O Espazo Xove de Tui acollerá este venres, 24 de abril, de 17 a 20 h un obradoiro de Prevención do Ciberacoso. Combinará parte teórica e práctica, e rematará cun xogo e un torneo.

Así nolo contou Vicente Fernández do Espazo Xove. Tamén lembrou que até o 29 de abril se poden solicitar as prazas para os Campamentos de Verán da Xunta de Galicia dirixidos a nenos e nenas con idades entre os 9 e os 17 anos residentes en Galicia. Amais deu os detalles dun curso de Monitor de Tempo Libre que vai ter lugar no Porriño.

Esta información pode ampliarse no Espazo Xove de Tui, na rúa Sanz, e nas súas redes sociais.

A apertura do prazo de solicitude das Becas MEC, obradoiro sobre ciberacoso, ligas de futbolín e billar, curso de monitor de deportes náuticos e o programa DiscoverEU son as actividades que hoxe coñecemos no Espazo Xove, con Vicente Fernández.

Hoxe recuperamos a nosa sección dedicada ao Espazo Xove de Tui. Facémolo con Vicente Fernández, quen deu detalles sobre as actividades que realizarán no mes de abril e sobre as xestións que se poden realizar neste espazo da rúa Sanz.

Un escape room no xardín do Espazo Xove de Tui, o obradoiro "Falando de sexualidade", os campamentos de verán para persoas con discapacidade e o programa Campas360 son as actividades que hoxe repasamos con Mariela Paz, directora do Espazo Xove.

O Espazo Xove de Tui acollerá o xoves 24 de abril de 17 a 19 h o scape room "Exploradores do espazo" para mocidade de 14 a 18 anos. A próxima semana abrirán a inscrición coma hoxe explicaba Mariela Paz, directora do Espazo Xove.

Tamén deu conta das bolsas de estudo convocadas polo Ministerio de Educación, que se poden solicitar até o 14 de maio, e do VII Programa Xuventude Mentoring da Xunta que ten o prazo aberto até o 25 de abril.

O próximo luns, 24 de marzo, inaugúrase a exposición “Máscaras” de Pablo Pereira, o Espazo Xove de Tui. Na mesma presenta unha serie de ilustracións realizadas en formato dixital, inspiradas na cultura asiática mesturadas coas tendencias actuais.

Así nolo explicou Mariela Paz, directora do Espazo Xove de Tui. Tamén lembrou que este venres remata o prazo de solicitude de praza para os Campamentos da Lanzada.

O Espazo Xove de Tui continúa coa actividade da CAI, que se mantén ate o 20 de xuño e que se celebra os venres de 17.00 a 18.30 horas para a mocidade de 12 a 20 anos.

A directora do espazo, Mónica Bugarín, deu conta desta actividade e da apertura do prazo de inscrición para as probas de acceso a ciclos, que comeza o 24 de febreiro. Tamén está aberto o prazo para os campos de voluntariado no estranxeiro; e o vindeiro 17 de marzo abrirase para o concurso "Lingua de namorar".

O Espazo Xove de Tui acolle este venres día 7, ás 18 h, a presentación do xogo de mesa Dirkelyon. O seu creador, o tudense Daniel Pregal, deu todos os detalles desta iniciativa.

A directora do espazo, Mónica Bugarín, deu conta amais da apertura da convocatoria para os cursos de idiomas durante o verán para estudantes universitarios, e do Bono Emancípate, que se pode solicitar a partir de mañá 6 de febreiro.

O Espazo Xove de Tui xa está traballando na programación para este 2025 á que se suman os servicios de acceso a aulas de estudo, de música e de ordenadores que xa teñen.

Ademais, continúa a CAI, que retomou a súa actividade o pasado día 10, tal e como explicou Mónica Bugarín, directora do espazo, que tamén deu conta da apertura da convocatoria para as subvencións dirixidas a entidades de acción voluntaria, cuxo prazo remata o 17 de febreiro.

Xogos de mesa e un obradoiro de cociña para este Nadal son as actividades que organiza este mes o Espazo Xove de Tui. Mónica Bugarín, directora, adiantou tamén unha nova iniciativa de cara ao 2025. Será o programa de voluntariado lingüístico "Queres falar", destinado a promover o uso do galego entre a mocidade.