Esta fin de semana faleceu José Luís Méndez, presidente de honra do Remo do Miño e fundador do Club en 1974. Esta mañá falamos co presidente do Clube Remo do Miño, Manuel Ángel González, e con Jose Prada, presidente da Federación Galega de Remo, sobre esta importante figura deportiva de Tui.

Valoramos esta mañá co doutor Santiago Pose, do Centro de Saúde de Tui, o brote na residencia Paz y Bien de Tui que afecta xa a 38 residentes, 8 traballadores e 4 casos máis en estudo. Indica o doutor que a orixe dos contaxios pode estar nas visitas pola celebración da noiteboa.

O Conxunto Histórico de Tui conta cun Plan de Protección que foi aprobado definitivamente no último pleno do ano no Concello de Tui. O concelleiro de Patrimonio, Laureano Alonso, e a técnica da ARI, María Ferreirós, explicáronnos que suporá, e tamén falaron doutras actuacións nesta zona.

A residencia Paz y Bien de Tui rexistra un brote que afecta a 41 persoas, das que 6 son relixiosas. Prodúcese amais cando ía comezar a vacinación no centro. As autoridades sanitarias estudarán hoxe a situación na residencia. O alcalde, Enrique Cabaleiro, amosou a súa preocupación por esta situación e destacou o excepcional traballo que levan realizando ao longo dos últimos meses durante toda a pandemia nas dúas residencias de Tui. Onte púxose

No Concello de Tomiño publicaron xa unha mensaxe dos Reis Magos, xa que este ano non haberá a tradicional Cabalgata de Reis, e enviaron unha carta aos nenos e nenas maiores de 3 anos.

O presidente da Cámara de Valença, Manuel Lopez, achegouse esta mañá, cando ao alcalde de Tui, Enrique Cabaleiro, a saúdar aos Reis Magos, ao Teatro Municipal, xa que este ano non haberá a tradicional cabalgata internacional da Eurocidade.

Na Guarda os carteiros do Nadal estarán dende ás 10.30 h nas rúas. Xa ás 17.30 h na praza do Reló o alcalde, Antonio Lomba, recibirá a Melchor, Gaspar e Baltasar, previo o inicio do seu percorrido de 25 km. irán en descapotable polas principais rúas e parroquias seguindo as luces colocadas polos cativos.

Máis de 60 puntos e barrios e parroquias percorren dende onte os Reis Magos no Rosal até rematar esta tarde na Praza do Calvario. A alcaldesa, Ánxela Fernández, explicounos coma é a chegada de Melchor, Gaspar e Baltasar á vila rosaleira.

Ás once desta mañá comeza no Teatro Municipal de Tui a recepción dos Reis Magos, Melchor, Gaspar e Baltasar, para a que están xa completas as prazas.

O alcalde de Tui, Enrique Cabaleiro, lembraba esta mañá que este ano non se poderá celebrar a cabalgata internacional de Reis.

Coñecer os segredos que agocha o Monte Aloia é posible da man dunha fada moi especial que nos propón seis rutas para realizar en familia e das que hoxe nos falou no programa Día a Día. Toda a información en afadadoaloia.com