A Banda de Gaitas San Xoán de Paramos participará o próximo xoves, 17 de marzo, no desfile de San Patricio en Nova York. Tiña previsto viaxar hai dous anos, pero daquela a COVID levou á suspensión da viaxe. Agora si se desprazarán a EEUU, a onde viaxarán xa este mércores.

Milucho Romero, representante da Banda de Gaitas San Xoán de Paramos

Ningún tren de pasaxeiros para nestes momentos da Estación de Tren de Tui. Así o denunciaba esta mañá no programa Día a Día Juan Francisco Sánchez portavoz do sindicato CGT . Dende o seu sindicato están a denunciar esta situación, e que teñen claro que si non existe unha presión clara por parte das entidades locais e a poboación da comarca, Renfe non vai repor estes servicios.

“De Fortaleza a Fortaleza” é o título da andaina que organiza o club AndaTui para o sábado 26 de marzo. Constará de 22 quilóemtros e vistiará as fortalezas de Valença, onde comezará, Tui, Salvaterra e Monçao.

Manuel Madarnás presenta mañá venres, ás 21 h, no Teatro Municipal de Tui, en concerto o seu traballo discográfico La MMarca. Hoxe no programa Día a Día falounos de cómo vai ser este concerto. As entradas están á venda en www.tui.gal.

"Mulleres fronte ao espello" é o título da charla-taller que Hérika Míguez, da Universidade da Felicidade, vai ofrecer hoxe ás 18 h na Aula da UNED de Tui. É a primeira das actividades organizadas pola Concellería de Muller e Igualdade coa colaboración da aula universidade tudense.

Mañá comeza o ciclo “Xuntas aprendemos” na Aula da UNED de Tui. Está organizado pola concellería de Igualdade do Concello de Tui dentro dun proxecto colaborativo coa aula universitaria tudense. Esta actividade forma parte do programa previsto para conmemorar o 8 de marzo, o Día Internacional da Muller.

Falamos desta actividade con Ana Núñez, concelleira de Muller e Igualdade, e con Minerva Ojeda, coordinadora da aula da UNED de Tui.

Tras o parón debido á covid mañá xoves volve o Cine Club Poleiro cun novo ciclo, o de Primavera, dedicado ao cinema español apoiando así a un dos sectores castigados pola pandemia..

Ramón Álvarez é o presidente do Cineclub Poleiro, quen daba conta deste regreso, retomando a actividade iniciada hai case 25 anos.

Mañá ás 21.30 h no Auditorio de Goián van proxectar “La Novia” de Paula Ortiz, que presenta unha adaptación de Bodas de Sangue de García Lorca.

A reperación do acueduto do Pontillón, en Caldelas, chegará ao Parlamento de Galicia a través de tres proposicións non de lei presentadas polo PP, PSOE e BNG, nos que se insta á catalogación e recuperación deste elemento patrimonial. Así o explicaba Silvia Soutelo.

Hoxe, 28 de febreiro, é o Día do Paciente Laringectomizado. Por este motivo falamos con Ánxela Alonso, logopeda. Falamos dos síntomas que poden presentar as persoas cun cancro de larinxe, e tamén coma tras a operación coma poden volver aprender a falar con distintas técnicas.

Hoxe iria Márquez, intérprete de signos, e Soraya Cuña, logopeda, do Centro Anarela faláronnos do Baby Sign ou "Como comunicarte co teu bebé".