Cupidbuddha

இன்று உலக சுற்றுச்சூழல் தினம்.

அப்படின்னு சொன்ன உடனேயே நெறைய பேரு உடனே ரெண்டு வெதையத் தூக்கிட்டு 4 செடிய கையில புடிச்சுட்டு மரம் நடுவோம்னு கெளம்பிடுவானுங்க...

மரம் நடுவது நன்மை தரும்தான் இல்லை என்று இல்லை.

பருவநிலை மாற்றம் மற்றும் பல்லுயிர் பெருக்கத்தைக் காக்க உதவும் என மரங்கள் பல பலனை தரும்.

ஆனால் ஒரு இடத்திற்கு தகுந்தாற்போல ஒரு மரத்தை நடவில்லை என்றால் அதுவே தவறாக முடிந்துவிடும் என்கின்றனர் லண்டனில் உள்ள க்யூ தாவரவியல் பூங்காவை சேர்ந்த நிபுணர்கள்.

நமது பழைய தமிழ் இலக்கியங்கள் குறிஞ்சி, முல்லை, மருதம், நெய்தல், பாலை என்று ஐவகை நிலங்களை வகுத்து ஒவ்வொரு நிலத்திற்கும் உரிய மரங்கள், பறவைகள் போன்றவற்றையெல்லாம் பேசுகிறது.

இன்று அந்த நிலப் பகுப்புகளும் அவற்றிற்குரிய விலங்குகளும் பறவைகளும் எங்க இருக்குன்னு யாருக்கும் தெரியாது ஆனால் உலக சுற்றுச்சூழல் பத்தி எல்லாம் நாம் பேசுவோம்.

நிலாவில் போயி கால் வைத்த மனிதன், தன்னோட

வீட்டுக்கு வெளியே கால் வைக்கத் தயங்கும்நிலை உருவாகிவிட்டதை இப்போது உலகெங்கிலும் பார்க்கிறோம்.

வனங்களைக் காப்பாற்றத் தவறிவிட்டோம். புகை மண்டலத்தால் இந்த உலகம் முழுவதும் மாசுபடச் செய்கிறோம்.

நிலம், நீர், காற்று போன்ற இயற்கை வளங்கள் பழுதுபட்டுள்ளன.

வனங்களில் மரங்கள் வரைமுறையே இல்லாமல் வெட்டித் தள்ளப்படுகின்றன. கானக விலங்குகள் வாழ இடமின்றித்தத்தளிக்கின்றன.

நதிகளில் மணல் கொள்ளை. தொழிற்சாலைகளிலிருந்தும் வாகனங்களிலிருந்து வெளியேறும் புகை காற்றில் கலந்து சுற்றுச்சூழல் நாள்தோறும் நாசமாக்கப்படும் அவலம்.

இதனால் இயற்கைச் சமநிலை மாறுபடுகிறது.

பருவ காலங்கள் தவறுகின்றன. கடலில் ஆழிப் பேரலை எழுகிறது.

நிலநடுக்கம் உருவாகிறது. மனித சமுதாயத்தின் நலன்கருதி சுற்றுச்சூழலைப் பாதுகாக்க வேண்டும் என்ற கருத்தோட்டம் இப்போது உலகெங்கும் முன்வைக்கப்படுகிறது.

காடும் காடுசார்ந்த இடமும் வயலும் வயல்சார்ந்த இடமுமெல்லாம் மிகவும் குறுகி விட்டது என்று சொல்லலாம்.

பால்கனி தோட்டங்கள் க்ரோட்டன்ஸ் செடிகள், போன்சாய் மரங்கள் என்று ஃபேஷனுக்காக போட்டோ எடுத்து போட்டோஷாப் செஞ்சுட்டு இண்ஸ்டாகிராமில் சுடச்சுட ஒரு போஸ்ட் போட்றனும் நமக்கு.

சிங்கப்பூரில் இருக்கும் பொழுது சட்டத்துக்கும் அபராதத்தொகைக்கும் பயந்துட்டு ஒரு சின்ன பேப்பரைத் தூக்கி எறியத்தயங்கிய நான் இந்தியா வந்த உடனேயே அப்பாடான்னு சுதந்திரக்காற்றை உள்வாங்கி குப்பத்தொட்டிய பாத்துக்கிட்டே ஸ்டைலா குப்பைய ரோட்ல போட்டுறுவேன்.

திட்டம் போட்டு திருடுற கூட்டம் திருடிக்கொண்டே இருக்குது அதைச்சட்டம் போட்டு தடுக்குற கூட்டம் தடுத்துக்கொண்டே இருக்குது திருடனாப்பாத்து திருந்தாவிட்டா திருட்ட ஒழிக்க முடியாது அந்த மாதிரி தனித்தனியா ஒவ்வொரு மனிசனும் யோசிக்கனும். கூட்டத்துல இருக்குறப்ப கூல் ட்யூட் மாதிரி என்விரான்மெண்டல் டிஸாஸ்டர் பத்தி பேசிட்டு தனியா இருக்குறப்ப அந்த என்விரான்மெண்டல் டிஸாஸ்டர் பன்ற கும்பல் கிட்டயே காசு லஞ்சமா வாங்குற பல லாப்யிஸ்டுகளையும் தன்னார்வலர்களையும் அரசியவாதிகளையும் அதிகாரிகளையும் நாம பாத்துகிட்டுத்தான் இருக்குறோம்

கஷ்டமான ஒரு சூழல் தான் அதுதானே நம்ம சுற்றுச்சூழல்.

இதெல்லாம் ஒரு பக்கம் இருக்கட்டும்...

இந்த வருடம் 2021ஆம் ஆண்டு சுற்றுச்சூழல் தினத்துக்கான கருப்பொருளாக `சுற்றுச்சூழல் அமைப்பின் மறுசீரமைப்பு' என ஐக்கிய நாடுகள் சபை அறிவித்துள்ளது.

சுற்றுச்சூழல் அமைப்பின் மறுசீரமைப்பு என்பது, சுற்றுச்சூழல் மோசமடைவதை தடுப்பது, அம்மாதிரியான செயல்களை நிறுத்துவது மற்றும் ஏற்பட்ட பாதிப்புகளை சரி செய்ய பணியாற்றுவது என ஐநா தெரிவித்துள்ளது.

எனவே தான் இந்த வருடத்திற்கான கருப்பொருளாக "மறுமுறை யோசிப்பது. மீண்டும் உருவாக்குவது, பாதுகாப்பது" என்பதை நிறுவி உள்ளதாக ஐநா தெரிவித்துள்ளது.

சுற்றுச்சூழலை மறுசீரமைப்பது என்றால் என்ன ? ஆங்கிலத்தில் Ecosystem Restoration என்று சொல்கிறார்கள்.

இந்த வருடம் துவங்கி 2030 வரையிலான அடுத்த பத்தாண்டுகளில் பல ஹெக்டேர்கர்கள் அளவிலான காடுகள், மலைகள், கடல் விவசாய நிலங்கள் என்று அனைத்தையும் பாதுகாத்தும் மறுநீரமைத்திட வேண்டும் என்கின்ற அறைகூவலுடன் இவ்வருட சுற்றுப்புறச் சூழல் தினம் துவங்கவுள்ளது.

இயற்கையோடு மனிதா்கள் தங்கள் உறவை புதுப்பித்துக் கொள்ள வேண்டும் என்ற நோக்கத்தில்,

சுற்றுச்சூழலை மறுசீரமைப்பது சம்பந்தமான உரையாடல்கள், மற்றும் அதற்கான செயல் திட்டங்கள் போன்றவை வலியுறுத்தப்படவுள்ளது.

ஆனால் அடிப்படையில் ஒரு உண்மையினை ஆழமான வாழ்வியல் தத்துவத்தை மனிதர்கள் உணரத்தவறவிட்டனர்.

நமக்கும் இப் புறச்சூழலுக்குமான உறவினை மறந்து விட்டனர்.

பகுத்துண்டு பல்லுயிர் ஓம்புதல் என்று வள்ளுவம் சொல்லியிருக்கின்றது.

பல்லுயிர் என்பது bio diversity

பகுத்துண்டு என்றால் நம்மிடம் இர

The Cupid Buddha podcast celebrates the legendary icon of Indian cinema Director Maniratnam on his 65th Birthday with Producer and film Critic Ms.Sujatha.

"நம் மனதிற்கினிய மணிரத்தினம்"

உனக்கேன் இவ்வளவு அக்கறை, உலகத்தில் யாருக்கும் இல்லாத அக்கறை, என்று கேட்பீர்கள்.

நானே பாதிக்கப்பட்டேன்.

சுயநலம் என்பீர்கள்.

என் சுயநலத்தில் பொதுநலம் கலந்திருக்கிறது.

ஆகாரத்திற்காக அழுக்கைச் சாப்பிட்டு தடாகத்தைச் சுத்தப்படுத்துகிறதே மீன் – அதைப் போல.

அவன்

கடந்து வந்துள்ள

காட்டாறுகள் எவ்வளவு

என்று கணக்கு பார்க்க முடியும். பாட்டொலிக்கும் குயில்கள் இல்லை அவன் பாதையில்,

படமெடுத்தாடும் பாம்புகள் நெளிந்திருக்கின்றன.

தென்றலைத் தீண்டியதில்லை அவன்.

ஆனால்

தீயைத் தாண்டியிருக்கின்றான்.

அந்தக் கலைஞர் மட்டுமே எங்கள் வாழ்க்கை ஏட்டில் எந்தப் பக்கம் புரட்டினாலும் காணப்படும் பாடம், பகுத்தறிவு, பயனுள்ள அரசியல் தத்துவம்.

மானமிகு சுயமரியாதைக்காரனாய், தெற்கே இருந்து உதித்தச் சூரியனாய், ஒரு நூறாண்டு வரலாற்றுத்தளத்தில் கருப்பொருளாய் இன்றும் இன்னும் இயங்கிக்கொண்டிருக்கும் பெயர் கலைஞர் கருணாநிதி.

சமூக நீதிகளை பெரியாரின் போர்வாளாய் நின்று களம் ஆடிக் காத்த கலைஞருக்கு ஒரு தலைமுறையின் நெஞ்சார்ந்த வணக்கமும் நன்றியும் என்றும் உரித்தாகும்.

கடேசி வரை கலைஞர் என்றே அரசியல்வாதியான தன்னை அழைக்கவைத்த பெருமை அவர் ஒருவரைத்தான் சேரும்!

நல்லவை பல, அல்லவை சிலவென இத்தமிழ் மண்ணிற்கும், தமிழ் மக்களுக்கும், நீ என்ன செய்தாயோ அது மட்டும் தான் இன்றும் பேச்சாக இருக்கிறது.

அரசியலின் அடி நாதத்தை நல்லவையாகவும் கெட்டவையாகவும் மாற்றிய பெருமையும் உரிமையும் கலைஞருக்கு மட்டுமே....

தமிழகத்தின் மய்யவிசை கலைஞர்!

அதிகபட்சமா விமர்சித்ததும்,

அதிகபட்சமா நேசித்ததும்,

அதிகபட்சமா வெறுத்ததும்,

அதிகபட்சமா நம்பிக்கை வைத்ததும்,

அதிகபட்சமா நம்பிக்கை இழந்ததும்,

அதிகபட்சமா திட்டுனதும்,

அதிகபட்சமா வாழ்த்தியதும்

தமிழக அரசியல்,சமூக சூழலில் கலைஞரைத்தான்.......

அதனால தான் அவர் கலைஞர்!!!!!

கலைஞரை விட்டா வேற யாருடா இருக்கா....

கலைஞரை விட்டா வேற யாருண்ணே இருக்கா....

கலைஞரை தவிர்த்து வேற ஒருத்தன காமி தம்பி.....

கலைஞரை இல்லாம ஒரு தமிழ் நாட்டை யோசிச்சு பாரு நண்பா....

கலைஞர் இல்லாமலே இருந்து இருந்தா தமிழ் நாடு எப்படி இருந்திருக்கும் அத என்னிக்காவது யோசிச்சு இருக்கீங்களா தோழர்...

தவிர்க்கவே இயலாத கேள்விகள்......

கலைஞரை திட்டினாலும் அங்கு நான் தான் முதன்மையானவனாக இருப்பேன், வாழ்த்தினாலும் நான் தான் அதில் இருப்பேன்

இதில் நான் என்பது ஒட்டுமொத்த தமிழ்ச்சமூகத்தையும் குறிப்பிடுகிறேன்.

இது தான் #கடவுள் பாதி #அரக்கன் பாதியா ????

எது எப்படியோ "பெரியார்" "அண்ணா" அதுக்கு அப்புறம் "கலைஞர்" மட்டும் தான் கண்ணுக்கு தெரிகிறார். அவருக்கு அப்புறம் யாரும் நம் கண்களுக்கே இன்னும் தென்படவில்லை என்பது தான் அரசியல் நிதர்சனம்!

இந்த தமிழ் சமூகத்திற்க்கும்,தமிழர் அரசியலுக்கும்,மொழிக்கும் செய்து இருப்பதையெல்லாம் மறந்து விட்டு தனது அந்திமக்காலத்தின் அருகாமையில் உடல் உபாதைகள்,இயலாமை,நிர்ப்பந்தம் போன்றவற்றால் செய்த சில பல தவறுகளை மட்டுமே நினைவில் வைத்து இருக்கிறோம்.

அவற்றைத் தள்ளி வைப்பதுதான் நன்றியுடமை ....

நாமெல்லாம் 90 வயசுல நிக்க கூட முடியுமான்னு தெரில)

நாமெல்லாம்.விமர்சிப்பதற்கோ வாழ்த்துவதற்க்கோ தகுதியில்லை.

இருந்தாலும் நாம் அனைவரின் அரசியல் சமூக பண்பாடு மொழி இன வாழ்வியல் இன்றும் அவரைச் சுற்றி தான்!!!!!

அது தான் கலைஞர்!!!!!

அதனால எனக்கு தெரிஞ்ச தெரிகிற தமிழகத்தின் இறுதிப்போராளிக் கலைஞருக்கு பெரும் வணக்கம் !!!!

நன்றி மறப்பது நன்றன்று

நன்றல்ல தன்றே மறப்பது நன்றி....

எனவே நன்றிக்கடன் பட்டிருக்கும் ஒரு தமிழ்நாட்டு குடிமகனாய் எனது இனிய கலைஞருக்கு பிறந்த நாள் வாழ்த்துக்கள்.

இந்திய வரலாறு "இந்து இந்தி இந்துஸ்தான்" என்கின்ற ஒற்றைக்கலாச்சாரமாக தட்டையான சிந்தனையுடன்

திண்டாடிக்கொண்டொருந்த வேளையில் திராவிடச் சித்தாந்தத்தைக் கையிலெடுத்து இந்நாட்டின் அரசியல் போக்கையே மடைமாற்றிய முக்கியமானவர்களில் மூவர் பெரியார் அண்ணா கலைஞர்!!

தென்னையை வெச்சவன் தின்னுட்டுச் சாவான் பனையை வச்சவன் பாத்துட்டுச் சாவான் என்பது பழமொழி

திராவிடம் எங்கள் தமிழ் நாட்டின் பனை

கலைஞர் எங்கள் சமூக சீர்திருத்த அரசியல் வாளின் கூர் முனை!!

The Cupid Buddha podcast celebrates the legendary icon of Indian cinema Director Maniratnam on his 65th Birthday with Producer and film Critic Ms.Sujatha.

"நம் மனதிற்கினிய மணிரத்தினம்"

நில் நில் பதில் சொல் சொல் எனை வாட்டாதே....

வில் வில் உன் விழியம்பில் எனைத்தாக்காதே அப்படின்னு ஒரு பாட்டு காலேஜ் ஃபர்ஸ்ட் இயர் ராஜாவும் உமா ரமணனும் பாடிய பாட்டு அதுல

நாணம் எல்லாம் கொஞ்சம் ஓய்வெடுத்தால்

நான் அணைப்பேன் உன்னை பூங்கரத்தால்

ஏகாந்த வேளையில் ஏன் இந்த ஊடல்கள்

ஆரம்பம் ஆனதோ ஆனந்த தேடல்கள்

அந்த வரிகளை அப்படியே ஒரு மாதிரியான குரலில் எனது ரூம் மேட் ஜுல்ஃபிகர் அலி பாடும்பொழுது அவனோட குண்டலினி மூலாதாரத்தில் இருந்து எழும்பி இந்த ப்ரபஞ்ச முழுவதிலும் இருக்கின்ற அனைத்து சக்கரம் போல் சுழன்று எழுந்து ப்ரம்மாண்டமான ஒளி வட்டமாய் நிற்கும்.

இன்னொரு நண்பன் மணிகண்டன் காளிமுத்து அடர்ந்த வனப்பகுதியான கரடிகள் அதிகம் நிறைந்திருக்கும் பகுதி என்று மிரட்டப்பட்ட முள்ளும் மலரும் வின்ச் பகுதியில் நட்ட நடுக்காட்டில் நின்று ஜனனி ஜனனி ஜகம் நீ அகம் நீ என்று உச்சஸ்தஸ்தாயில் பாடி அலம்பி அந்த கொல்லூர் மூகாம்பிகையையே நேரில் வரச்செய்யும் அளவிற்கான ஜீவ சுருதியில் பாடியதும்.....

யெஸ் ஐ லவ் தேட் இடியட் ஐ லவ் தேட் லவ்வபில் இடியட் அப்படின்னு வயலினும் புல்லாங்குழலும் முயங்கிப்புணரும் காமலீலாவினோத ஒலியமைப்பினை அவன் கேட்கும் பொழுதெல்லாம் உடனே எனக்கு போன் போட்டு டே சத்யா கேளுடா என்று என்னையும் சொர்க்கவாசலின் பக்கத்துப்படிக்கற்களில் நிப்பாட்டும் அன்பு அம்பலவாணனும்

என இளையராஜா என்பது தியானத்திற்கும் மருத்துவத்திற்கும் மாற்று வார்த்தையாகத்தான் எங்களுடைய வாழ்வியலில் கலந்திருக்கின்றது.

அம்பலவாணனின் காண்டசா காரில் என்னன்னமோ செய்து எவ்ளவோ செலவு செய்து யார் யாரிடமோ சவுண்ட் எஞ்சினியரிங் செய்து வண்டில சவுண்ட் சிஸ்டம் ரெடி பண்ணி மதுரா கோட்ஸ் பாலத்திற்கு கீழே ஒரு கேசட் பின் சிடி ரெகார்டிங்க் கடையில் ப்ரத்யேகமாக ஒலிப்பதிவு செய்யப்பட்ட ராஜாவின் பாடல்களை காரில் போட்டு கேட்டுக்கொண்டே மதுரையின் எல்லைக்கடந்து பக்கத்து கிராமங்களிம் வயல் வரப்பு சாலைகளில் நோக்கமற்று பயணித்து பின் மீண்டும் வீடு வந்து சேர்வதற்குள் அண்ட சராசரங்களையும் ராசைய்யாவின் இசையின் மூலமாகவே கடந்து விட்டது போன்ற உணர்வு....

எனது பெரியப்பா பையன்களில் ரவி அண்ணே எங்களுக்கு கிட்டார் அடித்துக்கொண்டே அறிமுகப்படுத்திய அக்னி நட்சத்திரப் பாடல்களை பிறிதொரு நாளில் 15 வருடங்கள் கழித்து சிங்கப்பூரில் வெகு துல்லியமான சவுண்ட் சிஸ்டத்தில் ஒரு பெரிய டிஸ்கோதேவில் தனிமையில் போட்டு கேட்ட பொழுது எதோ நானே அந்த பாடல்களை இசையமைத்தது போன்ற ஒரு பெரும் பெருமையுடன் கண்களில் நீர் வழிய அம்பலவாணனுக்கு போன் அடித்து மச்சான் மொட்ட வேற லெவல்டா என்று சொன்ன பொழுது அவன் இருடா இந்த பாட்டு கேளுன்னு ராஜாவின் பாடல் ஒன்றையே எனக்கு மீண்டும் போட்டுக்காட்டினான்.

நண்பர்களும் சகோதரர்களும் எனக்கு ராஜாவை வேறு உலகத்திற்கு கொண்டு சென்ற பொழுது, எனது காதலிகள் என்னை ராசாவின் பாடல்கள் மூலம் மன்மதக்கோயிலின் மதன காமராஜனாகவே மாற்றி விட்டனர்.

வளையோசை கலகலவெனக் கவிதைகள் படித்திட,

கடற்கரை காற்றே வழியை விடு தேவதை வந்தாள் என்னோடு,

கட்டுன்னா கட்டிப்புட்ட

நெஞ்சக் கொஞ்சம் தட்டிப்புட்ட

வெட்டும் இரு கண்ணை வச்சு

என்னைக் கட்டிப் போட்டுப்புட்ட

நெஞ்சுபொறு கொஞ்சமிரு

தாவணி விசிறிகள் வீசுகிறேன்

மன்மத அம்புகள் தைத்த இடங்களில்

சந்தனமாய் அவர்களை எனக்கு பூசி விட்டு

ராஜாவைக் காதலிக்கிறேனோ என்கின்ற குழப்பத்தில் தவித்திருக்கின்றேன்.

மதுரை பசுமலை தாஜ் ஹோட்டலில் டிரைனிங்க் எடுத்துக்கொண்டிருந்த ஒரு நல்ல நாளில் அவர் அங்கு வந்து தங்க அவருடன் ஒரு 5 நிமிட அருகில் இருந்து கையெழுத்து வாங்கியது இன்னும் நெஞ்சில்.....

போன வருடம் என்று நினைக்கின்றேன், இளையராஜா அவர்கள் ஆழ்வார்ப்பேட்டை வந்திருக்க அவரைப் பார்க்க செல்லவே ஒரு அச்சமேற்பட்டது.

இல்ல இசை தெய்வத்தை தள்ளி நின்னே தரிசிச்சுக்கிருவோம் என்று தூர தரிசனம் செய்தேன்

இளையராஜவின் அனைத்துப்பாடல்களும் என்னிடம் இருக்க வேண்டும் என்கின்ற பேராசை பிடித்தவன்.

போன வாரம் கூட அசுரன் திரைப்பட வசனகர்த்தாவும் அன்பிற்கினிய சுகா அண்ணனிடம் சொன்னேன், அண்ணே தெய்வத்த இந்த நேரத்துல ஆல்பம் சாங்க்ஸ் மாதிரி போட சொல்லுங்க அண்ணே என்று.

இசையிடம் வரம் கேட்கலாம் அறிவுரை சொல்லலாமா என்கின்ற சிறிய புரிதல் கூட இல்லாமல்.....

காலையில் எழுந்த உடனே எனது ஃபேஸ்புக் பக்கங்கள் கடந்த 12 வருடமாக இசைஞானிக்கு எனது ஸ்டேடஸ்களில் தெரிவித்த வாழ்த்துத்தொகுப்பினை காட்டியது.

நண்பன் அம்பலவாணனின் தொலைபேசியும் அடித்தது

மச்சான் ராஜாக்ககு இன்னிக்கு பொறந்த நாள்டான்னு...

Mare Of EastTown - a Tamil Review By @Cupid Buddha

பொதுவாக அமெரிக்க ஆங்கில நாடகங்கள் திரைப்படங்கள் பிரம்மாண்டத்தையும் தாண்டிய அவுட் ஆஃப் தெ வோர்ல்ட் எக்ஷ்பீரியன்ஸை தரவல்லது.

இந்த பிரபஞ்சத்தில் அண்ட சராசரங்களிலும் எங்கும் எதிலும் ஒரு பிரச்சனை என்றால் அதை அமேரிக்க கதாநாயகனோ கதாநாயகியோ காப்பாற்றி விடுவார்கள். இவர்களுக்கு உள்ளூர் பிரச்சனைகளோ அரிசி காய்கறி பிரச்சனைகள், குடும்ப பிரச்சனைகளோ இருக்கவே இருக்காது போல என்கின்ற பிரம்மையை நமக்கு கொடுத்து உள்ளது இந்த ஹாலிவுட் படங்கள். அல்லது நாம் அவ்வாறு புரிந்து வைத்துள்ளோம்.

ஆனால் சமீபத்தில் டிஸ்னி ஹாட்ஸ்டாரில் HBO சேனலின் வெளியாகி உள்ள மேர் ஆஃப் ஈஸ்ட் டவுன் சீரியல் பார் என்றார் திரைப்பட தயாரிப்பாளரும் விமர்சகரும் நண்பருமான சுஜாதா அவர்கள்.

டைட்டானிக் படம் வந்த பொழுது எனக்கு மிகச்சரியாக 20 அனு அனுவாக ரசித்த கேட் வின்ஸ்லெட்டிற்கு 22 வயது.

அனு அனுவாக அந்த டிப் ஆஃப் தெ ஐஸ் பேர்க் உடையுமே அந்த அளவிற்கு எனது காதலை கொட்டி அவரை காதலித்திருக்கின்றேன்.

இப்பொழுது அவருக்கு 45 எனக்கு 43.

கேட் வின்ஸ்லெட்டிற்காக பார்க்கத்துவங்கி ப்ராட் இங்கெல்ஸ்பி எனும் எழுத்தாளனுக்காக விட்டு விடாமல் பார்க்கத்துவங்கி ஒரே நாளில் 6 எபிசோடையும் முடித்து விட்டு 7 வதை தேடினால் இன்னும் வரவில்லை என்றும் 31 தேதி தான் ரிலிஸ் என்று சொல்லி திரிசங்கு சொர்க்கத்தில் விட்டுவிட்டனர்.

இறுதியாக நேற்று அந்த சீரியலின் இறுதிப்பாகம் வெளியிட்டு முடிந்தது.

அமெரிக்கர்கள் மீதான ஒரு பெரும் பிம்பத்தை உடைத்து ஈஸ்ட்டவுன் என்பதும் பென்சில்வேனியா என்பதும் நம்ம ஊரு மதுரை திருநெல்வேலி பக்கம் இருக்கிற ஒரு சின்ன ஊர்ல நடக்கிற ஒரு இயல்பான ஒரு கதை களத்தை கொண்டு உள்ளது என்பது பிரமிக்கத்தக்கது.

டைவோர்ஸிற்காக காத்திருக்கும் கேட் வின்ஸ்லெட் தனது தாயுடனும் மகளுடனும் வசித்து வருகிறார். அவரது கணவனுக்கு மற்றொரு பெண்ணுடன் திருமணம் நிச்சயிக்கப்படுகிறது. கேட் வின்ஸ்லெட்டின் மகன் ஒரு போதை அடிமை அதனால் தற்கொலை செய்து கொள்கிறான் அவனுக்கும் அவளது மனைவிக்கும் பிறந்த குழந்தையை அதாவது கேட் வின்ஸ்லெட்டின் பேரனை ( கேட் வின்ஸ்லெட்டுக்கு பேரன் பெத்துக்குற வயசாடா சத்தியமூர்த்தின்னு மனசுக்குள்ள ஒரு பெரும் சோகமான வலி இருந்தாலும்)

தன்னுடன் வளர்த்து வருகிறார்.

உள்ளூர் போலிஸ் நிலையத்தில் ஒரு டிடெக்டிவாக பணிபுரிகிறார், அவ்வூரின் ஒரு இளைஞி காணமல் போய்விடும் கேஸில் கேட் வின்ஸ்லெட் திணருகிறார். எனவே உள்ளூரில் அவருக்கு எதிர்ப்பும் ஆதரவும் அதிகமாக இருக்கிறது.

அதே நேரத்தில் மற்றொரு பெண்ணும் கொல்லப்பட, கதை மெல்ல விருவிருப்படைகிறது.

அலுங்காமல் அலட்டாமல் வேகமான காட்சியமைப்புகள், எடிட்டிங், ஜஜ்ஜங் போன்ற இசைக்கோர்வைகள், உக்கிர வக்கிர பார்வைகள் ஏதுமின்றி பல ட்விஸ்ட்களுடன் ஆனால் எந்த ட்விஸ்டும் நம் கையையோ மூளையையோ ட்விஸ்ட் பண்ணி திணிக்காமல் வெகு இயல்பாக கதைகளம் அமைக்கப்பட்டிருக்கின்றது.

பெற்ற பிள்ளையால் துன்பத்தில் துவளும் கேட் வின்ஸ்லெட், தாய், கணவன், மகள், பேரன் என்று பெரிய குடும்பம் இருந்தாலும் ஒரு தனித்தீவாக வாழ்கிறார்.

அவரின் ஒரே தோழியாக ஜூலியன் நிகல்ஸன் லோரி ரோஸ் எனும் கேரக்டரில் வருகிறார்.

கேட் வின்ஸ்லெட்டின் தாயார் ஹெலனாக வரும் ஜான் ஸ்மார்ட் உண்மையிலே செம்ம ஸ்மார்ட்.

கதையில் ஒரு மெல்லிய சோகம் ஓடிக்கொண்டே இருக்கிறது போல இருந்தாலும், கய் பியர்ஸிற்கிற்கும் கேட் வினாலெட்டிற்குமான காதல் காட்சிகள் உயிரோட்டத்தோடு உள்ளோடுகிறது.

நடுத்தர வயது பெண்ணுக்கு உண்டாகக்கூடிய மிட் லைஃப் க்ரைஸிஸிற்கான சகல அம்சங்களுடன் கேட் வின்ஸ்லெட்டிற்கான கேரக்டெர் வடிவமைக்கப்பட்டிருந்தாலும் கேட் வின்ஸ்லெட் நம் அனைவரையும் அவருடன் ஒரு தூய பரிசுத்தமான அன்பில் இணைய வைக்கிறார். ஒரு திரைக்கதைப் பாத்திரம் ரசிகனோடு இணையும் ஒரு புள்ளி மிகவும் மேஜிக்கலான ஒரு தருணம் அதை மிகத் தெளிவாக கதையாசிரியரும் கேட் வின்ஸ்லெட்டும் பட்டுத்துணியை நெய்வது போல் நெய்திருக்கின்றார்கள்.

காணமல் போன 2 பெண்களுக்குமான கதையில் ஏற்படும் திருப்பங்களும் அதோடு கொல்லப்பட்ட மூன்றாவது பெண்ணின் கொலையாளியும் கண்டுபிடிக்கப்பட்டுவிடுவான் என்று சீட்டின் நுனியில் உட்கார வைத்து பின் ஃபீடோபில் கேஸில் ஏற்கனவே சம்பந்தப்பட்டுள்ள சர்ச் பாதிரியார், என்று மீண்டும் கொலையாளியைத் தேடத் துவங்க.......

இறுதியில் சிலிர்ப்புடன் கொலையாளியை நாம் கண்டுகொள்ளும் பொழுது......

இந்த செக்ஸ் எனும் ஒரு உணர்வுத்தூண்டல் எவ்வளவு பேருக்கு பெரும் பிரச்சனையாக இருக்கின்றது என்பது வலிக்கின்றது.

மேர் எனும் மேரியனாக வருகின்ற கேட்வின்ஸ்லெட் செய்தவை எல்லாம் சரியா தவறா அல்லது இதெல்லாம் செய்திருக்கலாமே என்று பல சம்பவங்களை நம்மை நினைக்க வைத்தது ஒரு இண்டெராக்டிவ் கதையாசிர

The digital words like data storage, cloud storage, big data, super computers ram speed etc etc needs to be emptied from our brain and it should be fresh every minute!

நமது எண்ணங்கள் நமது வாழ்வினை வடிவமைக்கும் வண்ணமயமாக்கும் வசியமாக்கும் வல்லமை நிறைந்தவை. எதிர்மறை (Negative ) நேர்மறை (Positive) இரண்டும் தவிர்க்க முடியாதவை.

#காமன் #கட்டளையும் #அரச #கட்டளையு

ஓரினச்சேர்க்கையாள நண்பர்கள் எனக்கு பல உண்டு.

தமிழ்சமூகத்தில், இவர்களை பலருக்கு அறிமுகமில்லாத காரணத்தால் நான் இவர்களை அறிமுகப்படுத்துகிறேன்......

நண்பர் 1:-

இவர் 20 வயதையொத்த அழகிய பெண்.

இவருடைய அழகு எந்த ஆணையும் திரும்பிப்பார்க்கச்செய்யும், எனவே பல ஆண் நண்பர்கள்!!!

இவருக்கு பெண் நண்பர்களும் உண்டு.

இவர் ஒரு "இரு பால் விரும்பி",

ஆனால் ஆண்களுடன் இவர் உடலுறவு கொள்வதை விட பெண்களுடன் உறவு கொள்வதையே விரும்புவார்.இவருக்கு ஒரு ஆண் காதலரும், பல பெண் பால்உறவுகொள்ளும் பல நண்பர்கள் இருக்கிறார்கள்.இவருடைய ஆண் காதலர்க்கும் இவர் இரு பாலின உறவு கொள்பவர் எனத்தெரியும்!!!

இவர் பெண்களிடம் பெண்ணைப்போலவும் ஆண்களிடமும் பெண்ணைப்போலவும் உறவு கொள்பவர்!!!!

நண்பர்2:-

இவருக்கு வயது 39 இருக்கும், பெண்!!! ஆனால் ஒரு ஆணைப்போல இருப்பவர்!! பாலியல் மாற்றம் செய்யாதவர்!!

அதாவது உடலால் இவர் இன்னும் பெண்தான் ஆனால் மனதாலும், நடையுடை பாவனையில் இவர் ஆணாக தன்னை கருதிக்கொள்பவர்!!

இவருக்கு ஒரு பெண் காதலி உண்டு. இருவரும் பல வருடங்களாக சேர்ந்து வாழ்கிறார்கள்!!

இவர் தனது பெண் காதலியிடம் தான் ஒரு ஆணாக கொண்டு உறவு கொள்பவர்!!

இவரிடம் ஒரு நாள் பேசிக்கொண்டிருக்கும்பொழுது சீரியசாகவே கேட்டேன், ஒரு ஆணாக, என்னால் செய்ய முடியாததை நீ என்ன செய்துவிட முடியும்???

அதற்க்கு அவர் சொன்ன பதில்,

சத்யா இதை சொல்லால் சொல்ல முடியாது, அனுபவிக்க வேண்டும், ஒரு ஆணால் எப்பொழுதும் பெண்ணிற்க்கு என்ன பிடிக்கும் என்பதை கண்டு பிடிக்க முடியவே முடியாது.

அவனுக்கு அவன் சுகம் அல்லது அந்த நேர காமவெளிப்பாடு, அல்லது அந்த பெண்ணின் அழகில் மயங்கி எப்படியாவது அவளுடன் பாலுறவு கொண்டு தனது ஆண் அகங்காரத்தை தீர்ப்பது அல்லது வெறுமனே பிள்ளை பெற்றுக்கொள்ள மட்டும்தான்,

ஆனால் என்னிடம் அப்படியல்ல எனது காதலிக்கு காமத்தில் உண்மையாக என்ன சுகம் என்று தெரிந்து அவளுக்கு தருவதில் அவளுக்கு முழு திருப்தி!!

உனக்கு இது புரிவது கஷ்டம் என்று சொல்லி விட்டார்!!!

நண்பர் 3:-

இவர் எனக்கு மிக நெருங்கிய மதிக்கும் 45 வயது ஆண். இரு குழந்தைகள்!!!அருமையான குடும்பம்.

ஆனால் பெண்கள் விஷ்யத்தில் மிகுந்த சல்லாபி!!!

பெண் பித்து என்று சொல்ல முடியாது ஆனால் வாய்ப்பு கிடைத்தால் விட மாட்டார், வாய்ப்புக்களையும் உருவாக்கிகொள்வார்.

இவருடன் ஒரு முறை அருகிலிருக்கும் ஒரு நாட்டிற்க்கு சென்றேன்!!!பின் இரவில் பார்ட்டிக்கு செல்வோம் என்று சொல்லி தனது நண்பரை அழைத்தார், நான் ஒரு அழகான பெண்ணை எதிர்ப்பார்த்தேன், வந்தவர் அழகானவர்தான், ஆனால் பெண்ணைப்போல இருக்கும் ஆண்,

எனக்கு கொஞ்சம் குழப்பமாகத்தானிருந்தது இருப்பினும்,

அவர்களுடன் சென்றேன். பின் பார்ட்டி முடிந்தது நண்பரும் அவரது நண்பரும் தனியே சென்று விட நான் எனது அறைக்கு திரும்விவிட்டேன்.

மறுநாள் நண்பரிடம் கேட்டேன்,

அதற்க்கு அவர் சொன்ன விசயம் கவனிக்கப்ப வேண்டியது,

"சத்யா பெண்களிடம் உறவு கொண்டு போர் அடித்துவிட்டது,

எனவே தான் இப்படி , ஒரு இரு வருடங்களுக்கு முன்னர் இவருடன் எனக்கு நட்பு ஏற்ப்பட்டது அதன் பின் எப்பொழுதெல்லாம் நான் இங்கு வருகிறேனோ அப்பொழுதெல்லாம் இப்படி, என்று....

நண்பர் 4 :-

இவர் பெண், ஆனால் இவருக்கு ஆண்களை கண்டால் நட்பு மட்டும்தான் ஆனால் பெண்களை கண்டவுடன் காதல் பிறந்துவிடும், பாலியல் ரீதியான உறவை விட பெண்களுடனான காதல் மட்டுமே பிரதானம்.ஒரு ஆண் பெண்களை கண்டவுடன் எப்படி கிளர்ச்சியடைவானோ அதேபோல காதலாலும் காமத்தாலும் கிளர்ச்சியடைபவர்!!!

இவர்கள் அனைவரும் ஒவ்வொரு விதம்!! ஒவ்வொரு பாலியல் விருப்பம், ஆனால் இவர்கள் அனைவரிடமும் இருக்கும் ஒற்றுமை

இவர்களில் ஒருவர் கூட தமக்கு பிடிக்காத அல்லது தம்மை பிடிக்காத மற்றொரு பாலினத்திடம் உறவோ, தகாத செயலோ செய்தது கிடையாது,

மற்றொரு ஒற்றுமை, இவர்களுடன் செல்லும் நம்மை மிக பாதுகாப்பாக வைத்திருப்பது!!!

தனது பாலியல் வக்கிரங்களுக்காகவோ அல்லது பாலியல் உறவுக்காக எவரையும் வன்புணர்வு செய்வதில்லை, அவரவர்க்கான நியாயம் அவரவர்களுக்கு......

“இயற்க்கைக்கு மாறான” என்ற ஒற்றைச்சொல்லுக்குள் இவர்களுடைய விருப்பங்களை தகாத உறவென்று சொல்லுவதும் அதற்க்கு தண்டனை வழங்குவதும் காட்டுமிராண்டி செயலன்றி வேரென்ன???

#இன்றைய #மானுட #சமூகம் #இயற்கைக்கு #எதிராகத்தான் #வீறு #கொண்டு #நிற்கிறது, #அவற்றை #தண்டிப்பது #யார்???

ஒரு சக மனிதரின் விருப்பத்திற்கெதிராக வன்புணர்வு செய்பவர்கள் மாட்டிக்கொண்டால்தான் தண்டனை ஆனால் இவர்கள் ஒத்த விருப்பத்துடன், சுய பிரஞ்கையுடன் பூரண சம்மதத்துடன் செய்தாலும் ஒரே பாலுணர்வு என்று சட்டம் தடுப்பது எங்ஙனம்???

இந்திய சட்டத்தின் படி பார்த்தால், ஒரு கணவனும் மனைவியும் அல்லது விருப்பத்துடன் இரு பாலர் செய்யும் வாய் புணர்தல் ஆசன வாய் புணர்

பள்ளிச்சிறுவர் சிறுமியர் மீது பாலியல் வன்முறை நிகழ்வதற்கு யார் காரணம்