O Concello de Tomiño está a recibir doazóns de material de protección por parte de empresas locais. Un xesto que agradecía a alcaldesa Sandra González na nosa sintonía quen, recomendaba amais as medidas de hixiene do Ministerio de Sanidade.

Tres efectivos da Policía Local deron positivo por COVID19, un deles está illado no seu domicilio dende a pasada semana, e a outros dous - asintomáticos- recibiron onte o resultado do test.

Por outra parte este xoves ás 20 h a corporación municipal celebrará pleno extraordinario segundo adiantaba o alcalde, Enrique Cabaleiro.

Apoiar ao comercio local na actual situación que estamos a vivir e ao tempo brindar a poboación información sobre os servizos con que conta nestes momento é o obxectivo da iniciativa posta en marcha pola Concellería de Comercio de Tui.

A súa responsable, Ana Mª Núñez, explica que van confeccionar unha listaxe co comercio aberto ou que presta o servizo de entrega a domicilio, para o que os interesados deben dirixirse ao 670 245 633 ou ao correo [email protected].

No Rosal, a Garda Civil, Policía Local e Protección Civil reparten mascarillas aos que hoxe retoman a súa actividade laboral. Detallouno a alcaldesa Ánxela Fernández, quen informou da incorporación dun auxiliar a Servizos Sociais, e tamén do peche das fontes públicas.

#SanTelmoNaCasa é o xeito no que este ano se van celebrar as festas patronais de Tui, ante a imposibilidade de facelo do xeito tradicional. A concelleira de Cultura, Sonsoles Vicente, explicaba hoxe esta iniciativa virtual que se levará a cabo nas redes sociais e que busca a participación cidadá.

En Salceda estanse a repartir mascarillas aos traballadores e traballadoras dos principais polígonos da vila. Na xornada de mañá, a Policía Local encargarase de distribuílas nas principais vías de entrada/saída do municipio. Así nolo contaba a alcaldesa, Loli Castiñeira.

Na Guarda tamén hoxe se realiza o reparto de mascarillas entre as persoas que volven hoxe ao seu posto de traballo. Así o explicou o alcalde Antonio Lomba quen deu conta tamén do reinicio de obras no municipio.

Amais referiuse ao caso positivo por COVID19 rexistrado nun palangreiro guardés, destacando a necesidade dun protocolo.

En Tomiño realizouse tamén hoxe o reparto de mascarilas, e retómanse obras en rúas do centro urbano. Explicouno o a alcaldesa, Sandra González.

Deu conta amais da desinfección realizada pola BRILAT nunha das residencias do municipio, e a colaboración dunha empresa local coa desinfección con ozono.

O auxiliar da Policía Local de Tui contaxiado por COVID 19 continua illado no seu domicilio. Mentres os seus compañeiros agardan hoxe o resultado dos test que lles realizaron o venres.

Por outra parte esta mañá realizou seo reparto de mascarillas no acceso ao Parque Empresarial, e na entrada á A55 en Guillarei. Amais hoxe retómanse as obras do Plan Deporemse no barrio da Torre en Paramos. Así o informaba o alcalde, Enrique Cabaleiro.

A marcha "Cultural" é a composición musical que a Banda Cultural de Salceda interpreta nun exitoso vídeo caseiro. O seu director, Juan Lois Diéguez explicounos como, a pesar da distancia, a música traspasa calquera barreira.