Tampouco en Tomiño teñen datos do número de contaxio no municipio, así o confirmaba a alcaldesa, Sandra González, quen insistía en seguir cumprindo a orde de confinamento.

A alcaldesa Sandra González quixo agradecer hoxe o labor de todas as persoas que están colaborando de xeito voluntario de moi diversos xeitos, e aquelas que están aportando os seus tratores particulares para realizar a fumigación tamén polas parroquias.

De agora en diante serán as autoridades sanitarias as que facilitarán, se así o estiman, o número de persoas contaxiadas por Covid 19 nos distintos municipios. O alcalde, Enrique Cabaleiro, explicaba esta mañá que as autoridades locais xa non teñen acceso a estas cifras.

Insistía o rexedor na importancia de, ao marxe dos casos, débense seguir as medidas establecidas para evitar o contaxio por coronavirus. As cifras, explicaba son sempre relativas xa que para coñecer o número exacto tería que realizarse o test a toda a poboación.

Falamos tamén da situación dos escolares durante o estado de alarma con Teresa Domínguez, directora do CRA. Indicaba que hai que estar en contacto cos nenos e coas familias, pero que tamén nisto hai que facer as cousas con sentidiño, xa que hai que ter en conta a realidade de cada familia.

Traquilidade no Rosal nesta xornada de xoves. Así o indicaba a alcaldesa, Ánxela Fernández, quen facía un chamamento aos pensionistas a que vaian a cobrar as pensións de xeito escalonado. A alcaldesa agradecía a colaboración que están a ter por parte da cidadanía.

No Rosal continúan coas tarefas de desinfección e amais das rúas aplican tamén os produtos nos contedores de lixo. Seguen a contar coa colaboración das adegas.

Con Margarita Pino, doutora en Ciencias da Educación e membro do Grupo GIES, abordaba hoxe na nosa sintonía a situación á que se enfrontan os escolares estes días sen clase, con traballo na casa, nesta época de confinamento. Aposta pola parte práctica dos coñecementos.

O Concello de Oia recibiu onte a confirmación dun positivo por coronavirus no municipio. Trátase dunha persoa que pasou polo aeroporto de Madrid e que se illou e pode estar xa curada a falta do test confirmatorio pero seguirá illada unha semana máis. Así o explicaba a alcaldesa, Cristina Correa.

Hoxe o concello porá en marcha un servizo de entrega da compra a domicilio en colaboración cos establecementos locais. Vai dirixido á poboación en xeral.

Rutina é a que están a vivir os veciños e veciñas na Guarda neste estado de alerta sanitaria pola pandemia do COVID-19. Os servizos municipais do Concello continúan prestando axuda á poboación ao igual que o GES. Mentres, continúan os labores de desinfeccións nas rúas e tamén nos contedores. Daba conta desta información o alcalde, Antonio Lomba.

Dous positivos por Coronavirus rexistraron nas últimas horas en Valença, onde a situación continua con tranquilidade. O presidente da Cámara, Manuel Lopes, insistía en que a poboación siga as medidas impostas nesta pandemia por Coronavirus polas autoridades.

En Tomiño incrementáronse os labores de desinfección para evitar a propagación do virus Covid-19, nas rúas de Tomiño e Goián e tamén nas residencias de maiores. Contábao na nosa sintonía a alcadesa, Sandra González, que tamén destacaba o bo comportamento que están a ter os máis pequenos da casa.

O doutor Santiago Pose enviaba hoxe unha mensaxe tranquilizadora á poboación porque cada vez se sabe máis do coronavirus, recoñecemendo que cada vez se rexistrarán máis casos. En Tui indicaba que se está rexistrando menor incidencia que noutras zonas. Están creando a estrutura para o futuro.