Nigeria Centre for Disease Control (NCDC) say Nigeria don record 296 new COVID-19 cases.

Na plateau get the highest for the list with 183 cases, Lagos come second with 33 infections while FCT get 25 new cases.

Federation Accounts Allocation Committee (FAAC) say dem share N3.879 trillion to both Federal, states, and local gomengt areas and other constitutional areas for the first half of 2020.

The breakdown showed that N1.53 trillion go to Federal Government, while states get N1.29 trillion and the 774 local government areas get N771.34 billion.

Na Director Communications and Advocacy of Nigeria Extractive Industries Transparency Initiative (NEITI) Dr. Orji Ogbonnaya Orji open dis one for one statement on Tuesday.

Ministry for Basic Education inside Anambra stat don approve gradual reopening of schools for the state, in line with the ministry’s approved timetable for the completion of the 2019/2020 academic session.

Permanent Secretary of the ministry, Mr Nwabueze Nwankwo, say   third term go dey short, plus dem dey expect schools to make maximum use of the time, plus the different e-platform teaching.

Lagos State Government don announce the reopening of two of dem recreational parks for public use, dem say visitors must obey the COVID-19 protocols.

Assistant Director, Public Affairs, Lagos State Parks and Gardens, Mrs Titilayo Ajirotutu, say the recreational facilities na Ndubisi Kanu Park for Alausa and Dr Abayomi Finnish Park for Oregun, Ikeja.

The state been close down all parks cos of Coronavirus pandemic to take reduce the community spread of the virus.

Muslim and Christian leaders for Kaduna State don call religions say make dem stop behaviour wey no dey well for dia faith and dem go need embrace peace instead.

The leaders of faith yarn for Ibrahim House, Kaduna, when Governor Nasir El-Rufai inaugurate House of Kaduna Family.

The houseof Kaduna family na platform wey dem design for leaders of faith to discuss and help people of faith to up way go promote peace and unity.

Lagos State Ministry of Education, through the Office of Education Quality Assurance say dem go train school owners, leaders for schools, school associations, school networks and educators for the State on the measures to reopen schools for COVID-19.

Director-General, Office of Education Quality Assurance, Mrs. Abiola Seriki-Ayeni say the plan na to prepare schools for safe reopening plus provision of templates and processes to know if d school don ready to reopen for the State.

LAGOS State Health Commissioner Prof. Akin Abayomi don announce say 1,696 COVID-19 patients never show for admission for the COVID-19 care centres.

Oga Abayomi, yarn dis one for im official Twitter handle on Tuesday.

Oga Abayomi still yarn say 3,803 of the confirmed cases wey Covid19 Lagos Response team dey monitor for communities don dey well or dem dey respond to treatments

Kano State Elder’s Forum don ask President Muhammadu Buhari say make e chook mouth and still stop Governor Abdullahi Ganduje move to borrow N300 billion from China.

Governor Ganduje won use am for light rail project for Kano State bet the Elders say e go make the state owe plenty money.

The forum don call other authorities too say make dem beg oga Ganduje to leave the loan matter.

Education Quality Assurance (OEQA) unit of the Lagos State Ministry of Education don warn the public sey make dem ignore the resumption time table wey dey fly around social media.

For inside the time-table the 2020/2021 academic calendar, first term of the session go start September 21, 2020 con end December 18, 2020 even tho sey Governor Babajide Sanwo-Olu talk for weekend sey  the resumption date wey he  announce never dey pure.

Public Affairs Officer, OEQA, Mr. Emmanuel Olaniran, say the calendar na fake coe e no come from dem office .

Newly appointed Akwa Ibom Commissioner of Police, Amiengheme Andrew, don resume duty for the State Police Command headquarters inside Uyo.

Na talk talk pesin for the command CSP Nnudam Frederick, na him yarn this one,Fredrick say the new commissioner took over as the 30th Commissioner of Police for the state plus sey the commissioner join  Nigeria Police Force as cadet Assistant Superintendent of Police (ASP) for 1988.