दरवर्षी जवळजवळ 80 लाखांपेक्षा जास्त लोक स्मोकिंगचे बळी ठरतात. यातले साधारण 70 लाख लोक प्रत्यक्ष तंबाखूच्या सेवनामुळे मरण पावतात, तर सुमारे 12 लाख लोक आजूबाजूला धूम्रपानाच्या धुरामुळे जीव गमावतात, असं UNची आकडेवारी सांगते.

पण तरीही आज जगभरात कित्येक लोक स्मोक करतात. आपल्याकडे सिनेमात कुणीही पडद्यावर धूर काढताना दिसलं की लगेच कोपऱ्यात इशारा येतो... smoking is injurious to health. पण तरीसुद्धा जगभरात जवळजवळ एक अब्ज लोक धूम्रपान करतातच. असं का?

आज गोष्ट दुनियेची ऐकताना आपण याच प्रश्नाचं उत्तर शोधणारोत, की आपण धूम्रपान खरंच का करतो? आणि सिगरेट सोडणं खरंच अवघड आहे का? या प्रश्नांची उत्तरं मिळवायला आपण चर्चा करणारोत, चार तज्ज्ञांबरोबर.

मूळ निर्मिती: द इन्क्वायरी, बीबीसी न्यूज