Situación de normalidade dentro da excepcionalidade na que estamos vivimos, así continua a vida na cidade de Tui segundo o alcalde, Enrique Cabaleiro, quen incidía que con carácter xeral a veciñanza está cumprindo coa responsabilidade de quedar na casa.

Explicaba que a Policía Local cursou catro denunciadas por incumprimento do illamento imposto polo Estado de Alarma. Tamén facía un chamamento a non facerse eco dos rumores.

Mascarillas tamén se están realizando para abastecer ao persoal na empresa Coplegal, ademais, de manter as medidas de seguridade. Nolo contou Jesús Vaz Pazo.

A Praza de Abastos de Tui continua coa súa actividade normal, extremando as precaucións e seguindo as recomendacións das autoridades sanitarias. Así o explicaba a concelleira de Comercio de Tui, Ana Mª Núñez, quen indicaba que nas entradas hai hidroalcol para lavar as mans.

Un primeiro susto levou o San Xerome da Guarda cando se decretou o Estado de alarma en España o pasado venres. Moitos dos usuarios e usuarias do centro tiñan problemas de saúde, por iso a dirección articulou unha serie de medidas para reorganizarse e atender aos alumnos dende a casa. Contactamos co director do San Xerome, Ciano Valcárcel.

Onte rexistrabase o primeiro caso confirmado por Coronavirus en Tomiño. A propia alcaldesa, Sandra González, o informaba nas redes sociais. Dando a coñecer a nova explicaba a rexedora é un xeito tamén de que a poboación extreme as precaucións e quede na casa.

A primeira medida que tomaron foi informar á poboación, en contacto coas autoridades sanitarias, policía local e garda civil.

O Concello publicara hoxe unha listaxe de tendas e supermercados que levan a compra a domicilio.

En Portugal o goberno decretou tamén o estado de alarma o que endurece as medidas tomadas até o de agora para parar o contaxio por coronavirus. Así o explicaba o presidente da Cámara de Valença, Manuel Lopes. Amosaba o seu agradecemento á poboación que está a evitar saír á rúa.

Fabricar mascarillas de algodón é o traballo que están a realizar Marita Giráldez e Mª Jesús Pérez Diz, do comercio tudense “Ideas”, co obxectivo de abastecer á poboación máis vulnerable neste estado de emerxencia sanitaria que vivimos dende fai case unha semana.

Rúas baleiras no Rosal dan mostra da conciencia da veciñanza neste momento de crise sanitaria. Os servizos de atención ao público do Concello funcionan por teléfono ou a través da sede electrónica. So permanece aberto o rexistro de entrada que está situado na planta baixa do Concello así como os Servizos Sociais que atenden casos urxentes. Mentres, no Centro de saúde do Rosal todo se desenvolve con normalidade. Así o salientaba a alcaldesa, Ánxela Fernández.

Calma e orden no municipio guardés, neste sétimo día de cuarentena polo estado de alarma polo Covid-19. A Policía local, Garda Civil e Ges traballan para coordinar a orden das persoas nalgúns supermercados para evitar aglomeracións. O alcalde, Antonio Lomba, danos máis detalles de como se atopa o municipio guardés.

Sen novidades continua a situación en Tui nestes venres 20 de marzo. Así o explicaba o alcalde Enrique Cabaleiro, quen facía fincapé na importancia de quedar na casa para evitar o contaxio por coronavirus. No concello continua a tramitación de asuntos priorizando Servizos Sociais, Urbanismos e pago a proveedores.