Máis dun centenar de persoas asistiron a Emprega Tui, o II Foro de Emprego, Emprega Tui, organizado polo Concello de Tui a través do Programa Integrado de Emprego.

A participación realizouse dun xeito presencial cun aforo moi limitado na aula da UNED e de xeito virtual. Ana Núñez facía esta mañá un balance moi positivo deste foro.

Hoxe coñecemos as actividades para xogar na casa que propoñen dende o proxecto Orpagu Educativo. Hugo Lage, que colabora con ORPAGU nesta iniciativa explicounos coma xurdiu e en qué consiste. Está accesible en www.orpagueducativo.com.

Uxío Benítez falounos esta mañá dun programa de contacontos que comezara a vindeira semana sobre os ‘Tesouros humanos vivos’ do Miño, dirixido ás escolas da raia. Alumnado de entre 6 e 11 anos de Tui, Tomiño, A Guarda, O Rosal, Salvaterra, As Neves, Arbo e Crecente gozará de varios espectáculos infantís ao abeiro da iniciativa de recuperación do patrimonio no marco do programa Smart Miño.

A actriz e xornalista Ana Abad de Larriva vén de gañar o ‘I Premio de Microteatro da Memoria’ convocado polo ESAD coa peza ‘Un biolo na noite’. A obra está baseada na historia de Guillermo Vicente Santiago, o último alcalde republicano de Tui.

Hoxe no programa Día a Día sorteáronse os 40 vales de 50€ que reparte ACITUI para incentivar o comercio local dentro da campaña "Segue a estrela de ACITUI". Recolléronse 5758 papeletas en todos los establecementos participantes polas compras realizadas entre o 14 de decembro e o 5 de xaneiro.

O presidente da Comunidade de Montes de Randufe, Ramón Martínez, denunciou hoxe o destrozo de maís de 130 eucaliptos nunha plantación na que só se pode sembrar este tipo de árbore.

Tomiño rexistra hoxe 103 novos casos diagnosticados nos últimos 14 días. Da situación epidemiolóxica no municipio falamos hoxe coa súa alcaldesa, Sandra González, quen amosaba a súa preocupación aínda que nos últimos días baixaron lixeramente.

O 90 % establecementos comerciais e hostaleiros de Tui están hoxe pechados. Na fachada da Área Panorámica están colocadas cruces cos logotipos destes establecementos. Reinvidican axudas ao sector proporcionais a estas restriccións que hai no municipio, cun peche perimentral dende hai máis de 2 meses.

Lupe Perez de Joy Baby explicaba a mestura de sensacións nesta xornada.

Establecementos comerciais e hostaleiros de Tui pecharán mañá martes as súas portas ao longo de todo o día en sinal de protesta reclamando axudas ao sector proporcionais a estas restriccións que hai no municipio, cun peche perimentral dende hai máis de 2 meses.

Lupe Perez de Joy Baby destacaba a boa acollida que está a ter a convocatoria de pechar mañá toda a xornada. Aclaraba que non piden a retirada do peche perimentral, senón que reclaman axudas en función das medidas que se están a aplicar.

Quince empresas e emprendedores van participar dende mañá no II Foro de Emprego, Emprega Tui. Está organizado polo Programa Integrado de Emprego do Concello de Tui en colaboración con distintas entidades e empresas.

Terá lugar mañá martes, o mércores e o xoves de 9.30 a 13.30 na Aula da UNED. A participación pode ser presencial, cun límite de 30 participantes, ou de forma virtual, previa inscrición. Falamos coa concelleira de emprego sobre este foro.