O Concello de Tui vén de abrir un proceso de participación pública para buscar nomes de mulleres para rúas e espazos públicos. Desta iniciativa, que figura no Plan de Igualdade Municipal, falamos hoxe coa concelleira Ana Núñez. Tamén deu conta do acto de recoñecemento ás mulleres que se celebrará este sábado, ás 20 h, no Teatro Municipal.

Este sábado e domingo celébrase no pavillón municipal Gustavo Rodríguez o Campionato Galego de Grupos Show organizado polo CPA Ribex. Participarán 300 patinadores e patinadoras coma explicaba Carolina Figueroa, secretaria e adestradora CPA Ribex.

Coa avogada tudense Cielo Martínez, de Rodríguez Gil e Asociados, hoxe falamos do Cartel do Automobil. Se vostede mercou un coche entre os anos 2006 e 2013 preste atención. Dependendo o periodo e a marca no que realizou a adquisición, podería reclamar o sobrecusto que pagou pola compra do vehículo . Recomendaba Cielo Martínez facer a reclamación canto antes e sempre antes de mediados de abril.

Hoxe falamos das rosquillas con auténticos expertos coma son Rosquillas Cristaleiro. Hoxe Rosa Álvarez explicounos coma seguen a manter a receita dos seus antepasados, e coma agardan volver a recuperar toda a actividade vinculada ás festas tras os meses difíciles que veñen de pasar. .

Mañá sábado, ás 20 h, na sala de prensa do edificio Francisco Sánchez Luís Cuntín presenta o seu primeiro poemario "O Caderno de Daia". No programa Día a Día contounos hoxe coma naceu estema

Unha regata espectacular con barcos de 8 e 4 será a que se celebre este sábado en augas do río Miño organizada polo Club Remo do Miño. É a Regata Miño Internacional Memorial José Luís Méndez. Falamos da mesma con Manuel Ángel González, presidente Club Remo do Miño

O Centro San Xerome organiza un taller de Intelixencia Emocional que será impartido polo coaching Pablo Villanueva de Eclosion Coaching.

O obradoiro, que se impartirá por vez primeira en Galciia, terá lugar na antiga biblioteca de Oia no mes de xuño. Será o xoves 16 de 16 a 20.30 h, o venres e sábado de 9 a 20.30 h e o domingo de 9 a 18 h.

Mañá xoves, 17 de marzo, ás 18 h na Aula da UNED ten lugar a terceira das charlas programadas no ciclo “Xuntas Aprendemos”. Nesta ocasión será a axente de Igualdade Ana Román quen aborde a “Introdución á igualdade de xénero”. A propia Ana Román explicaba hoxe no programa Día a Día que abordará nesta charla.

Tamén nos acompañou Minerva Ojeda, quen deu conta da acollida que está a ter esta actividade.

SpainMedia, editora entre outras da revista Forbes, pasará a editar tamén agora HighXtar, plataforma de contidos creada polo tudense César Castro. Esta mañá contounos que significa este importante acordo empresarial.

Hoxe coñecemos máis polo muído o labor que realizan en Al-Anon, a asociación de familias de persoas alcohólica. Luisa explicounos a situación das familias.