د صحت نړیواله اداره (ډبلیو اېچ او) هر کال د اګست لومړۍ اوونۍ ماشومانو ته د مور شېدو ورکولو د اهميت په ډاګه کولو په موخه لمانځي. دې ادارې د ۲۰۲۳م کال په خپل کمپاين کې دا پوښتنه پورته کړې چې يوه کار کوونکې مور څنګه وکولای شي چې خپل ماشوم ته پر وخت شودې يا پۍ ورکړي؟

اورېدونکیو په شمالي وزیرستان کې د ضرب عضب په نوم د پوځي عملیاتو نهه کاله پوره شول. د دې اوونۍ په تاندې هیلې پروګرام کې د پوځي عملیاتو له وجې پر بې کورۍ او د ښځو پر ژوند په اثراتو تاسو ته معلومات درکوو.

تېره میاشت د بلوچستان په کلا سیف الله کې د ښځو د سیاسي، کلتوري او ادبي غورځنګ "واک "له اړخه یوه تېره میاشت د بلوچستان په کلا سیف الله کې د ښځو د سیاسي، کلتوري او ادبي غورځنګ "واک " له اړخه یوه غونډه جوړه شوې وه چې پکې د سیمې نجونو پر خپلو مسلو خبرې او بحثونه وکړل. دا په سیف الله کلا کې د واک غورځنګ لومړۍ غونډه وه. په دې پروګرام کې د دغه غوڼدې په اړه تاسو ته معلومات درکوو. د پروګرام جوړونکې فرخنده اسد ده..

دا اوونۍ په مشال راډیويي مجله کې د مساپرو شاعرانو خبرې او شعرونه اورېدلی شئ. دا هغه شاعران دي چې د «پاک پښتو ادبي کاروان» غړي دي. دا تنظیم په دوحه قطر کې له تېرو شلو کالو نه ادبي فعالیتونه کوي.

د دې اوونۍ تاندې هیلې خپرونه مو د ښځو نړیوالې ورځې ته ځانګړې کړې ده. په دې خپرونه کې په پاکستان او په ځانګړي ډول په پښتنو سیمو کې د ښځو پر وضعیت غږېدلي یو. په خپرونه کې د ښځو او نجونو پر مسلو او د حللارو په اړه بحث شوی دی. خپرونه د غږ په ځای کې واورئ.

دا اوونۍ په مشال راډیويي مجله کې له پېښوره د مېرمنو ادیبانو او شاعرانو د یوې مجلې ګلورین له مسوول افتاب ګلبڼ سره غږېدلي یو. دا مجله په جرمني کې مېشته لیکواله فهمیده کمال خپروي. په دې سربېره له ودان اتمانخېل سره د حجرو د بنډارونو پر اهمیت خبرې شوي. په خپرونه کې د ودان له سندرې او شاعرۍ هم خوند اخیستلی شئ.

دا ټپه خان عبدالغفار خان چې پر باچا خان مشهور دی، په خپل کتاب «زما ژوند او جدو جهد» کې د ښځو په کردار لیکلې ده. دا ټپه باچا خان بابا په چارسده کې یوې ولسي غونډې ته په وینا کې ویلې وه چې پکې ښځې هم ناستې وې.

قدرت الله درمان د افغانستان د خوست سیمې خوږ ژبی شاعر دی. نوموړی پر افغانستان د طالبانو تر واکمنېدو وروسته د هېواد پرېښودو ته اړ شو او اوسمهال په امریکا کې ژوند کوي. موږ په مشال راډیويي مجله کې له نوموړي سره غږېدلي یو. خپرونه د غږ په ځای کې واورئ.

ټپه د پښتو ادب یو ځانګړی صنف دی چې په اړه یې داسې هم ویل کیږي چې د پښتنو میرمنو له خولې وتلې ده او پکې یې د دوی د زړه حال بیان شوی دې.

د نن په تاندې هیلې پروګرام کې پر پښتو ټپه او د پښتنې میرمنې سره د دې په تړاو تاسو ته مالومات درکوو.

په خیبر پښتونخوا او بلوچستان کې د بشري حقونو فعالانې وایي باید په افغانستان کې د طالبانو مشران خپله هغه فیصله واپس واخلي چې پکې پر نجونو پوهنتونونو ته پر تګ او د هغوی پر کار بندیزونه لګول شوې دي. په دې اړه نن د فرخنده اسد په کوربه توب په تاندې هيلې اوونيزه خپرونه کې بحث شوی دی.