A asociación de Afectados de Paramos e Guillarei expón que a reforma da Lei do Solo de Galicia foi modificada para dar encaixe legal ás vivendas fóra de ordenación na zona afectada pola explosión en maio do ano pasado. Lembran que as licenzas que os afectados están a solicitar son un caso excepcional que coma tal require medidas excepcionais. Así o expoñen nun comunicado e o explicaba esta mañá na nosa sintonía Lupe Pérez, voceira da Asociación de Afectados de Paramos e Guillarei, tras a reunión que celebraron o pasado xoves.

Hoxe comezan en Paramos as festa na honra a San Caetano que se van celebrar até o luns. Hoxe terán polbo, a charanga A tú Ritmo e a banda de Balbina.

Mañá actuarán a Banda de Música Popular de Tui e da Banda de Gaitas San Xoán de Paramos, ás 13 celebrarse a misa solemne e á noite verbena con Charleston e Lasser. Os festexos rematan o luns.

Hoxe comezan as festas na honra a Nosa Señora do Faro en Valença que se van celebrar até o próximo día 15. No programa festivo destaca hoxe o tributo a U2, ou mañá a actuación da orquestra Panorama. José Monte, vereador de Cultura de Valença, convidaba a gozar das festas.

Mañá celébrase en Tui a IX Festa do Miño. Hoxe a concelleira de Cultura, Sonsoles Vicente deunos todos os detalles para gozar deste evento.

Mañá celébrase o Descenso Popular que reunirá a preto de 800 padeeiros e o Descenso Internacional que sumará 536 padeeiros de 43 clubs. Hoxe falamos destas probas con Diego Piña, presidente do Club Kaiak Tudense, organizador deste eventos que da Romaría Popular que dende ás 12 h se celebra na Ribeira de Caldelas.

A parroquia de Rebordáns inicia cunha andaina noctura este venres a Semana Cultural previa ás festas na honra á Virxe do Camiño que se celebran a próxima semana. Coma novidade estrearán torreiro de festas.

Hoxe nolo contaron Manuel Heredero e Milagros Rodríguez , membros da comisión.

A Guarda vive a súa semana grande coas Festas do Monte que reúne a miles de persoas, e que agardan con ilusión este sábado o desfile dende a Alameda até o Porto e o domingo a subida ao Monte. Así nolo contaba hoxe o alcalde da Guarda,Antonio Lomba.

Destacaba Antonio Lomba a fraternidade que se vive con esta festa que foi evolucinando cos tempos, e coa xente.

Esta tarde celébrase a xornada "San Domingo:arte e historia" na que ás 19.30 h intervirá Carmen Manso Porto co tema “El arte gótico en Santo Domingo de Tui”. Hoxe falamos con ela no programa #DiaaDía.

O sábado, 17 de agosto, vaise celebrar o I Concurso de Maxia na Rúa organizado polo Concello de Tui e Miñomáxico. Seis magos actuarán nas prazas do conxunto histórico entre as 19:30 h e as 23 h.

A igrexa de San Domingos acolle mañá unha xornada organizada polo Instituto de Estudos Tudenses titulada “San Domingos: arte e historia”.

O presidente do Instituto de Estudos Tudense, Javier Añoveros, explicou hoxe na nosa sintonía que logo do éxito rexistrado na xornada do ano pasado dedicada a San Bartolomeu teñen o obxectivo de continuar con estas xornadas con carácter anual. Este ano apostaron por centralas na igrexa de San Domingos.