Hoxe completamos a rolda de conversas cos grupos políticos presentes na corporación municipal con Enrique Cabaleiro, alcalde de Tui. Con el abordamos distintos temas da actualidade política municipal

A concelleira de Cultura, Sonsoles Vicente, explicou hoxe de novo na nosa sintonía que a falta de participantes foi o motivo que levou a non organizar o desfile-concurso de Entroido deste ano, tras as reunións mantidas coas comparsas. Este martes a cita será musical coa actuación da orquestra Miramar na rúa Compostela a partir das 19 h.

Hoxe e mañá está en Tui a unidade móbil de ADOS, na rúa Casal Aboy a carón do centro de saúde.

Carlos Areal, xefe do servizo de ADOS, explicaba que comeza a recuperarse o número de doazóns tras o bache rexistrado no Nadal e pola pandemia de covid. Lembraba que diariamente precísanse entre 400 e 500 doazón.

No programa Día a Día hoxe realizouse o sorteo de 10 vales de compra de 30€ nos establecementos participantes na campaña "Tui é un amor" organizada polo Concello de Tui coa colaboración de ACITUI e Empretui.

Para realizar o sorteo acompañáronnos Abel Vila de EmpreTui e Juan Carlos Blanco de ACITUI.

No programa Día a Día hoxe visitáronnos o bailarín Dani Rodríguez e Paula Cobián.

Dani Rodríguez comezou a súa formación na Escola de Danza Paula Cobián, e está no último curso do Conservatorio Superior de Danza en Madrid. Este domingo no teatro Jofre no Ferrol actúa con Fran Sieira Compañía de Danza co espectáculo “DeMente” e tamén está a participar na serie que se esta a rodar sobre Miguel Bosé, e ten marcha a súa propia compañía.

Este mércores Minerva Ojeda, coordinadora da Aula da UNED de Tui, presentou o programa "Xuntas Aprendemos" que vai ter lugar na aula tudense os xoves do mes de marzo de 18 a 20 h. Está organizado pola concellería de Igualdade en colaboración coa aula universitaria.

Hoxe abre o prazo de inscrición para os profesionais que desexen participar no MUMI, Encontro profesional das músicas do Miño. Celebrarase o 29 e 30 de setembro e o 1 de outubro, na Eurocidade Tui-Valença. Falamos Diana Martins e Manuel Vicente Roxo desta feira no programa Día a Día.

A voceira do BNG Carmen Núñez participou hoxe na rolda de conversas que estamos a manter cos grupos políticos da corporación municipal.

Hoxe Begoña Valdomar, vicepresidenta de AGACS, participará hoxe xunto a José Luís Sánches, directivo da Associaçao de peregrinos “Vía Lusitana”, participarán hoxe ás 19 h no Foro do Camiño Portugués que organiza o Concello de Tui. Con Begoña Valdomar falamos no programa Día a Día.

Esta mañá continuamos, no programa Día a Día, coa rolda de conversas cos voceiros dos grupos políticos da corporación municipal de Tui, que estamos a manter neste mes de febreiro. Hoxe foi a quenda de José Ángel Fernández, voceiro do Partido Popular.