Dastan -e- zindagi

By Ashok Sawhny 'Sahil'

Ashok Sawhny is a keen observer of life. He has a number of published works in English, Hindi and Urdu and in this podcast he narrates his poetry on various observations and thoughts in Urdu.... more

· Arts

Download on the App Store

Download on the App Store

Get it on Google Play

FAQs about Dastan -e- zindagi:

How many episodes does Dastan -e- zindagi have?

The podcast currently has 530 episodes available.

Dastan -e- zindagi episodes:

May 24, 2024 Waqt ki baat
Waqt ki baat na kijiye woh taghayyur pazeer hai
Ghurbat mein jo khush rahey sab se woh ameer hai
Jo dooba ho khayalon mein musavvir jaaniye
Tassavvur mein hi behtar sab se aala tasweer hai
Waasta husn ka rangon se, rang saaz bhi na jaane
Rang dhanak ka kaunsa kisey jaaney dil pazeer hai
Dil mein jis ke chhayi ho kiran kul udaasi ki
Wohi jaane mahnoor kya aur kitni woh muneer hai
‘Sahil’, takta hai falak ko tu phir haath ki lakiron ko
Kya dil mein hai gumaan tere ya taabeer-e-taqdeer hai
Website : www.ashoksawhny.com
Youtube https://www.youtube.com/c/ashoksawhnysahil
Instagram: https://www.instagram.com/ashoksawhnysahil/
Facebook : https://www.facebook.com/ashoksawhnypoet
Spotify: Ashok Sawhny Poetry of Life ( English)
https://open.spotify.com/show/1ZtQWYG5RUVHrLGQ5IyvZV
Ashok Sawhny, Dastan -e- Zindagi ( Urdu )
https://open.spotify.com/show/3BoBLzORJi4KqOI2F3IFhi
...more
3min
May 24, 2024 Title - Nafrat By @AshokSawhnySahil. #ashoksawhnysahil #urdupoetry #shayari

Nafrat na jaane pyaar kya hota hai
Khalwat na jaane intizaar kya hota hai

Tamashe ka hota hai deedaar agar
To jaano kisi koi bhoot sawaar hota hai
Dua karna na bhoolna yaro kabhi
Bhale manzoor ya inkaar hota hai
Baahar ke hangaamon ko drama maaniye
Asl shor o ghul to pas e deewaar hota hai
Dil dhadakta hai woh bin jazbaat koi
Zehn hi batlaye iztiraar kya hota hai
Tabassum kya jaane dil e muztar kya hai
‘Sahil’ na jaane, us paar kya hota hai
...more
2min
May 20, 2024 Mataa-e-Shauq - Ashok Sawhny Sahil
Title - Mataa-e-Shauq
By @AshokSawhnySahil.
#ashoksawhnysahil #urdupoetry #shayari

Mataa-e-shauq kum ho bhi jaaye, mit ta nahin kabhi
Hasraton ka dher dilon mein, marta nahin kabhi
Ravaani kaisi darya ki woh to sookhti rukti hai
Kabhi zinda dil ko dekhiye jo rukta nahin kabhi
Pathhar bhi pighalte hain insanon ki baat kya
Kis ne kaha sang dil koi to rota nahin kabhi
Dabaane mitaane ki koshishen hoti hain zurur
Shukr hai ke zameer mazeed sota nahin kabhi
‘Sahil’, humsafar hai khuda har zindagi ka jab
Momin phir kisi se bhi darta nahin kabhi
...more
2min
May 20, 2024 Ai Bulbul- Ashok Sawhny Sahil
Title - Ai Bulbul
By @AshokSawhnySahil.
#ashoksawhnysahil #urdupoetry #shayari

Ai bulbul udaas hai aaj dil mera
Naghma na sahi tu gungunaade
Khaaron ki baaten qisse gulon ke
Chaman ke raaz tu mujhe suna de
Zabardast hai shauq qaafilon ka mujhe
Kaun aya kaun gaya yehi bata de
Tu hansti to hogi muskuraati bhi
Tabassum phir aaj hamen dikhla de
Naseem na saba kya chalti nahin hain
Tu dhund kar unhen hum se mila de
Roney se ‘sahil’ to kul aansu miley
Yeh baat dil apne ko tu bhi samjha de
Website : www.ashoksawhny.com
Youtube https://www.youtube.com/c/ashoksawhnysahil
Instagram: https://www.instagram.com/ashoksawhnysahil/
Facebook : https://www.facebook.com/ashoksawhnypoet
Spotify: Ashok Sawhny Poetry of Life ( English)
https://open.spotify.com/show/1ZtQWYG5RUVHrLGQ5IyvZV
Ashok Sawhny, Dastan -e- Zindagi ( Urdu )
https://open.spotify.com/show/3BoBLzORJi4KqOI2F3IFhi
...more
2min
April 29, 2024 Mauseeqi
Mauseeqi

Us raah ka hamen pata batao naam jis ka hai mauseeqi
Aur jis per us se baaten hon, phir hon woh sab haqeeqi
Naghme sab ke apne apne, saaz bhi sab ke apne
Deewaani hai yeh dunya lekin, saahir hai mauseeqi
Dil ki dhadkan taal mein ho be haal na ho kabhi
Hum bhi us pe gunguaayen banen phir us pe raahi
Milen phir us per humsafar aur humnava kamaal
Soney pe suhaga ho gar naam sabhi ka ho shireeni
Subh shaam ke sab raag mukhtalif intekhab hai suhana
Mauseeqi jaanti hai woh khub, door karna taareeki
‘Sahil’, zahn na jaane dil ki baaten raaste woh alag
Dil hi jaanta hai deewaana mauseeqi ki baareeki
Website : www.ashoksawhny.com
Youtube https://www.youtube.com/c/ashoksawhnysahil
Instagram: https://www.instagram.com/ashoksawhnysahil/
Facebook : https://www.facebook.com/ashoksawhnypoet
Spotify: Ashok Sawhny Poetry of Life ( English)
https://open.spotify.com/show/1ZtQWYG5RUVHrLGQ5IyvZV
Ashok Sawhny, Dastan -e- Zindagi ( Urdu )
https://open.spotify.com/show/3BoBLzORJi4KqOI2F3IFhi
...more
3min
April 29, 2024 Khud se Guftugu / Dard-e-dil ka Darman
Mukhtalif rang hote hain shajar par yaro
Nazar kyun hai tumhari mere hi dilbar par
Gar khud se guftugu mein na aaye lutf tumhen
Phir kya karo ge jaakar yaron ke ghar par
Inkisari bunyaad hai jab sukun ki dosto
Naqash-e-pa na banao zar ki dagar par
Nigehen sath na den alfaaz ke agar
Rakhiye aitmaad, phir sirf nazar par
Aadi hain log dekhiye khoshamad ke kaise
Jata raha yaqeen bhi, Insaan-e-ahqar par
Shab par munhasir hai aftaab ka ghuroob hona
Khurshid bhi bhatakta hai, ik umeed sehar par
Chehron par nahin, naqaab dilon par hai
Jaan haazir hai jaanan, tere liye
Kyun kere aitbaar koi majazi paiker par
Mazeed aafat na dha, tu sokhta jigar par
Fitna bohat hai haal ki duniya mein, ‘Sahil’
Inhisaar rakh too qalam par, na ke nishtar par
Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that, The author is always open to proposals and can be contacted via www.ashoksawhny.com
...more
2min
April 10, 2024 Aarzoo | Written By Ashok Sawhny "Sahil" | Recited By Mehran Shah | Part 40
Nigah ko nazara ki hai tamanna, dil ko sauda hai justuju ka’’
‘Sahil’, hum to karte hain intezaar, rukhsat-e-aarzoo ka
Gungunahti andaleeb, jagati Khuftah gulsitan ko
Leta hai khamosh dil, lutf zulmat se guftagu ka
Dhundhta hai kis ko insaan, shab o roz sheesha mein tu
Koi to samjhaye mujhe, mafhoom aaina se ru ba ru ka
Ghuroob hua hai aftaab, ayaan hone ko hai sehar
Ja chuke hain rind saqi, ab kya kere ga mai o subu ka
Pursish kaisi maa se nadaan, khair o aafiyat aulaad ki
Betaye ga kya koi baghbaan, gulon ke rang o bo ka
Haawi kitna hai junoon Maula, bashar par tere, dekh
Nahin hai lehaaz tera, aur na hi aabroo ka
Bacha kar rakho daaman yaro, chaak daaman zaalim bohat
Umar lage gi sitay sitay, bharosa kya phir rafu ka
Momin hai tu jante hain hum padhte hain kalaam tera
Tu hi bata, ai ‘Sahil’ hamein, jaadu lafz hُo ka
Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,The author is always open to proposals and can be contacted via www.ashoksawhny.com

...more
2min
April 10, 2024 Mehfil Se Uth Ke | Poetry By Ashok Sawhny Sahil | Urdu Shayari
Mehfil se uth ke aaye ho na jaane kis liye
Na milne ke bahaney tum bataney ke liye
Mushkilon se main ne sambhala hai khud ko jaanaan
Kyon aaye ho num chashm le kar tum rulaane ke liye
Chund lamhon ki zeest hai saans agle ki baat kya
Ulfat jazba aarizi hai kya yeh jataane ke liye
Aasmaan nahin zamin pe hun humsafar meri hai khaak
Phir uth te hain kyon log mujhe giraane ke liye
Chaman men aaj raunaq na thi sog bulbul ka tha
Aaye ho tum ‘sahil’ aaj kyon rukh dikhlaane ke liye
Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,The author is always open to proposals and can be contacted via www.ashoksawhny.com

...more
2min
April 10, 2024 Tu ne jab | Poetry By Ashok Sawhny Sahil | Urdu Shayari
Tu ne jab ai aftaab sham’a e mehfil ko bujhaya
Tab main ne dil jala kar apna mehfil ko sajaya
Zamaane ki to fitrat hai hona tah o baala
Haathon ko mal mal kar main ne mustaqbil ko banaya
Sunta hun main khutbe vaaiz waqt ba waqt magar
Samajh to wohi aaya khud jo dil ko samjhaya
Taraasha main ne pathhar ko gulon se baaraha
Phir sang dil ko badi muskhil se narm dil banaya
Jaanta hai reton ko woh tufaanon ko bhi sahil
Gham apne pi kar main ne ‘sahil’ ko hansaya
Website : www.ashoksawhny.com
Youtube https://www.youtube.com/c/ashoksawhnysahil
Instagram: https://www.instagram.com/ashoksawhnysahil/
Facebook : https://www.facebook.com/ashoksawhnypoet
Spotify: Ashok Sawhny Poetry of Life ( English)
https://open.spotify.com/show/1ZtQWYG5RUVHrLGQ5IyvZV
Ashok Sawhny, Dastan -e- Zindagi ( Urdu )
https://open.spotify.com/show/3BoBLzORJi4KqOI2F3IFhi
Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,The author is always open to proposals and can be contacted
via www.ashoksawhny.com

...more
2min
April 09, 2024 Zindagi se Guftagu
Title -Zindagi Se Guftagu
By @AshokSawhnySahil.
#ashoksawhnysahil #englishpoetry #poetry

Zindagi se Guftagu
Kis ki tu makhluq hai
Fana kyon hai tere saath
Gar akeli hoti tu , ai zeest
To hoti kuch aur yeh baat
La mahdood hoti tu
Khauf se door main
Na tujh per baar mera
Na hota majboor main
Khul ke jeete tujhe hum
Jeena phir bhar poor hota
Tujhe ajal ka dar nahin
Mere dil men noor hota
Masla ek hi hai is men
Khuda se phir milte kaise
Chaak daaman, gunah hamare
Silte kaise, maaf hotey kaise
Muamma yehi, paheli yehi
Zameen per thikaana nahin
Jannat kisi ne dekhi nahin
Na milne ka bahana nahin
'Sahil', padh kar gustaakh kalaam tera
Kahin naraaz na ho khuda tujh se
Momin hun main pukhtah yaro
Kyon hoga maula khafa mujh se
Note:
All material in this product is the intellectual property
of Ashok Sawhny and cannot be used in any way without the written permission of the author Ashok Sawhny. Having said that,The author is always open to proposals and can be contacted via www.ashoksawhny.com

...more
3min

FAQs about Dastan -e- zindagi:

How many episodes does Dastan -e- zindagi have?

The podcast currently has 530 episodes available.