Un dos atractivos turísticos que ofrece Tui son as cabanas do Monte Aloia en Frinxo. Unha opción de aloxamento diferente que ofrece Aloia Nature en pleno parque natural. Falamos no programa Día a Día co seu xerente, Nicolás Lorenzo.

O Instituto de Estudos Tudenses, IET, propón a creación do Museo de Tui e das Terras Transfronteirizas do Miño na praza da Inmaculada, no edificio que até hai pouco ocupaban os xulgados. O presidente do IET, Javier Añoveros, explicaba esta mañá no programa Día a Día, esta proposta.

O próximo 19 de marzo celébrase o Día do Seminario. Co gallo desta data recibimos no programa Día a Día a varios alumnos do Seminario Menor de Tui acompañados do seu formador, Alberto Montes.

O alcalde de Tui, Enrique Cabaleiro, abordou hoxe na nosa sintonía diversos temas da actualidade municipal coma a construción do aparcamento, a rúa Ourense, a Avenida de Portugal, entre outros.

En xuño esta previsto que a Confederación Hidrográfica do Miño Sil, a través da empresa TRAGSA, vai realizar a elimintación de especies exóticas na beiras do río Tripes. Actuará na zona de servidume, nos 5 metros dende o río, retirando acacias negras, cana común e bambú, unha actuación que se os propietarios autorizar se ampliará tamén á zona de policía.

Así o explicaba Ricado Da Silva, vogal da Asociación de Muiñeiros do río Tripes, quen solicitara á CHMS esta actuación.

A Oficina de Emprego de Tui está afectada, ao igual que as de toda España, polo ataque informático sufrido polo SEPE.

Aurora Carvajal, directora da oficina de Tui explicaba como é a situación que están a vivir xa que a rede de datos é común a todo o territorio nacional.

42 bicicletas repartidas en grupos de 7 para cada concello das Eurocidades Tui-Valença, Tomiño Cerveira e Salvaterra-Monçao son as que haberá nas estacións de intercambio de bicicletas tranfronteirizas que estarán en funcionamento antes do verán. É unha iniciativa do AECT Río Miño. Falamos da mesma co seu vicedirector, Uxío Benítez.

Este xoves, 11 de marzo, ás 18:30 h Baobab Teatro presenta “O lobo e a lúa”, unha obra dirixida a público familiar de Óscar Ferreira e Andrea Bayer e interpretada por Xosé Manuel Esperante e Cora Sayers. Falamos coa directora sobre o argumento da obra.

Falamos co médico tudense Adrián Sousa Domínguez. Foi un dos médicos que estiveron na primeira liña de batalla fronte a Covid-19 cando chegaron os primeiros casos aos hospitais.

A Asociación de Voluntarios de Protección Civil de Tui necesita máis voluntarios para continuar coa súa labor altruista. Falamos dos requisitos e da labor da asociación co seu presidente co que se debe contactar para ser voluntario.