Este domingo no club hípico Equigalia, en Pexegueiro, celébrase a primeira das catro probas da Liga Galega Interclubs de Saltos. Será dende ás 10 h e contan con preto de 200 inscritos. Esta mañá deunos os detalles Luís Pimentel de Equigalia.

Na mañá de hoxe déronse cita no Pavillón do IES San Paio con motivo do X Tui le os alumnos de dez centros tudenses, os CEIPs nº 1 e 2, Guillarei, Pazos de Reis, Randufe, e Rebordáns, o CRA Mestra Clara Torres, o Seminario Menor de Tui e os IES Indalecio Pérez Tizón e San Paio.

Hoxe comezamos a quenda de entrevistas cos partidos políticos que concorren ás eleccións municipais do 26M. Na nosa sintonía estivo esta mañá Manuel González Vázquez, nº 2 de Ciudadanos. Os temas abordados foron Cultura e Deporte;

Patrimonio Cultural e Natural, Servizos Sociais; Emprego e vivenda.

Alba Fernández Fiuza do grupo de investigación GIES 10 da Universidade de Vigo falou hoxe no programa Día a Día de "Cómo favorecer a autonomía en educación infantil"

Este sábado, 11 de maio, ás 19.00h terá lugar na Sala de Exposición da Área Panorámica, a apertura da exposición de María Meijide, artista plástica, creadora do calendario da Eurocidade Tui-Valença.

A tudense Laura Villaverde é unha das dez actrices que mañá estarán sobre o escenario do Teatro Municipal formando parte do elenco de "Neoretranca e posmorriña". Trátase da última montaxe do Centro Dramático Galego. Hoxe falounos da obra xunto a Eduardo Freiría, concelleiro de Cultura de Tui. A cita será mañá venres ás 20.30 h. As entradas están xa á venda en www.culturatui.info ou mañá dende ás 19 h no despacho de billetes. Prezos 8€ e 6€.

Mañá celébrase a décima edición de Tui Le no pavillón do IES San Paio de 9.15 h a 13.15h coa participación do alumnado de dez centros educativos tudenses: os CEIP’s nº1 e nº2, Guillarei, Pazos de Reis, Randufe, Rebordáns, o CRA Mestra Clara Torres, e os IES Indalecio Pérez Tizón e San Paio. Serán máis de 500 alumnos e alumnas os que ao longo da mañá, xunto ao profesorado, fagan visible co seu traballo e implicación a importancia dos libros e da lectura. Así o explicaba josé Mª Lores, profesor do IES San Paio.

A actividade consistirá por unha parte no intercambio de libros e distintas actuacións por parte dos distintos centros educativos. Amais este ano contará coa presenza dunha escritora.

Dende onte a capela das Reliquias da Catedral de Tui acolle unha exposición informativa "350 aniversario da institución da ofrenda ao Santísimo do Antigo Reino de Galicia". É unha mostra itinerante que percorre as sete antigas capitais. En Tui poderá visitarse durante quince días.

O vindeiro sábado 18 terá lugar a XVI Andaina Tudense Solidaria cun percorrido de 26 km. A saída será ás 10.00h no Centro Interfederado con dirección a Areas. Serán 13 kilómetros de subida, con parada preto das 13.30h na Capela de San Xian. Despois será a baixada doutros 13 kilómetros.

Hoxe completamos a rolda de conversas cos grupos políticos presentes na corporación municipal de Tui coa entrevista con Carlos Vázquez Padín, alcalde de Tui e voceiro de c21.

Con el fixemos balance destes catro anos.