Está aberto o prazo de solicitude de axudas á rehabilitación de edificios e vivendas no ámbito da ARI, Área de Rehabilitación do Conxunto Histórico de Tui, correspondentes á fase 14ª. A técnica da Oficina de Rehabilitación, María Ferreirós, explicaba hoxe as características destas axudas e as obras que son financiables.

Levada Libre volverá realizar o próximo 14 de abril, Día da República, actos de homenaxe cunha concentración na Volta da Moura, para lembrar as persoas que foron asasinadas alí.

Manuel Vázquez de la Cruz, Moncha Teijeira, e Raúl Frances Valverde déron conta deste acto no programa Día a Día

Mañá, 2 de abril, celébrase o Día Mundial de Concienciación sobre o Autismo. Por este motivo hoxe acompañáronnos Montse Mon e Clara de Macedo, da Asociación Un Máis, que comezou a súa actividade en decembro de 2010.

Este domingo comezan os actos da Semana Santa en Tui coa lectura do pregón a cargo de Santiago Vega, cóengo e director do Museo da Catedral tudense. Será ás 18 h na Capela das Reliquias. Santiago Vega avanzaba que o seu pregón vai ser un diálogo entre a imaxe e a palabra.

Volve a cuarta marcha Ultreia de Tui a Pontevedra. Sairá este domingo dende Tui con 356 participantes, supenrando todas as expectativas da organización, coma explicaba David Acevedo, quen tamén se refería ao positivo impacto económico que o evento ten en Tui.

Mañá xoves celébrase en Tui a ‘Xornada de traballo para a preparación de proxectos do río Miño con cargo ao Marco Financeiro Europeo 21-27’. Dos obxectivos desta actividade falamos hoxe co deputado de Cooperación transfronteiriza , Uxío Benítez.

Os martes, cada quince días, compartimos un tempo co grupo Armonía da Asociación de Alcohólicos Anónimos. Hoxe estiveron connosco Antonio e Maica, para falar da enfermidade do alcoholismo.

Reúnense os martes de 10 a 11.30 h e os xoves de 20 a 21.30 h na Sala Félix Rodríguez en Tui.

O Espazo Xove de Tui acolleu a presentación da peza de danza moderna "SIETE PECADOS" da tudense Celina Mauricio Damas, coa que gañou o 1ª Premio de danza moderna no certame Xuventude Crea 2021.

Máis de 160 persoas participarán mañá na Andaina de Fortaleza a Fortaleza que organiza o club AndaTui Rego da Pedra. O seu presidente José Martínez Tato explicaba hoxe o percorrido polas Eurocidade Tui-Valença e Salvaterra Monçao.

Mañá sábado alumnado do Colexio Maristas celebrará o Día Mundial do Medio Ambiente e a Árbores plantando 100 bidueiros preto da pedra do encontro no Monte Aloia. Cada neno e nena apadriñará unha árbore e darán lectura a un manifesto pola paz. As persoas interesadas poden inscribirse aínda hoxe no Whatsapp 644 302 108.