O alcalde de Tui, Enrique Cabaleiro, solicitará hoxe ao SERGAS que estuden a situación en Tui. O peche perimetral e da hostalería que nun primeiro momento permitiu reducir o número casos, está a xerar importantes prexuizos económicos e a incidencia da covid está estancada.

Hoxe hai 50 novos casos detectados nos últimos 14 días segundo os datos de Sanidade.

26 casos nos últimos 7 días e un acumulado de 54 nos últimos 14 son as últimas cifras con respecto á incidencia da COVID19 en Tui que facilitaba esta mañá o doutor Santiago Pose.

Dende hoxe e até o 28 deste mes Tui súmase un ano máis á campaña En Negro contra as Violencias con motivo do 25 de novembro, o Día Internacional contra a Violencia de Xénero. Falamos con Ana Núñez desta e doutras iniciativas como a plataforma "Lecturas pola Igualdade"

O alcalde de Tui, Enrique Cabaleiro, xunto cos alcades de Cangas e Pontareas, reuniuse onte por videoconferencia co conselleiro de Sanidade, Julio García Comesaña. Aínda que a evolución do número de casos na cidade está sendo positiva tendo en conta a o índice de casos acumulados é de 269 non se poden aínda levantar as medidas restritivas.

O vindeiro sábado comeza unha campaña de promoción do Plan de Compostaxe do Concello de Tui. A campaña se iniciará coa presentación do novo logo e lema. Falamos disto co Concelleiro de Medio Ambiente e coa Mestra Momposteira, Sara Luque

Falamos hoxe da man de Femupo sobre dúas actividades no ámbito da igualdade. Unha charla sobre os recursos das vítimas de violencia de xénero, con Belen Liste, e sobre o II Encontro das asociacións de mulleres de Pontevedra, no que participa Amei Tui

Falamos hoxe con Xabier Añoveros que acaba de escrbir a súa 4º tese doutoral sobre a Casa da Canicouba de Tui. Un pazo urbano que data do século XVI e que conta co archivo familiar mais antigo de toda Galicia

Analizamos as cifras da COVID-19 na Guarda co seu Alcalde, Antonio Lomba. A localidade segue en nivel laranxa ao rexistrar entre 14 e 21 casos. Podería tamén baixar do nivel vermello ao laranxa nos rexistros dos últimos 14 días se continúan baixando os casos

Con Jose Manuel Palacín, voceiro de C21 abordamos a actuación situación con respecto á COVID en Tui. Tamén a solicitude que realizarán este xoves en pleno para reestablecer a circulación o Paseo da Corredoira no tramo que peonalizado.

Tomiño está en alerta vermella polo número de casos de COVID-19 nos últimos 7 días. Sandra González avanzaba que son algo menos de 40 os casos activos pero afirmou que a situación epidemiolóxica está controlada.