APC for inside Lagos don clear say dem never pick candidates for the Lagos East senatorial and Kosofe Constituency 2 House of Assembly by-elections.

The seat dey open after end of Senator Bayo Osinowo and Tunde Braimoh.

The primaries go happen for this Thursday and tori be say the election go happen on October 31.

2 pipu wey dey never identify don die this friday as helicopter go land on top one house for Ikeja, Lagos.

Federal Government don postpone the resumption date for international flight from 29th of August, 2020 to 5th September, 2020.

Nigerian Electricity Regulatory Commission say President, Muhammadu Buhari , don order operators for power sector sey make dem carry out mass metering to customers wey no get meter for the country.

NERC say dem no approve any increase for electricity tariffs.

The commission say oga President arrange the nationwide mass-metering programme so that Federal Government go fit stop estimate and expensive billing for electricity.

Lagos State Governor, Babajide Sanwo-Olu don swear in new Governing Council for all tertiary institutions inside Lagos state.

The ceremony happen for Lagos House, Alausa, Ikeja on Tuesday.

The schools wey dey involve na Lagos State University (LASU), Ojo, Lagos State Polytechnic, Ikorodu, Adeniran Ogunsanya College of Education, Ijanikin and Michael Otedola College of Primary Education Epe.

Enugu State Police Command, carry one traditional ruler-elect of the Ogugu community in the Awgu Local Government Area Chief Emmanuel Ogbonna, go Enugu South Magistrates’ Court for perjury.

The police accuse Ogbonna sey he claim on oath sey he be onengineer when he no get certificate to back the claim.

police prosecutor, ASP Austin Aguodoh, say he no go oppose the bail application as long as d defendant go provide reasonable surety wey get verifiable address

Federal Government don approve the establishment of oil and gas logistics facility for Akwa Ibom State.

Na Minister of State for Petroleum Resources, Timipre Sylva say work go soon start for the site of the project.

Sylvia say the decision to establish the facility for Akwa Ibom dey strongly influenced by the prevailing peace and security of lives and property for the state.

Former Nigerian President, Goodluck Jonathan, go lead other West African leaders to coup-torn Mali on Saturday “to help the search for solutions”.

Mali’s president, Ibrahim Keita, comot on Tuesday by soliders, wey take him Prime Minister Boubou Cisse and other senior officials into custody.

President Muhammadu Buhari don call for strong sanction to the new military regime for Republic of Mali. 

Kano State Government don declare Thursday, August 20, 2020, as public holiday to mark the new Islamic year 1442, After Hijrah (AH).