Hoxe falamos con Carmen Núñez, voceira do BNG, sobre o acordo logrado entre a súa formación e o PSOE para apoiar a proposta de retribucións do equipo de goberno por parte dos nacionalistas e cumprir catro puntos do programa do BNG por parte do PSOE referidos ao uso do edificio da rúa Camilo José Cela para a Policía Local, o edificio de Camfran para asociación e mocidade, e realización de dous estudos de viabilidade sobre transporte interparroquia e a conexión da Alameda de San Domingos co bosque de Seoane.

Caldelas prepárase para celebrar as festas na honra á Virxe da Rocha que terá propostas dende mañá venres e até próximo martes. O luns a ribeira volverá encherse de centos de persoas ceando a tradicional empanada. Hoxe falamos con Manuel Madarnás, Samuel Torres, e Manolo González da Comisión de Festas.

PSOE e BNG de Tui asinaron onte á tarde un acordo polo que o PSOE se comprete a realizar catro puntos programáticos dos nacionalistas este mandato, e o BNG apoiará a proposta de retribucións dos membros do equipo de goberno. Así o confirmou esta mañá o alcalde, Enrique Cabaleiro.

Este domingo coa XXXIV Carreira Popular de Randufe ábrese o programa da Semana Cultural de Randufe que se celebrará até o 6 de agosto. Música, maxia, humor, actividades infantís, e deporte están presentes no programa organizado pola Asociación Cultural Xuntanza coma hoxe nos explicaba o seu presidente Miguel Ángel Martínez González, e o tesoureiro, Manuel Diz González.

Hoxe comezan as festas de San Bartolomeu en Tui. A gastronomía é a primeira das propostas que fan para esta tardiña no torreiro da festa onde logo Player's amenizará a verbena. Mañá celebrarase a tradicional e secular feira dos cabalos nun programa festivo non que non faltarán os actos relixiosos o concerto da Popular de Tui e a verbena con Marbella.

Falamos esta mañá con Juan José Rendón, presidente da Comisión de Festas, Marcos González de Hípica Marcos, e Rafael Estévez, concelleiro de Deportes.

Hoxe prosegue a programación da Semana Cultural de Caldelas no centro cultural da parroquia. Hoxe ás 21.30 h o grupo de teatro Cal-Delas representa a obra “E tí a que escola fuches?”. Logo será a quenda do humor con Isi e o seu monólogo "Ponte con monadas". Con Isi falamos esta mañá no programa Día a Día.

Gran acollida a que tiveron as visitas guiadas ao patrimonio tudense organizadas polo Instituto de Estudos Tudenses, IET, coa colaboración do Concello de Tui. Esta semana teñen lugar as dúas últimas, hoxe á Catedral, e o venres ás murallas de Tui. As prazas están xa completas. Falamos desta iniciativa con Rafael Sánchez Bargiela do IET.

A Comisión de Festas da Guía, de Randufe, recupera os tradicionais partidos de Solteiros/as contra Casados/as e coma novidade incorporan divorciados/as. A cita será este sábado, 26 de agosto, a partir das 18.30 h no Álvarez Durán como explicaba Jorge Ribeiro, membro da Comisión de Festas.

Yusef esta a pasar o verán en Tui dentro do programa "Vacacións en paz" de Solidariedade Galega co Pobo Saharauí. Hoxe estivo no programa #DíaaDía xunto a Julio Solleiro e Rebeca Estévez, a súa familia acolledora, e a Lorena Álvarez que acolle a Yahida, a outra nena saharauí que tamén pasa o verán en Tui.

Hoxe comeza o III Festival Folk Internacional do Miño na Ribeira de Caldelas organizado pola Asociación Cultural A Insua. Ás 22 h fará un pasarrúas e actuará a Banda de Gaitas Arume de Malvas e logo estará en concerto o grupo Pelepau. Falamos cun dos seus membros Álex Fernández.