A recente manifestación veciñal en Cristelos, Tomiño para deter a tala de árbores e o herbicida Glifosato son algúns dos temas que, abordamos con Agustín Ferreira, o presidente da Asociación Naturalista do Baixo Miño, ANABAM.

O número 1429 é a papeleta gañadora dunha cea para dúas persoas nun dos comercios asociados de Acitui. Trátase da Campaña da Asociación de comerciantes "Namórate de Tui" polo Día dos Namorados. Juan Carlos Blanco, o presidente e Jose Manuel Díez membro da directiva de Acitui, realizaron hoxe o sorteo na nosa sintonía.

O martes 25 - Martes de Entroido - Tui ten previsto celebrar o seu desfile-concurso coa participación de 13 comparas e preto de 900 persoas. A concelleira de Cultura, Sonsoles Vicente, daba conta do programa previsto.

O desfile dos colexios puxo a cor de Entroido esta mañá nas rúas da Guarda. A Alameda acollerá na fin de semana os actos festivos, e o próximo martes terá o desfile-concurso. A concelleira de Cultura da Guarda, Montserrat Magallanes, destacaba o ambiente de Entroido que vive a vila.

1.500 nenos e nenas dos centros educativos salcedenses protagonizaron xa esta mañá o desfile polas rúas da vila. É o preámbulo dun amplo programa festivo do que hoxe daba conta o concelleiro de Cultura de Salceda, Alex Canosa.

Este domingo dende ás 10 h celébrase a primeira proba da Liga Interclubs de Saltos de hípica nas instalacións de Equigalia, en Malvas, Tui. Contarán con 150 participantes distribuídos en sete categorías. Así nolo explicaba Luís Pimentel de Equigalia.

Xa está todo preparado para o tradicional “Venres de Foliada” de Tomiño. 22 comparsas e preto de 1800 participantes sairán mañá a partir das 21:30 h dende o Colexio Pedro Caselles e continuarán pola Avenida Gondomar, para rematar na mesma avenida, á altura da rotonda da Pedra. o Entroido foi o tema que abordamos con Ana Fernández, a concelleira de Cultura de Tomiño.

O reggae, o trap e o Ska daranse cita este sábado a partir das 23:30 h no Festival Taíña na Praza de Goián. Un evento musical, organizado pola Asociación Cultural Taíña que, conta coas actuacións da banda Kiwi Roots, Liska, Jolof Warrior & The Green Hood Band, Boyanka Kostova e Sapoconcho Sem Poncho.

Reflexionar sobre as relacións sociais e coñecer as ferramentas para detectar as persoas tóxicas do noso entorno é o tema sobre o que tratará a charla "Como evitar as relacións tóxicas", este venres ás 19:30 na Sala Xacobeo na Área Panorámica de Tui. Estará impartida pola psicóloga xurídica, sexóloga e criminóloga especializada en igualdade de xénero, Mónica Novas Dios coa que falamos. A concelleira de Igualdade de Tui, Ana Mª Núñez, organizadora desta conferencia indicounos que, esta charla enmárcasenas actividades de prevención da violencia de xénero. A entrada é gratuíta e poden inscribirse no correo [email protected] ou no teléfono e whatsapp 682 66 05 80.

É real a realidade virtual? a resposta tena a doutora en Educación e Psicoloxía, Catherine L´Ecuyer que, hoxe nos detallou as claves para educar no asombro e a realidade. Trátase da segunda charla da Escola de Nais e Pais "Pensando nunha nova educación", na nosa sintonía. De motivación e de mundo dixital tamén falamos neste espazo, organizado polo CRA Mestra Clara Torres.