Chroniques Radio

كاين مجموعة من الأشخاص اللي ميقدروش يبداو النهار ديالهوم بلاما يشربو على الأقل كاس ديال القهوة، حيت عارفين أن هاد المشروب السحري هو الحل الأمثل  لمقاومة تعب نهار طوبل ومتعب، بحيث كعطيهوم الطاقة اللازمة باش يقدرو يفكرو ويكملو الخدمة ديالهوم بكفاءة وفعالية 

لكن الحاجة اللي كيغفلو عليها بزاف ديال الناس، هي أن شرب القهوة بكثرة  لدرجة الإدمان، عندو تأثيرات جانبية  على الصحة ديالنا ، إذ من الممكن أنها ترفع ليك مستوى ضغط الدم، أو تزيد من معدل ضربات القلب ديالك

لهادشي غنقتارح عليكوم أربع طرق بديلة يمكن ليكوم تعوضو بيها شرب القهوة، 

واللي غتعاونكوم فاسترجاع الطاقة و الحيوية ديالكوم

أولا مشروب الشاي

كيتعتابر من بين أفضل بدائل القهوة، لأنه حتا هو مشروب ساخن وكيحتوي على نسبة خفيفة من الكافيين مقارنة بالقهوة، داكشي علاش ما غاديش تأثر صحتك بنفس التأثير السلبي اللي كيديرو الكافيين الموجود فالقهوة

زيد عليها أن الشاي الأخضر كيحتوي على نسبة مضادات الأكسدة كثيرة، كتزيد من مناعة الجسم وكتحميك من بعض الأمراض المزمنة

ثانيا الشوكولاتة السوداء

معروفة الشوكولاتة الداكنة باحتواءها على نسبة من الكافيين و الثيوبرومين اللي كيساعد على زيادة مستويات الطاقة و تحسين وظائف الجهاز الهضمي ووظائف المخ وكيحفز اليقظة العقلية وتحسين المزاج

ثالثا وجبة إفطار متوازنة

كلما كان الفطور ديالك متوازن غدائيا كلما بديتي النهار ديالك بنشاط وحيوية، لذلك من الأفضل تبعد على مصادر السكريات لأنها مضللة، كتبان أنها كتعطيك الطاقة وهي فالحقيقة دغيا كتهضم أو كيتقاضا تأثيرها بمجرد نفاد الطاقة

فالمقابل، كثرو من البروتينات أو الدهون الصحية فحال البيض المسلوق، والمكسرات، والفواكه لا،ها بإمكانها تعطي جسمكم المزيد من الطاقة

رابعا شاي الماتشا

 يحتوي شاي الماتشا على نسبة عالية من مضادات الأكسدة واللي بدورها مسؤولة على زيادة الطاقة، كما أنه كيحتوي على "الإثينين"، وهو حمض أميني كيريح العقل بلا ما يجيب النعاس والخمول، كما أنه فحالة تم الخلط ديالو مع الكافيين، فهو كيعمل على توفير الطاقة  طول النهار كما أنه  كيحسن من المزاج

Hébergé par Ausha. Visitez ausha.co/politique-de-confidentialite pour plus d'informations.

تصدر المغرب حسب تصنيف جديد لموقع "إنسايدر مانكي" قائمة أحسن الدول الإفريقية من حيث التقدم التكنولوجي، بحيث جا في المرتبة اللولا بناءا على بيانات منظمة الويبو العالمية للملكية الفكرية 

هاد التصنيف المشرف لبلادنا المغرب جا بالإعتماد على مجموعة من المعايير الدولية من بين أبرزها عدد المقالات العلمية المنشورة، بالإضافة لاستخدام التكنولوجيا والاتصالات والاستثمار الاقتصادي فهاد المجال

من بين الأشياء الأخرى اللي خلات المغرب يجي في المرتبة الأولى فهاد التصنيف حسب موقع "إنسايدر مونكي" الأمريكي، هي أن المغرب كان من البلدان الإفريقية الأولى اللي استعملات شبكة الجيل الثالث من الاتصالات الرقمية "تروا جي"، بحيث حصلات الرباط على 208  ديال النقاط خلاتها تتربع على عرش الدول التكنولوجية في القارة السمراء

أو نتاقلو لشركة آبل العالمية، واللي كتخطط بدءا من العام المقبل  إطلاق ميزة  كتسمح بتبادل الميساجات الفورية بشكل سلسل بين أجهزة آيفون وأندرويد عبر الإنترنت

آبل علنات في بيان ليها أنها غادي دعم معيار التراسل الفوري المتطور "إر-سي-إيس" ، مما غيسهل عملية التراسل بين اللي كيستعملو هواتف آيفون وأندرويد، بلا ما يحتاجو بالضرورة لتطبيقات أخرى

معيار "إر-سي-إيس"  كيتعتبر من بين آخر معايير مؤسسة"جي-إيس-إيم" للتراسل،  بحيث بإمكانكوم إرسال واستقبال الرسائل النصية عبر الإنترنت ،بالإضافة لتبادل الصور والفيديوهات والملفات  الثقيلة

هاد النظام الجديد، غيخدم جنبا لخدمة "آي مسج" اللي  كتسمح لمستخدمي آبل بمراسلة بعضهم البعض بلون أزرق في المحادثات، بينما كتبان الرسائل بلون أخضر فحالة وجود مستخدم أندرويد 

أو نختمو فقرة "تيك ويك" بشركة واتساب، واللي طلقات ميزة جديدة يقدرو من خلالها المستخدمين يربطوا حساباتهوم بالمايل الإلكتروني الخاص بيهوم

الميزة الجديدة متاحة للمستخدمين اللي دايرين آخر آبدايت للتطبيق في هواتف آيفون ، ومن المقرر إطلاقها أيضا لمستخدمي أندرويد في الأيام المقبلة

وتتيح هاد الميزة إمكانية استقبال كود ديال فاليداسيون اللي كيتكون من 6  ديال الأرقام عن طريق المايل في حالة ماتمش وصولو  فميساج عادي "إيس-إيم-إيس"

Hébergé par Ausha. Visitez ausha.co/politique-de-confidentialite pour plus d'informations.

بداية مع المغنية المغربية صابرينة بلفقيه، واللي كتستعد لتعاون فني جديد في مسارها  غادي يجمعها لأول مرة بالفنان الإسباني مايل جيمنيز، وغيكون عبارة عن مورسو غنائي يحمل عنوان "محبوبي أنت"

الفنانة صابرينة بدات  في الترويج لمشروعها الفني المرتقب عبر مختلف صفحاتها الرسمية بالسوشل ميديا باش هاكدا توجد الجمهور ديالها لاستقبال هاد الأغنية المغربية الإسبانية

كلمات أغنية "محبوبي أنت"هي للشاعر محمد المغربي،فيما أشرف على التوزيع أيوب أفريكانو وتوفيق صدقي

من الجدير بالذكر أن آخر إنتاجات الفنانة صابرينة بلفقيه كان فيديو كليب أغنية “Loquita” اللي حقق 30 مليون استماع فمختلف المنصات الرقمية الموسيقية

أو نتاقلو للمجال السينمائي، بحيث فاز الفيلم الطويل "عصابات" للمخرج المغربي كمال لزرق، بالجائزة الكبرى للدورة الثامنة من المهرجان الدولي للفيلم ببروكسيل، واللي اختتمت  فعالياتو مساء السبت الماضي

 السينما المغربية عرفات حضور قوي في هاد النسخة من المهرجان، من خلال جائزة أفضل ممثل، واللي حصل عليها الممثل المغربي لمحمد بوشايت عن دوره في الفيلم الطويل "صحاري سلم وسعى" لمخرجه مولاي الطيب بوحنانة

 من الجدير بالذكر أن فيلم "عصابات" سبق ليه أو ربح بجائزة لجنة التحكيم ضمن فئة "نظرة ما" في مهرجان كان السينمائي 2023، كما تم اختيارو للمسابقة الرسمية برسم الدورة العشرين للمهرجان الدولي للفيلم بمراكش

أو نختمو فقرة نجوم ويك بالمسلسل المغربي  الدرامي"أحلام بنات"، واللي تمكن من حصد أرقام قياسية في المشاهدات، بعد أسبوعين فقط من انطلاق عرضه على شاشة التلفزيون

أو قدر مسلسل "أحلام بنات" يتصدر الترند العالمي للمسلسلات عبر منصة "شاهد" للأعمال العربية، بحيث احتل المركز الثالث دوليا، والأول على مستوى المغرب، كما أن حلقاتو دخلت فصنف  الطوب طين 

أشير أن المسلسل الدرامي المغربي "أحلام بنات" كيضم ثلاثة مواسم كل وحدة منها مكونة من 20 حلقة، وهو من تأليف مشترك ليحيى فاندي وعدنان موحجة

Hébergé par Ausha. Visitez ausha.co/politique-de-confidentialite pour plus d'informations.

واش سبق ليكوم وسمعتو أن بعض الأمهات الحوامل بتوأم، فجأة وبعد تقدم مراحل الحمل بعدة شهور، كتعرف بأن أحد التوائم ديالها اختفى، هادشي اللي كيوقع بالضبط عند الإصابة بمتلازمة التوأم المتلاشي، واللي تم اكتشافها لأول مرة سنة 1945، فما هي الأسباب اللي كتؤدي لهاد المتلازمة وما هي مضاعفاتها؟

متلازمة التوأم المتلاشي، كتجي  فاش كيتم إجهاض توأم واحد أو أكثر، في حال كانت المرأة حامل بأكثر من طفلين،  بحيث كيتم امتصاص أنسجة الجنين من قبل التوأم الآخر أو المشيمة المتعددة من قبل الأم، ومكتقدرش المرأة الحامل تعرف أنها فقدات الجنين ديالها إلا بعد الخضوع للموجات فوق الصوتية

في حين قديما، كانت المرأة ماكتعرفش أنها فقدات أحد الأطفال ديالها إلا بعد الولادة وكانت كتسجل على أنها حالة وفاة 

فيما يتعلق بأسباب هاد المتلازمة واللي كترجع لتحليل المشيمة اللي كتبين في غالبية الأحيان عن تشوهات صبغية في التوأم المتلاشي، في حين أن التوأم الباقي على قيد الحياة عادة ما كيكون بصحة جيدة

أما عن أعراض التوأم المتلاشي فكتمثل في حدوث تشنجات ونزيف مستمر كدليل على وفاة أحد الأجنة، إضافة للشعور بآلام في الحوض،و اللي كلما زادت كلما كانت إمكانية حدوث متلازمة التوأم المتلاشي أكبر

وأخيرا المضاعفات، كاين مجموعة من الآثار الصحية اللي كتنتج  عن حدوث متلازمة التوأم المتلاشي، سواء تعلق الأمر بالأم أو بالطفل الباقي على قيد حياة،  فإذا فقدنا التوأم في الثلث الثاني أو الثالث من الحمل، فهادشي كيزيد من احتمالية وجود خطر على الجنين اللي باقي حي، أبرزها خطر الإصابة بشلل في الدماغ

فيما يجب أن تحصل الأم على رعاية طبية عالية، لأن الحمل ديالها  كيدخل في مرحلة خطرة، بسبب التعرض للنزيف أو التشنج والآلام في الحوض

Hébergé par Ausha. Visitez ausha.co/politique-de-confidentialite pour plus d'informations.

بداية مع الفنان والممثل المغربي عبد الرحيم البرادي المعروف فنيا ب"عسيلة"، واللي تداولت مجموعة من الصفحات في السوشل ميديا خبر الوفاة ديالو، ابنة الفنان كذبات كاع هاد الادعاءات وأكدت أن  الوضعية الصحية لوالدها باقا غير مستقرة، بحيث كينعس في قسم العناية المركزة، وحالتو جد خطيرة

 وقد سبق للممثل  أن تعرض لوعكة صحية حرجة، خلات أفراد  الأسرة ديالو ينقلوه بشكل عاجل لإحدى المصحات الخاصة بمدينة الدار البيضاء، رغم عدم توفرهوم على مصاريف العلاج كاملة، و اللي مازال لحد الساعة كيحاولو جمع المال لتسديد هاد النفقات

 من الجدير بالذكر أن  محبي الفنان والمهتمين بالشأن الفني  شنوا حملة رقمية كيطالبو من خلالها وزارة الثقافة والمسؤولين عن القطاع الفني بالمغرب بالتدخل لإنقاذ الممثل "عسيلة"، اللي كيمر من ظروف خانقة وما كيتوفرش على مصاريف العلاج

ونتاقلو لمدينة وزان، ومع جمعية الصفا لمدح المصطفى واللي كتنظم من 16 الى 18 نونبر الجاري ، النسخة الثالثة من ملتقى دار الضمانة الدولي للذكر والسماع ، دورة موسيقى الطوائف

وكيضم برنامج التظاهرة الثقافية ، اللي غيحتضنها المركز الثقافي بوزان وبعض ساحات المدينة ،ندوة علمية مركزية بعنوان "أي تثمير لإرثنا الروحي في عالم اليوم" بمشاركة أسماء لها حضور متميز في مجال البحث التراثي والديني في مجال التصوف والأنتروبولوجيا والفكر الاسلامي

دوليا، أعلنت شركة آبل أن المغنية العالمية تايلور سويفت هي لاغتيست ديال عام  2023 على آبل ميوزيك، وذلك بعدما وصلت الأغنية ديالها لقائمة أفضل 100 أغنية على مستوى العالم يوميا في آبل ميوزيك  أكثر من أي فنان آخر، خلال الأشهر العشرة الأولى من هاد العام

وبصفتها فنانة العام في آبل ميوزيك، غتحصل سويفت أيضا على جائزة مادية، بحيث كتميز كل جائزة من جوائز آبل ميوزيك برقاقة سيليكون مخصصة من آبل معلقة بين لوح زجاجي مصقول وهيكل مصنوع من الألومنيوم المؤكسد 

Hébergé par Ausha. Visitez ausha.co/politique-de-confidentialite pour plus d'informations.

بعدما كانت مشهورة بشكل كبير ففترة السبعينات والثمانينيات، رجعات موضة الكارو لتتصدر طوندوس الموضة، بحيث كتميز أغلب ليكوليكسيون ديال هاد السيزون بوجود دي زونسوبل شتوين أو بليزر كيطغى عليهوم موتيف الكارو

وباش تكوني تانتي سيدتي مواكبة لآخر التراندات، وما تفلتي حتى لوك يقدر يبرز الأناقة ديالك، كنقترح عليك مجموعة من تنسيقات البلازر الكارو الخريفية، وبأسلوب دور الأزياء العالمية 

بليزر الكارو من إيميليا ويكستيد Emilia Wickstead

إذا كنتي من عشاق الأوفرسايز والقصير، فكنصحك بالموديل الرائع من ماركة إيميليا ويكستيد، كيجي بدي كوب فاليدين والعنق أو بثوب  كاشمير ناعم  كيتميز بألوانو الخريفية الهادئة،لبسيه مع سروال أورنج فاتح، باش تفتحي اللوك ديالك أكثر

حاولي ما أمكن تختاري البلازر اللي غتناسب شكل ديال الجسم ديالك، لأن في النهاية خاسك تلبسي الحوايج اللي تبينك فأحسن طلة

البليزر الكارو من هيلين أنطوني  Helen Anthony

إذا كنتي كتفضلي تدريجات اللون الأسود والرمادي، فالبليزر الكارو الأوفر سايز من ماركة هيلين أنطوني هي اللي غتناسبك، كيجي بخط رفيع رمادي فاتح ومزين بأزرار عند الخصر باللون الذهبي، يمكن ليك تنسيقها مع سروال من نفس لون وثوب البليزر بقصة طويلة وواسعة، ولأناقة  تخليك ميزة على غيرك نسقي البلازر مع بوت 

جلدي لامع باللون الأسود

البليزر الكارو من بيج بارك Big Park

هذا الموديل من  البليزر الكارو  من بيج بارك كيجي بألوان خريفية مخلطة بين الباج والقهوي، نسقيه مع سروال طاي أوت باللون الرمادي الفاتح أو الأسود، لبسي معاه شوميز نواغ ، باش تعطي المزيد من الهدوء في الجزء الأعلى من الإطلالة وباش تهرسي الطبعات الكبيرة بالأسود والعسلي اللي فالبلازر

Hébergé par Ausha. Visitez ausha.co/politique-de-confidentialite pour plus d'informations.

عادة ما كتفضل النساء تغيير ديكور المنزل ديالها من حين لآخر، رغبة منهن في تجديد الطاقة ونشر الإيجابية داخل المنزل، فإذا كنتي سيدتي تخططين للقيام بهذه الخطوة، فالديكور المغربي غيكون الخيار الأمثل ليك

إليكم بعض الاقتراحات المستلهمة من التراث المغربي الأصيل، والتي ستضفي إطلالة تقليدية وعصرية في نفس الوقت على ديكور منزلك

الزربية المغربية الأصيلة 

من بين أجمل ما جاد به الأثاث المنزلي المغربي هي الزربية التقليدية، مايمكنش تلقا شي دار ماكتزينش إحدى الصالونات ديالها بسجاد مغربي أصيل، كتميز الزربية المغربية بنوعيها، الزربية السباعية، والحنبل العربي، فإذا كنتي باغا تبدلي ديكور الصالون ديالك من الأفضل اختيار زربية تتناسب مع لون الأثاث، وإذا كنتي باغا زربية اللي تماشى ليك مع جميع أنواع الأثاث، فالزربية المغربية الحمراء هي الاختيار الأفضل فهاد الحالة

البوفة المغربية 

تعد البوفة من العناصر التقليدية الأساسية في الأثاث المغربي منذ مئات السنين، فهي كتستخدم كمسند للقدم أو مقعد بسيط في غرف المعيشة، بإمكانك إضافة هذا الأثاث التقليدي البسيط للسيجور ديالك لإضفاء لمسة مغربية ممزوجة بالعصرنة، كتجي البوفة بألوان مختلفة ومزكرشة مما يضفي نوع من البهجة على المنزل ديالك

الثريات المغربية 

لا يمكن لديكور الصالون المغربي أن يكتمل دون وجود الثريات، فالمصابيح أو الثريات المغربية ذات الإضاءة البسيطة كتمنح لمسة من السحر لأي غرفة داخل المنزل، ما عليكم إلا اختيار النوع اللي كيناسب إطلالة الغرفة وكذلك الميزانية ديالكوم، كاين الثريا النحاسية والفضية، كل ثريا وطريقة التنسيق ديالها 

Hébergé par Ausha. Visitez ausha.co/politique-de-confidentialite pour plus d'informations.

كتوصلنا يوميا المئات إن لم نقل الآلاف من المشاهد المرعبة لضحايا الحرب، كاين اللي كيسكرولي أو كيزيد، أو كاين اللي كيبقا عالق فقساوة المشهد، ما يمكنش لينا نحكموا شكون كتحرك فيه الإنسانية أو شكون لا، ذلك أن بعض الأشخاص رغم شعورهم بمشاعر سلبية فحال الخوف والقلق كيخبيو هاد المشاعر هروبا منها الشيء اللي كيخليهوم يجهلو طبيعة أحاسيسهم 

هاد الحالة تعرف علميا بالتخميد العاطفي، فما هي أعراضه وطرق العلاج؟

 الأخصائيون النفسيون كيعرفوا التخميد العاطفي أو ما يعرف ب"Emotional Shutdown"، بأنه استراتيجية كينهجها العقل لحماية نفسو من الألم النفسي والعاطفي بعد التعرض لمجموعة من الأحداث الدامية و الأخبار المحزنة 

وبالتالي هاد الطريقة اللي كينهجها العقل، كتخلي الفرد يتهيأ له أنه في منطقة الراحة العاطفية في حين هو لازال عالق في فترة تأثير بعد الصدمة

فيما يتعلق بأعراض التخميد العاطفي، فتشمل عدم القدرة على التعبير عن المشاعر،الشعور بالسطحية جسديا وعاطفيا، عدم القدرة على تصنيف المشاعر هل هي مشاعر فرح أو حزن، استخدام أساليب بدون وعي لمقاومة مواجهة العواطف، الدخول في حالة إنكار كاملة تفصل الفرد عما يعيشه من مشاعر حقيقية

وأخيرا طرق وأساليب العلاج، كاين مجموعة متنوعة من خيارات العلاج المتاحة اللي ممكن أنها تساعد الشخص المصاب بالتخميد العاطفي على تقليل حدة هاد الحالة، أبرزهم العلاج السلوكي المعرفي، اللي كيساعد الفرد من خلال مجموعة من جلسات الاستماع على التعبير عن المشاعر وفهمها، وفحص مصادر الاستجابة العاطفية عندهوم

إضافة لهذا، إذا استطاع الشخص يعطي لنفسو الوقت الكافي و يعيش اللحظات الأليمة كيفما هي أو يحزن كما يجب ، يقدر فهاد الحالة يخرج من خانة تأثير ما بعد الصدمة أو غيرو من الاضطرابات النفسية، ذلك أن تقبل الألم و الوعي بيه كيكون فبزاف المرات نصف الحل 

Hébergé par Ausha. Visitez ausha.co/politique-de-confidentialite pour plus d'informations.

بداية مع المهرجان الدولي للفيلم بمراكش المنظم في الفترة الممتدة ما بين 24 نونبر إلى 2 دجنبر، والذي من المرتقب أن يكرم شخصيتين متميزتين في عالم السينما والإخراج، يتعلق الأمر بالممثل الدنماركي  مادس ميكلسن، والمخرج المغربي فوزي بنسعيدي

ويعد مادس ميكلسن من أبرز الممثلين الدوليين الذي أظهروا براعتهم في مجال التمثيل من خلال تجسيد أدوار مركبة و معقدة، لا يستطيع ممثل عادي أن يتقمصها، من بين أبرز أفلامه الحائزة  على جوائز الأوسكار فيلم "جولة أخرى" سنة 2020، كما أنه قد سبق له وأن ترشح لجوائز الأكاديمية البريطانية لفنون الأفلام والتلفزيون (بافتا) وجائزة الفيلم الأوروبي

أما مخرجنا المغربي فوزي بنسعيدي، فقد راكم تجربة سينمائية رصينة و حافلة بالجوائز الوطنية والدولية، أبرزها "الحيط الحيط"، المتوج في قسم "أسبوعي المخرجين" بمهرجان كان، و"خيط الشتا"، الذي توج في مهرجان البندقية، كما أنه فاز بسبعة جوائز في المهرجان الوطني للفيلم بطنجة

وفي نفس سياق المهرجان الوطني للفيلم، فاز فيلم "أبي لم يمت" لمخرجه عادل الفاضلي بالجائزة الكبرى، وذلك في إطار اختتام فعاليات المهرجان في دورته 23 بفضاء “برج دار البارود” بطنجة

وحضر حفل الاختتام  مجموعة من الوجوه المعروفة أبرزهم وزير الشباب والثقافة والتواصل المهدي بنسعيد، وشخصيات أخرى في مجالات السياسة والثقافة والإعلام، إلى جانب ثلة من نجوم السينما والتلفزيون

أو نختمو فقرة نجوم ويك بالممثلين المغربين أمين الناجي وجميلة العوني، فبعد صراعهما الطويل حول حضانة ابنهما، يرتقب أن تلتقي الممثلة المغربية جميلة الهوني بطليقها الممثل المغربي أمين الناجي، في عمل جديد سيعرض خلال شهر رمضان القادم

من الجدير بالذكر أن العمل التلفزي يحمل اسم "بنت الحديد" وهو من إخراج علاء أكعبون، حيث سيشرع في تصويره خلال الأيام المقبلة

Hébergé par Ausha. Visitez ausha.co/politique-de-confidentialite pour plus d'informations.

مع انتهاء فصل الخريف وبداية فصل الشتاء، يبدأ الجو في التقلب بين الساخن والبارد، الشيء الذي يجعلك في حيرة ما هي نوعية الملابس التي سترتديها وتتناسب مع درجة حرارة الخارج 

ولأن هناك تغيرات عديدة في مجال الموضة، واختلاف الصيحات الجديدة من موسم لآخر، من الممكن أن تكون مرحلة اختيار ملابس مناسبة صعبة بعض الشيء في ظل هذا الجو المتقلب

وكحل لهذا المشكل، أقترح عليك سيدتي مجموعة من الملابس التي لاتنتهي موضتها أبدا، والتي يمكنك ارتداؤها في الخريف والشتاء

أونسومبل جاكيت وسروال جينز

تنسيقات الجاكيت والسروال الجينز هي إحدى الأساليب الشهيرة والعصرية للملابس، يمكنك تجربة مجموعة متنوعة من الإطلالات باستخدام هذه القطع،

اختر جاكيت وسروال جينز بنفس اللون للحصول على إطلالة أنيقة وبسيطة،يمكنك إضافة تيشيرت أو بلوزة بألوان مختلفة لإضفاء لمسة من التغيير 

جاكيت الجلد السوداء

تعد جاكيت الجلد السوداء من بين قطع الملابس التي لا يمكن الاستغناء عليها في خزانتك، فهي مناسبة لجميع الأوقات، سواء في الليل أو النهار، وخلال الأيام العادية والممطرة كذلك

ارتدي جاكيت الجلد مع تيشيرت بسيط وسروال جينز للحصول على إطلالة كاجوال وعصرية، وأضيفي حذاء كاجوال مثل سبادري لإكمال الإطلالة، أو يمكنك تنسيقها  مع سروال جلد أسود يمنح إطلالة أنيقة وملفتة للأنظار

بلازر سوداء سامبل 

يعد البلازر من بين أهم القطع التي يجب أن تتوفر عليها خزانتك، وذلك لسهولة تنسيقه مع مختلف إطلالاتك، سواء كانت رسمية، أو كاجوول ، وكطلة للأيام العادية ، اختر سروال جينز بقصة ملائمة للمناسبة، وأضف حذاء كاجوال للحصول على إطلالة عصرية

القميص الأبيض 

يعد القميص الأبيض من بين الأمور الضرورية في خزانة الملابس، قومي بتنسيقه مع بنطلون جينز للحصول على إطلالة كاجوال ـ أو بإمكانك ارتداؤه مع سروال كلاس للمناسبات الرسمية

Hébergé par Ausha. Visitez ausha.co/politique-de-confidentialite pour plus d'informations.