O Rosal rexistrou onte un primeiro positivo por COVID-19. A alcaldesa, Ánxela Fernández, deu conta dos labores de desinfección nas rúas que comezan a realizar e lembrou que mañá celebrarán pleno extraordinario urxente para aprobar un recoñecemento extraxudicial de crédito para pagar aos provedores.

O Centro de Saúde de Tui leva a cabo, en coordinación co Servizo de Medicina Preventiva, o control dos catro pacientes de Tui illados no seu domicilio. O obxectivo do confinamento explicaba, o doutor Santiago Pose, é tanto para protexelos a eles coma aos demais.

Dende hoxe reorganízase o acceso ao Centro de saúde de Tui de tal xeito que se pecha o acceso pola fachada principal onde aos pacientes con doenzas respiratorias acceden pola porta do PAC dos que teñen outras doenzas pola principal.

Rexistrouse un primeiro caso por coronavirus na Guarda. O paciente atópase no seu domicilio baixo a supervisión da área sanitaria de Vigo, así o indicou o alcalde Antonio Lomba, na nosa sintonía. Tamén lembraba o rexedor que as persoas máis vulnerables teñen a súa disposición o servizo de auxilio do Concello da Guarda.

Tras a confirmación onte de 4 casos positivos por COVID 19 en Tui o alcalde, Enrique Cabaleiro, facía un chamamento a cidadanía á tranquilidade e a cumprir o confinamento , e incidía en que os datos dos pacientes son confidenciais. Indicaba que hai que seguir coas medidas de precaución.

No Rosal recibiron esta mañá a primeira confirmación oficial dun caso de contaxio por Coronavirus. Así o explicaba a alcaldesa, Ánxela Fernández.

No Rosal van iniciar labores de desinfección pese a falla de material con que contan. Este mércores celebrarán un pleno extraordinario para aprobar o recoñecemento extraxudicial para realizar os pagos pendentes a proveedores.

Valença amenceu hoxe sen novidade e ningún caso positivo por COVID-19. O municipio portugués continúa seguindo as medidas sanitarias decretadas debido ao estado de alerta en Portugal. Así o indicou o presidente da Cámara de Valença, Manuel Lopes quen resaltou o bo comportamento da veciñanza.

O Concello da Guarda adiará mentres dure o estado de alarma o prazos dos pagos de servizos, taxas ou impostos, e eximirá do pago daqueles que non se están a prestar coma a Escola Infantil. Esta é unha das medidas tomadas segundo adiantaba o alcalde da Guarda, Antonio Lomba. Esta mañá reúnese a Comisión de Seguimento creada para estudar tanto esta coma outras medidas adoptadas xa durante o estado de alarma, e outras que puideran levarse a cabo.

Sen grandes novidades continua a situación en Tomiño coa meirande parte da poboación quedando na casa. Dende o Concello están levando a cabo de desinfección de rúas e priorizando o pago a proveedores. Así o explicaba a alcaldesa, Sandra González.

Informaba a alcaldesa que dende mañá martes o Centro de Saúde de Tomiño atenderá só en horario de mañá. Reiterando antes de acudir ao ambulatorio contactar telefónicamente.

Tranquilidade e calma reina no municipio de Oia que, non rexistra casos positivos de COVID-19. A alcaldesa, Cristina Correa detállanos como se está a vivir o estado de alarma polo coronavirus, en Oia.

O Centro de Saúde de Tui está hoxe reorganizando a súa estrutura e funcionamento dentro do procesos de cambio para adaptarse as actuais circunstancias. Dende hoxe é o centro de referencia do COVID 19 tanto para a poboación de Tui coma para a de Tomiño. O persoal reforzarase cun equipo de apoio chegado precisamente do Centro de Saúde de Tomiño. Así o explicaba o doutor Santiago Pose.