O voceiro do PP na corporación municipal de Tui, José Ángel Fernández, destacou a unidade de acción dos distintos grupos do Concello de Tui ante a situación que estamos a vivir derivada da pandemia da COVID 19.

Por outra parte facía unha valoración moi positiva do informe favorable de Urbanismo ao PEPCHA, que permitirá leva a pleno este documento para a súa aprobación definitiva.

A "Explanada do Horizonte" xa está lista para o desfrute da veciñanza do Rosal. Unha reforma integral e mellora paisaxística en Portecelo cunha nova área de esparexemento que tamén acondicionou o tramo do Camiño de Santiago pola costa que pasa polo municipio.

Falamos coa alcaldesa do Rosal e coa arquitecta deste proxecto, distinguido cun dos Premios Gran de Area 2020 de Aportación á Arquitectura dos Colexios de Arquitéctos de Galicia.

Os establecementos comerciais ou de hostalaría que estiveron pechados ou están pechados aboarán unha taxa do lixo de 21,19 no trimestre ou trimestres que estiveron sen actividade. É un importe similar a que se aplica ás vivendas. Así o avanzou o alcalde de Tui, Enrique Cabaleiro, explicando que así o recolle un dos artigos da ordenanza municipal. Para poder contar con esta redución os establecementos deberán descargar un modelo de impreso na web municipal, e cubrilo e despois presentalo no ORAL. Así o avanzou hoxe o alcalde de Tui, Enrique Cabaleiro.

Salceda volve ao nivel vermello no mapa da incidencia da COVID 19. Valoramos os datos coa alcaldesa, Loli Castiñeira, e falamos tamén doutros asuntos coma os dous galardóns que recibiu a localidade no certame "Vilas en Flor".

Situación complicada con respecto á COVID 19 é a que se vive en Valença onde teñen 120 casos. O presidente da Cámara, Manuel Lópes, agarda as últimas medidas tomadas, coma o toque de queda, dean resultados, e descenda o número de persoas afectadas.

O concerto que o grupo Milladoiro ofrecerá este venres en Tui poderá seguirse en directo a través da canle de Youtube e das redes sociais municipais. Así o confirmaba hoxe a concelleira de Cultura, Sonsoles Vicente. Deste xeito dende o Concello buscan poder chegar a un maior número de persoas con este vento, xa que dadas as medidas restritivas establecidas en Tui a capacidade do teatro está limitada a 30 butacas, que están xa esgotadas.

38 casos nos últimos 7 días e un acumulado de 76 nos últimos 14 son as últimas cifras con respecto á incidencia da COVID19 en Tui que facilitaba esta mañá o doutor Santiago Pose.

Conversamos con Ana Núñez sobre o III Plan de Igualdade de oportunidades do Concello de Tui. Tamén sobre a Guía de hostalería e restauración e das 108 primeiras axudas a establecementos e autónomos das Axudas Reactiva.

Enrique Cabaleiro asegurou que en Tui os datos invitan ao optimismo. Segundo os datos do Centro de Saúde, a incidencia acumulada dos últimos 14 días baixou a 80 casos cando antes estabamos preto do centenar. Nos últimos 7 días detectáronse 34 casos de COVID-19 en Tui. Tamén valorou o informe da Xunta favorable ao PEPCHA.

O Concelleiro de Patrimonio, Laureano Alonso, visitou esta mañá Día a Día. Fíxoo despois de que a Dirección Xeral de Ordenación do Territorio e Urbanismo emitira informe favorable ao PEPCHA, o Plan especial de protección do conxunto histórico. Só resta o visto e prace do pleno da corporación municipal de Tui para a aprobación definitiva