان عايز يثبت ان وجه نظره صح  كام مرة الجدال اتحول لصراع علشان شخص مش قادر يتقبل راى اللى قدامه طب كام مرة حد قالك مش انا قلتلك مش كنت تسمع كلامى؟ وهو حاسس بالانتصار لكن ليه بيحصل دا؟ ليه نفسية اى انسان بيكون جواها احتياج انها تكون صح دايما؟ بودكاست نقطة نور - نرمين كامل

هو ليه بقى فى ترند الهوس بالانتاجية  اول ما اى شخص بيسمع كلمة  productivity  بيكون ملزم انه يربطها بالايجابية  لان دا معناه انك خلصت جدول الشغل بتاعك كله و استفدت بيومك و معناه انك شخص مبتضيعش وقت  لكن ايه اللى بيحصل لما يتحول الانجاز لهوس, ساعتها بتقع فى فخ الانتاجية السامة لكن ايه هى الانتاجية السامة ديه ازاى حاجة ايجابية تتحول لحاجة مضره ؟ بودكاست نقطة نور - نرمين كامل