خۆپیشاندەرانی لایەنگری موقتەدا ئەلسەدر جەخت دەکەنەوە لە بڕیاری سەرکردە ئاینییەکەیان و دەڵێن مانگرتنەکەیان بەردەوام دەبێت تا ئەوکاتەی گەندەڵکاران دوردەخرێنەوە. لە نێوەندی ئەم قەیرانە ئاڵۆزە سیاسییەی عێراقدا قسە و باسەکانیش لەسەر سەروەریی عێراق زۆربوون بەتایبەتی پاش ئەو بۆدومانەی لە دەڤەری زاخۆ کرا .

ئەگەرچی وەک دەگوترێت کۆبوونەوە لوتکەییەکەی تاران بۆ چارەسەری ئاشتیانەی قەیرانی سوریا بوو بەڵام ڕێبەرانی ڕوسیا و ئێران و تورکیا نەیانتوانی ناکۆکییەکانی نێوانیان بڕەوێننەوە بە بەڵگەی ئەوەی کاتێک ئەردۆغان دوای کۆبوونەوەکانی دەگەڕێتەوە بۆ ئانکەرە یەکەم لێدوانی دەیدات سەبارەت بەو هێرشەیەتی.

بەرەنگاربونەوەی سیاسەت و ڕەفتارەکانی ئێران دۆسێیەکی هاوبەشی ئەم سەردانەی سەرۆک بایدن بوو بۆ ئیسرائیل و بۆ شانشینی عەرەبستانی سعودییەش. تاران ئەو سەردانەی سەرۆکی ئەمەریکا و کۆبوونەوەکانیشی لەگەڵ ڕێبەرانی وڵاتانی ڕۆژهەڵاتی ناوەڕاست و باکوری ئافریکا بە هەوڵێکی ئەمەریکا بۆ نانەوەی پشێوی ناودێر دەکات.

کۆبوونەوەکانی ڤیەننا ئەگەرچی بەر لە چەند مانگێک دەگوترا لە ماوەی چەند ڕۆژێکدا مۆردەکرێت بەڵام داوا زیاترەکانی تاران وای کرد تا ئێستاشی لەگەڵدا بێت هەر وەک ڕەشنوسێک بمێنێتەوە. زۆرێک لە وڵاتانی بەشدار لەو کۆبوونەوانەدا بە پارێزییەوە قسەیان لەسەر وردەکاری کۆبوونەوەکان و تەنانەت ڕێککەوتنەکەش دەکرد.

کۆبوونەوە لوتکەییەکەی هاوپەیمانێتی ناتۆ دەشێت وەک یەکێک لە کۆبوونەوە هەستیار و مێژووییەکان لێی بڕوانرێت لە دوو ڕوانگەوە، یەکەمیان کرانەوەی دەروازەی ئەندامێتی بۆ دوو وڵات، دووهەمیش داڕشتنی ستراتیژیەتێکی نوێی دە ساڵەیە بۆ ئەم هاوپەیمانێتییە.

پاش نزیکەی دوو هەفتە لە بۆردومانکردن و تۆپبارانکردنێکی قورس، ڕوسیا توانیویەتی دەست بگرێت بەسەر چەند ناوچەیەکی گرنگ و ستراتیژیدا لە ڕۆژهەلاتی ئۆکراینا. حکومەت و لەشکر و گەلی ئۆکراینا بەرەنگاربوونەوەیەکی ئازایانە و سەرسەختانەی شەڕانگێزیەکانی لەشکری ڕوسیا دەکەن.

زۆرێک لە بڕیارە سەرسوڕهێنەر و لە ناکاوەکانی پێشووی ئەمجارەش ڕێبەری ڕەوتی سەدر شڵەژانێکی لە مەیدانی سیاسی عێراقدا دروستکرد. وەزارەتی دەرەوەی ئەمەریکا پێیوایە گرنگە حکومەتێکی کارا لە عێراق پێکبهێنرێت بۆ بەجێگەیاندنی یاسا سەرەکییە پێویستەکان و دەڵێت ئەمەریکا چاوی لەوەیە هاریکارییەکان بەرفراوان

ئەگەرچی هەوڵەکان بەردەوامن بۆ چارەسەرییەکی ئاشتیانەی قەیرانی سوریا، بەڵام هەتا ئێستاشی لەگەڵدا بێت هیچ یەکێک لەم هەوڵانە نەیانتوانیوە ببنە ئاماژەیەک و بگوترێت لەوسەری تونێلی ئەم دوکەڵەی شەڕەوە تروسکاییەک بۆ چارەسەر دەرکەوتووە.

وتووێژەکانی ڤییەننا بۆ ڕێککەوتنی ناوکی لەگەڵ ئێراندا لەوەتای مانگی سێی ساڵی ڕابردووەوە ڕاگیراون بەهۆی ژمارەیەک داواکاری کۆماری ئیسلامی ئێرانەوە کە یەکێکیان لابردنی پاسدارانی شۆڕشی ئیسلامییە لە لیستی تێرۆریستانی بیانی.

ئایا دەرفەتەکان بۆ گەیشتن بە ڕێککەوتنی ناوکی لەگەڵ ئێراندا بەرەو کەمبوونەوە دەڕۆن؟

ئایا شەپۆلی ناڕەزاییەکانی هاووڵاتیانی ئێرانی لە ڕێی دەستی دەرەکییەوەن یان کاردانەوەی خەڵکە بەرامبەر بە ڕژێمی کۆماری ئیسلامی؟

وەڵامی ئەم پرسیارانە و ژمارەیەک پرسی تریش لە چاوی واشنتۆنی ئەم هەفتەیەدایە.