Mañá venres, ás 20h Andrea Pousa preestrea no Teatro Municipal de Tui o seu segundo traballo discográfico “Retorno”. Será a primeira vez que se poidan escoitar as cancións deste disco que sairá á venda este mes. Canda a ela no escenario estarán catro músicos, seis bailarinas de danza contemporánea e proxectaranse videocreacións nun espectáculo moi visual e chamativo. O espectáculo máis arriscado dos que leva feito, segundo hoxe explicaba.

O concerto chega a través do Musigal da Deputación e forma parte da programación cultural de San Telmo.

Na carpa que se instalou na Corredoira ás 18h actuará Paco Nogueiras co espectáculo “Brinca Vai”. Unha actuación neste San Telmo para a que xa non quedan entradas dispoñibles. Falamos con este músico e actor que combina música, animación e interpretación no seu espectáculo.

A deportista tudense, Maruxa Sío, do clube Alagua da Guarda, aínda que competindo neste caso por Vertigo Sailing quedou subcampioa xunto a súa compañeira catalá Anna Solé Dolcer, na Copa de España de vela en categoría feminina, celebrada do 1 ao 4 de abril en As Pontes, a bordo dun Vaurien. Falamos con ela hoxe no programa Día a Día.

Este xoves de 12.30 a 13 h haberá un programa especial na nosa sintonía sobre as axudas para aluguer, adquisición ou rehabilitación de vivenda que teñen arestora aberto o prazo de solicitude. A técnica da Área Rehabilitación, María Ferreirós, responderá as dúbidas da cidadanía. Así o adiantaba hoxe xunto ao concelleiro de Patrimonio, Laureano Alonso.

Dende este mércores e até o luns día 12, festivo local en Tui, terá lugar a programación cultural de San Telmo organizada polo Concello de Tui. Hoxe ás 20 h comezará en tui.gal a reserva gratuíta de entrada para os espectáculos que terán lugar na carpa da Corredoira e no Teatro Municipal. Falamos desta proposta cultural coa concelleira Sonsoles Vicente.

Realizar unha visita guiada ao Parque Natural do Monte Aloia é posible con A Fada do Aloia. Natalia Lago guía distintos percorridos para coñecer este espazo natural. De cara a Semana Santa ten boa parte das visitas completas. Pódese contactar con ela en afadadoaloia.com ou no 619 96 90 90

Hugo Lage conduce as visitas guiadas polo conxunto histórico de Tui que oferta en Bugina Turismo. Para esta Semana Semana ten completos boa parte dos horarios previstos.

Pódese concertar unha visita en buginaturismo.com e no 684 193 927

Falamos coa concelleira de comercio, Ana Núñez, dos bonos de desconto ActivaTui para a reactivación do comercio local. Son dous bonos de 10 euros por persona para compras superiores a 25€. Resta só o mes de abril para solicitalos e consumilos. Quedan 2000 bonos dispoñibles.

Solicítao en https://activa.tui.gal/activa-tui/

Coñecer o conxunto histórico, a Catedral ou a ruta xudía cunha guía é unha das propostas que podemos levar a cabo estes días de Semana Santa. Sara Quintana ofrece percorridos guiados baixo demanda en visitasguiadastui.com ou 636 96 93 56

Tui preparase para unha Semana Santa marcada polas restriccións derivadas da pandemia. Falamos co concelleiro de Turismo de Tui, Laureano Alonso, de cómo se presentan estes días festivos.