Kal na huay to kya hua  

Kahin jashn kahin janaza hua

Daastaan hai yeh zindagi ki ‘Sahil’   

Kahin fana aur kahin koi paida hua.                                                   

Umeed sajaye baitha hunbahaar ke aane ki

Per bad dua nahin deta hunmain khazan ko jaane ki,

Maqaam to sab ka muqarrar hain'sahil'

Aur qataar baandhe baithe hain sab aane jaane ki

Note: All material in this product is the intellectual property of  Ashok Sawhny and  cannot be used in any way without the written permission of the author Ashok Sawhny. Having said that, the author is always open to proposals and can be contacted via www.ashoksawhny.com

Gham e dil ki zubaan hai chashm e num ki sada,

Kaho alfaaz ki zururat hai ranj o alam ko kya

Vajh kya thi kya hai in zakhmon ki kaho

In baaton se waasta hai marham ko kya

Jeena to khel hai sirf anfaas ka, yaro

Tumhaare aur mere hai dum ko kya

Kal subh ki dekhi hai kiran aaj kis ne

Vaaiz, is baat ka ta'aluq hai hum se kya

Tu momin hai ‘sahil’ imaan tera pukhtah

Kisi aur ke tujhe hai vaham se kya

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Gir rahi hai aasmaan se sang o khisht ki baarish kyon

Gumrahi ki raah hai naaseh yeh sawaal jawaab ka muamla

Rukey hotey gar mah o anjum aur ruka hota gar aaftaab

Eejaad nahin hai teri jab phir kaaenaat hai yeh kis ki

La mahdood hai kuchh nahin faani hai jahan yeh sab Dil

permission of the author Ashok Sawhny. Having said that, The author is always open to proposals and can be contacted

via www.ashoksawhny.com

Lut gaya chamam mera to mujh men kya kamaal tha

Hisaab musht e khaak se yeh bhi kya sawaal tha

Kya kho gaya, kya lut gaya, fehrist apni tu dikha

Kuchh nahin se pursish kaisi, yeh bhi kya wabaal tha

Nasheb o faraaz dekh kar zeest bani humraah meri

 Samhja zeest ko jab main ne phir na kabhi be haal tha

Ajnabi o anjaan tha, khush qismat main insan tha

Takabber mujh men tha nahin khuzu ka isteqbaal tha

Faani zeest ke marte dum tak azal ka ehtimaal tha

‘Sahil’, yeh bhi kaisa zabardast kamaal ka khayal tha

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Bas, chaandni raat mujhe sulaane aa jaaye

Aur, kiran subh ki mujhe jagaane aa jaye

Yaro, roz na sahi kabhi kabhi hi sahi

Chaman men bulbul gungunane aa jaaye

Rooth jaata hun main khud se kabhi

Ab mujhe bhi to koi manaane aa jaaye

Hain khutbe tere meri samajh se baahar

Vaaiz, aasaan si baaten koi sikhaane aa jaaye

Tere armaanon ki fehrist be hisaab hai, ‘sahil’

Kya tujhe bhi koi ab samjhaane aa jaaye

Note : All material in this product is the intellectual property of  Ashok Sawhny and  cannot be used in any way without the written

permission of the author Ashok Sawhny. Having said that, The author is always open to proposals and can be contacted

via www.ashoksawhny.com

Yaad khuda ko to bas nida karey hai

Dil ki dhadkan bhi wohi sada karey hai

Jis kaahish ne kiya hai tumhen fida

Wohi ik roz phir tabaah karey hai

Basi ho jaan apni jab dil men kisi ke

Usey phir koi na alheda karey hai

Us raah per na chalna tum kabhi, dosto

Jo maula ki raah se juda karey hai

Rehta hai raushan kor chashm ka dil, per

Kaam sham’a ka to nurul huda karey hai

Sayi, farz hai sab ka shak is men kya

Lekin, faisley to sab khuda karey hai

Khuda se sauda to ‘sahil’ karey hai

Aisa sauda to phir sauda karey hai

permission of the author Ashok Sawhny. Having said that, The author is always open to proposals and can be contacted

via www.ashoksawhny.com

Nur na ho baatin men to sham’a kya jalaoge

Pur soz na ho dil to phir gham kya khaoge

Aayene  ke mukhatib ho chehre se na khush

To kor chashm ko naseh tum raah kya dikhlaoge

Gar hasraton men apni be qadar ho ghurub

To kisi aur ki aarzu ko murad bar kya laoge

Na mila sako tum nazren zamin per gar kisi se

Dasstaan tum apni phir sar e baam kya sunaoge

Vaaiz, zahn men aaj sab ke barhainagi hai aisi

Libaas sharm o haya ki tum kisey  kya pehnaoge

Haasil na hua kuch bhi dil e muztar ko kabhi, 'sahil'

Gar imaan na ho pukhtah to aaraam kya paoge

permission of the author Ashok Sawhny. Having said that, The author is always open to proposals and can be contacted

via www.ashoksawhny.com

Dil Paak ho Jiska

Sabr ho tahammul ki rihaaish aaj sitaaron mein hain

Rang gulshan ka dekho chand angaaron mein hain

Husn sitaaron mein nahi ab nazaaron mein hai

luft khazaan na ke bahaaron mein hai

Hua karti thi raunaq nashemann  mein kabhi

Aaj jalwa bhi dekho deewaron mein hai

Usey rind na kehna dil jis ka ho paak

Pakizaagi bhi dosto ab maikhanwaron mein hai

Jaandaar they  log kisi zamaane mein bahut

 Aaj jaan to zyeda beemaron mein hai

Bikhra kaisa hai 'Sahil" aaj ka yeh insaan

Sukun dil mein nahin raahguzaaron mein hai

Instagram -www.instagram.com/ashoksawhnysahil/ Youtube -https://www.youtube.com/@UCsWpH3kpTKXE1wLJRpvvBHw Facebook -https://www.facebook.com/ashok.sawhny.39/

Gaam apne phoonk phoonk kar rakhte hain

Aur sitaaron ko umeedon se jo takte hain

Zamin per hamesha hon qadam  jin ke qaaim

Woh manjhdaar se ‘sahil’ to  zurur pahunchte hain.

Note: All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com