Este domingo dende ás 10 h celébrase a primeira proba da Liga Interclubs de Saltos de hípica nas instalacións de Equigalia, en Malvas, Tui. Contarán con 150 participantes distribuídos en sete categorías. Así nolo explicaba Luís Pimentel de Equigalia.

Xa está todo preparado para o tradicional “Venres de Foliada” de Tomiño. 22 comparsas e preto de 1800 participantes sairán mañá a partir das 21:30 h dende o Colexio Pedro Caselles e continuarán pola Avenida Gondomar, para rematar na mesma avenida, á altura da rotonda da Pedra. o Entroido foi o tema que abordamos con Ana Fernández, a concelleira de Cultura de Tomiño.

O reggae, o trap e o Ska daranse cita este sábado a partir das 23:30 h no Festival Taíña na Praza de Goián. Un evento musical, organizado pola Asociación Cultural Taíña que, conta coas actuacións da banda Kiwi Roots, Liska, Jolof Warrior & The Green Hood Band, Boyanka Kostova e Sapoconcho Sem Poncho.

Reflexionar sobre as relacións sociais e coñecer as ferramentas para detectar as persoas tóxicas do noso entorno é o tema sobre o que tratará a charla "Como evitar as relacións tóxicas", este venres ás 19:30 na Sala Xacobeo na Área Panorámica de Tui. Estará impartida pola psicóloga xurídica, sexóloga e criminóloga especializada en igualdade de xénero, Mónica Novas Dios coa que falamos. A concelleira de Igualdade de Tui, Ana Mª Núñez, organizadora desta conferencia indicounos que, esta charla enmárcasenas actividades de prevención da violencia de xénero. A entrada é gratuíta e poden inscribirse no correo [email protected] ou no teléfono e whatsapp 682 66 05 80.

É real a realidade virtual? a resposta tena a doutora en Educación e Psicoloxía, Catherine L´Ecuyer que, hoxe nos detallou as claves para educar no asombro e a realidade. Trátase da segunda charla da Escola de Nais e Pais "Pensando nunha nova educación", na nosa sintonía. De motivación e de mundo dixital tamén falamos neste espazo, organizado polo CRA Mestra Clara Torres.

O Concello de Tui recibirá hoxe a medalla ao mérito municipal en Valença. Será unha das tres medallas que conceda esta mañá á Cámara Municipal na sesión solemne que vai celebrar co gallo do Día de San Teotonio. Este foi un dos temas dos que hoxe falamos co alcalde de Tui, Enrique Cabaleiro. Os orzamentos, a senda do Miño e o Pacto dos alcaldes polo clima foron outros asuntos abordados.

Até o 3 de marzo está aberto no Concello de Tui o prazo de inscrición para o programa Coidand@-me" dirixido a coidadores familiares de persoas maiores dependentes. Do mesmo faláronnos hoxe Ismael Diz,concelleiro de Servizos Sociais, Maxi Rodríguez, psicóloga de AFAGA, Carmen González, traballadora Social do Concello de Tui. Tamén fixeron balanzo dos primeiros meses do programa "Cultiva a mente".

La última tourné chegará o próximo xoves, 20 de febrero, ao Auditorio Mar de Vigo, da man de Alicates Producións. Mario Vaquerizo, xunto a Alaska e Bibiana Fernández, será un dos artistas que estará en escena. Hoxe mesmo falamos con el no programa Día a Día. Tamén nos acompañaron Fran Landa e Iván Padrones de Alicates Producciones.

Unha comedia moi divertida con moito fondo é a que chega esta noite ao Teatro Municipal de Tui con Contraproducións. Así o explicaba hoxe Cándido Pazó, que dirixe esta montaxe teatral xunto a Belén Pichel. A representación comezará ás 21.30 h.

O espectáculo “La Noche es comedia” chegará o sábado 7 de marzo, ás 20.30 h, ao Auditorio Mar de Vigo. Xavier Deltell, exercerá de mestre de cerimonias nun evento no que tamén os monologuistas Oswaldo Digón, Txabi Franquesa, Álvaro Carrero e Tomás García. Do espectáculo falamos con Fran Landa e Iván Padrones de Alicates Producciones e co propio Xavier Deltell