Podcasti pë librin vazhdon tutje. Regjisori Besim Ugzmajli ka plot çka me na tregu: pse shkruan, a kthehet filmi në letërsi e letërsia në film, sa lexon dhe çka lexon, a ka Ferizaj - qyteti i tij i lindjes dhe vendi ku ai jeton - infrastrukturë për lexim e reflektim. Episodi i radhës i 'Confessions/Rrëfime' vjen filmik, letrar e shumë personal.

https://radiourban.fm/

E nisim 2024 me Doruntina Bashën. Dori është skenariste dhe ndër më të mirat e gjeneratës së saj në Kosovë. Filmi i saj 'Vera andrron detin' ka tejkaluar çdo pritshmëri. Në podcastin tonë mbi librin, Doruntina na flet për leximin, për dramaturgjinë, për kulturën, artin, për Deborah Levyn por edhe për tjera çështje që e sjellin librin në tavolinën e saj të punës.

https://radiourban.fm/

Vitin 2023 e pëmbyllim me 29 episoda të podcastit, duke e analizu librin e letërsinë në Kosovë e në Shqipëri përgjatë këtij viti sa interesant aq edhe morbid. Anipse podcasti ka nisë në mes të vitit, kemi provu kësaj here me i sjellë te ju disa prej momenteve dhe ngjarjeve letrare që e karakterizuan vitin të cilin po e lëmë pas. Prej panaireve të librit, ngjarjeve të ndryshme letrare, çmimeve të fituara, e deri te poezitë në tiktok.... Arbri kësaj here i përmbledhë e i përfolë momentet letrare të vitit 2023. https://radiourban.fm/

Në podcastin e 28 të ‘Confessions/Rrëfime’ në Radion Urban FM, përballë Arbër Selmanit ulet Veron Dobroshi. Veroni, një studiues i ri dhe një pasionant i leximit, na tregon për letërsinë dhe për librin si faktor të rëndësishëm në jetën e tij. Veroni lexon më shumë se që shkruan, e në podcast në flet edhe për librat e tij të preferuar dhe për faktin se sa është jetike të lexosh gjatë tërë jetës. https://radiourban.fm/

Sokoli na vjen nga Tirana, në Urban FM! Sokoli është përkthyes e arkivist, një prej atyre zërave më potent në skenën letrare shqiptare. Së fundmi e ka sjellë në shqip autorin grek Kazantzakis. Sokoli përkthen nga greqishtja e anglishtja. Flasim për librin, leximin, përkthimin, PISA-n, e për çështje tjera letrare. Një rrëfim tjetër interesant, në episodin e 27-të të 'Confessions/Rrëfime'. Web: radiourban.fm

Xhejlanja është aktore e moderatore, shpesh edhe shkruan poezi. Kaltrina punon në fushën e marketingut, por ka botuar disa libra. Çka i bashkon dyjat, na pëlqen neve – e ajo mbetet fjala, e pathëna që bëhet e thënë, shkrimi, krijimi, emocioni. Në këtë podcast flasim për poezinë, librin, për librat e pëlqyer të Kaltrinës e Xhejlanes, e flasim patjetër edhe për poetët e rinj shqiptarë dhe hapësirën që ata e marrin në peisazhin e madh letrar shqiptar. Web: radiourban.fm

Ka plot këngë, edhe në shqip edhe në gjuhët tjera, që janë inspiruar prej librave apo prej poezive. Shpesh, sapo fillon një këngë, ne jemi të vetëdijshëm që bëhet fjalë për një poezi të cilën këngëtari apo këngëtarja e ka kthy me mjeshtëri në melodi. Në këtë podcast më të veçantë, i dëgjojmë shtatë këngë shqipe dhe angleze që janë inspiru prej librave, prej poezive, prej letërsisë.

Web: radiourban.fm

Në një podcast për librin, nuk mungon gazetaria. Në këtë podcast e kemi ftu Besa Lucin – Kryeredaktore e gazetës Kosovo 2.0. Ajo e themeloi Kosovo 2.0 në një kohë kur në Kosovë blogu ishte diçka më e panjohur. Besa ka kryer studimet master në drejtimin e shkrimit gazetaresk dhe për revista në Shkollën e Gazetarisë të Universitetit të Missouri-t në Columbia, SHBA. Në këtë podcast flasim për gazetarinë, për shkrimin, për faktorin njeri në gazetarinë e sotme, e patjetër flasim edhe për librin dhe leximin në jetën e një gazetari. Web: radiourban.fm

Shqipe Kamberin dhe Arben Kastratin nuk i kemi ftu në studio me bisedu për jetën në çift. Çka po na intereson më shumë është lidhja e tyre me librin, me artin, me kulturën… Shqipja – piktore e skenografe, dhe Arbeni – regjisor e shkrimtar, i kanë bashku forcat shumë kohë më parë, në jetë e në art, e për neve në Radion Urban FM e kanë një tregim shumë simpatik të cilin e kanë nda me neve, rrëfim të cilin e gjeni në këtë episod të ‘Confessions/Rrëfime’.

Web: radiourban.fm

Sejnuri është mysafiri i radhës në podcastin ‘Confessions/Rrëfime’. Pjesë e komunitetit rom në Kosovë, plot tregime të Sejnurit lidhen me librin. Dikur ai ishte zëvendësministër i Ministrisë së Kulturës në Kosovë, ndërsa sot vazhdon punën si aktivist dhe si pjesë e shoqërisë civile në Kosovë. Sejnuri shkruan edhe poezi, dhe në plan e ka një botim për të cilin po flasim mes të tjerash në këtë podcast të cilin ju ftojmë ta dëgjoni e shikoni sepse Sejnuri ka rrëfime interesante që i shpalosë me të gjithë ne.

Web: radiourban.fm