Jhukte hain shajar bhi saare samar ke woh vazn se

Shukr kar Rab ka 'sahil' aur tu bhi ab aaraam kar

Koshish kar le tu jo chaahe, tujh se jo ho sakey

Anjaam saare ai insan, Rab ke tu naam kar

Maikhane aur mai ko tu sumundur ke supurd kar

Ek ek kar ke mai e naab ke khaali tu sab jaam kar.

Nek iradon ka maalik ban paak tera libaas ho

Karna hai jo kar le ab magar sar e aam kar

Naseem ke jhonkon men ai ‘sahil’ doob ja ab khwabon men

Waqt e ikhtetaam hai hayaat ko tu salaam kar

Note: All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Bhooley hain jo hamen khudaya shaadmaan rahen

Raushan un ke sab aasmaan rahen

Bita lenge yaadon men hum zindagi

‘Sahil’ umeedon ki nadiyaan unki ravaan rahen

Note: All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Aayene mein hon daraaren to  chehra nahin badalta

Malaah ho khuda to safina nahin doobta

Har subh ki hoti hai shaam aur shab ki saver

Pukhtah ho imaan ‘sahil’ to dil nahin bikharta

NOTE :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Kabhi duaon se puchho inkaar kya hota hai

Shajar batlaaye samar ka bhaar kya hota hai

Lamhe lamhe ki baat hai khel nafas ka ‘sahil’

Phir zindagi kya batlaye aitbaar kya hota hai

Shajar. Tree. Ped

Samar. Phal. Fruit

Nafas. Saans

Dekha hai dunya ne khoob shaan o shaukat men mujhe

Bhaley dekhe ab koi libaas e ghurbat men mujhe

Sahara zeb o zeenat se kisey mila mustaqil kabhi

Mila hai aaraam bahot asl o haqeeqat men mujhe

Khwaab ya saraab hai yeh to jaane maula yaro

Mili to taskeen be misaal mushaqat men mujhe

Maanind e dervesh mast hun raqs us ka la jawaab

Sukoon be inteha mila Rab ki ibadat men mujhe

Waqt e ikhtetaam na dast e ajal se khauf mujhe

Humsafar hai falsafa waqt e fursat men mujhe

Zaamin kaun hai khuld ka ghar doosra bhi to hai

Kya karna hai ab ja kar ‘sahil’ kisi jannat men mujhe

Libaas e ghurbat. Beggar’s clothes

Zeb o zeenat. Glory beauty

Mustaqil. Permanent. Stable

Raqs. Dance

Waqt e ikhtetaam. The end

Dast e ajal. The hand of demise

Falsafa. Philosophy

Zaamin. Guarantor

Note : All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, The author is always open to proposals and can be contacted

via www.ashoksawhny.com

Mizaaj chaman ka barham hai kyon gul nahin aaj khiley hain

Sahra men nishan e kauser kaho kab kisey miley hain

Aaram e sahil to naseeb men sab ki nahin likha kabhi

Sayi rafu ki hoti hai per daaman to sab nahin siley hain

Aisa nahin behr koi jo paar hum na kar saken

Rishton men phir mazeed kyon aaj itne faasley hain

Dhulte nahin hain daagh koi barsaaton se kabhi

Aur bujhey angaarey, dosto mere, kab kahin jaltey hain

Kabhi kehte they mehmanon se sada e dil se hum

Aaya karo milne tum yaro dar to hamesha khuley hain

Hua hai kya tehzeeb ko aaj tu hi bata, naaseh, hamen

Shaaistagi ko kyon log aaj be parwa se bhuley hain

Falak sab ka ek hai yeh to maana hum ne, vaaiz

Per kyon nahin phir aasmaan barabar sab ke neeley hain

Zamana, qaabil e ilzaam hai, malamat phir mat kijiye

Fitratan insan sab achhey, nek aur woh bhaley hain

Buzdili to haar hai 'sahil' kabhi tu bhi to socha kar

Huzoor, hum ne to qismat ke bhi iraadey badle hain

Note: All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, The author is always open to proposals and can be contacted

via www.ashoksawhny.com

Ba juz hast o bood ke to kuch kaam ka nahin

Lafz e mustaqbil to kabhi araam ka nahin

Khala men khaalipan ke siwa aur kya hai, kaho

Kal subh ka aaftaab to aaj kisi kaam ka nahin

Mai na ho khumgah men to saqi se pucchiye

Na bujhe gar tishnagi to qusur jaam ka nahin

Karey jo haasil zindagi ka kul surur, naaseh

Wohi samjhe nasha to kaam gulfaam ka nahin

Jannat ko dhundne nikle ho Shaikh ji tum aaj

Khuld ki talaash to kaam waqt e ikhtetaam ka nahin

Sailaab, tufaan, aaye talatum, aaye jo bhi ‘sahil’

Chalte chal tu rah e khuda per fikr anjaam ka nahin

Ba juz. Except. Siwa

Hast o bood. What is, what was

Khala. Atmosphere. Spaces

Mai. Sharaab

Khumgah. Maikhana

Tishnagi. Pyaas

Jaam. Pyala

Surur ecstasy

Gulfaam. Wine

Waqt e ikhtetaam. The end

Sailaab. Flood

Talatum. Storm

Note :All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Kaun jaane kaun kis ka ghulam hai

Shayad sawaal hi haraam hai

Saqi se puchh kar dekhiye

Kya rind ya ke jaam hai

Pasandeeda hai to kisey kya

Mai e naab ya gulfaam hai

Tulu e aftaab hota hai roz

Subh ka woh paighaam hai

Daryaaft kijiye shab se bhi

Hayaat ki kaunsi shaam hai

Yaro, sukun hai kis ka pairahan

Kya dil ke jis ko aaraam hai

Be naam ya gum naam behtar

Naam wala to bad naam hai

Yeh sawaal jawaab ka silsila

'Sahil', fuzul ka tera yeh kaam hai

Note: All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Jawaab faqiron ka to la jawaab hota hai

Unke liye jeena to be hisaab hota hai

Ameer woh na sahi aurang be shak ho khaak ki

Dil men basta ho Rab to woh zaryaab hota hai

Baitha ho jo sahil per liye huay sukun

Sumundur phir na gehra na payaab hota hai

Auron ki izzat kijiye per khud ko na bhooliye

Khud daar insan to maanind e seemaab hota hai

Sambhaale jo khayal usey naaseh maaniye

Bakharey jo dil ko woh to azaab hota hai

Be daagh ho mahabat to salamat rahey woh

Daaman pe lagey daaghon ka hisaab hota hai

'Sahil', firasat ki zururat har ja to nahin padti

Harf e rindaana khumgaah men baaryaab hota hai

Note: All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, the author is always open to proposals and can be contacted

via www.ashoksawhny.com

Dil ne mohlat na dee

Hangaamon ne fursat na dee

Hum kya karte ‘sahil’ bata

Jab saanson ne aur ijazat na dee

Pa ba jaulaan nahin hai hayaat

Per muqarrar hain sab din o raat,

Maana ke na samajhni mushkil nahin

Lekin, pecheedah zurur hai yeh baat

Aazaadi bina paabandi nahin hoti

Zulmat na ho to tabindagi nahin hoti,

Khuftah ho zameer to sochiye zara

Nadamat o sharmindagi nahin hoti

Falsafa , falsafa nahin haqeeqat bayaani hoti hai

Zindagi to har insan ki apni kahani hoti hai,

Dastaan goi samjhiye, ravaan manind e darya

Magar dil ki dhadkan to zurur la saani hoti hai

Ruk jaaye to band kitaab hai

Bin unwaan bin hisaab hai,

Baargah e maula to haazir hona hai

Phir, na kuchh gehra na hi payaab hai

Lamhon ka khel mukhtasar kya taweel

Kaasa ba dast koi, koi hai jaleel,

Riza khuda ki maan le ‘sahil’

Kisi kaam na saboot na hai koi daleel

Bas, jeene ka hi naam hayaat hai

Shirin zubaan hi saughaat hai,

Nasheb o faraaz e zeest to

Qismat, ittefaaq ki baat hai,

Subh o shaam

Din o raat ki mulaqaat hai,

Mohre hain sab

Zindagi bazeecha e bisaat hai,

Haq ki baaten hoti hain bahot

Woh to bas khuda ki zaat hai

Kuchh dastaras men hai to wohi hai

Humsafar hai Rab yeh sahi hai,

Afsos, samajh men aati hai yeh baat ‘sahil’

Jab, waqt e ikhtetaam ho sach bhi yehi hai

Pa ba jaulaan. Zanjeeron men

Pecheedah. Complex

Tabindagi. Raushan

Taweel. Lamba

Unwaan. Title

Baargaah e maula. Rab ke aagey

Daleel argument. Evidence

Saughaat. Gift

Nasheb o faraaz. Viscissitudes of life

Baazeecha e bisat. Game of chess

Dastaras. Within reach

Waqt e ikhtetaam. The end

Note: All material in this product is the intellectual property of Ashok Sawhny and cannot be used in any way without the written

permission of the author Ashok Sawhny. Having said that, The author is always open to proposals and can be contacted

via www.ashoksawhny.com