Hoxe venres e mañá sábado está en Tui, na rúa Casal Aboy, a unidade móbil de doazón de sangue. Dende ADOS fan un chamamento especial para doazón ante a diminución nas reservas e a necesidade de entre 400 e 500 doazóns diarias nos hospitais. Así nolo contou a doutora Ana Seoane, responsable de hemodoazón e aférese de ADOS.

La Timba Mullallo actuará este sábado ás 21 h na festa Pre-Fin de Ano no Mercado de Nadal , no Paseo da Corredoira. Hoxe falamos con Roberto Santos e Ramiro García, dous dos integrantes do grupo.

Manuel Madarnás presentará este sábado no Centro Cultural de Guillarei, ás 20 h, o seu disco La MMarca Vol. II. Será no concerto de Fin de Ano que organiza a Banda de Música Popular de Tui.

A Banda de Música Popular de Tui organiza dúas actividades formativas esta semana para músicos e músicas.

A primeira será mañá mércores, xoves e venres cun curso de flauta a cargo de Luís Soto da Filarmonía de Galicia. As prazas están xa completas. Amais o sábado o psicólogo Chus Vega impartirá un taller titulado “Queres superar os teus nervios antes dunha actuación”.

Hoxe celébrase o tradicional Concerto de Nadal a cargo das corais tudenses San Telmo, do Centro Social e Ponte das Febres da Banda de Música Popular de Tui. Esta no coma novidade incorpórase o coro infantil do CEIP de Pazos de Reis. A cita será ás 20.30 h no Teatro Municipal, As entradas están á venda en tui.gal.

Falamos deste evento con Rafael Dopeso e Mila González da Coral Ponte das Febres, Carmen Mª Alonso e Ricardo Martínez da Coral San Telmo e José Manuel Martínez da Coral do Centro Social e Eloy Carrera da Banda de Música Popular de Tui.

O Centro Cultural de Guillarei acolle mañá sábado 23 de decembro, ás 20 h, o concerto de Nadal da Banda de Música Popular de Tui. Un evento especial porque no mesmo van presentar á Banda Xuvenil de Tui. Do mesmo falamos con Eloy Carrera, director da Banda, e con David González, presidente da agrupación.

Mañá mércores, ás 19 h o alumnado do Conservatorio e da Escola de Música de Tui ofrecerán o Concerto Soliario de Nadal no Teatro Municipal. Neste evento o trompetista Manuel Madarnás, exalumno do Conservatorio, presentará algúns temas do seu novo traballo La MMarca Vol II. Falamos deste concerto con Rubén López, director do CMUS Tui e con Manuel Madarnás.

A entrada será un quilo de alimentos para SOS Tomiño Baixo Miño.

Co alcalde de Tui, Enrique Cabaleiro, completamos hoxe a rolda de conversas cos represenantes dos grupos políticos da corporación municipal para valorar o pleno ordinario do mes de novembro.

O presidente da Cámara de Valença, José Carpinteira, destacaba que o concerto de Nadal da Eurocidade é un evento importante que vai reforzar a unión entre a poboación valenciana e tudense, as dúas culturas e as dúas cidades. Será mañá sábado ás 21.30 h no Teatro Municipal de Tui a cargo de Mistura Vocal, Kasual Quartet, Vocalis Contrasta e o coro da Academia de Música da Fortaleza de Valença.

Esta fin de semana comezan no rio Miño as viaxes do Barco de Nadal con Chocolate, unha iniciativa da empresa Río Miño en Barco. O paseo estara acompañado de panxoliñas e chocolate quente coma explicaba Verónica Gomez. Débese facer reserva previa 662 312 520.