Día a Día

O domingo 28, domingo de San Telmo, vaise celebrar a VI Cata de Colleteiros de San Telmo. Esta iniciativa busca por en valor o viño dos colleiteiros tudenses tanto de viños brancos coma tintos. Os que desexen participar deben deixar un par de botellas en Tapas e Viños, na praza de San Fernando, onde se vai celebrar a cata, até o sábado 27. Un panel de cata profesional será quen valore despois estes viños.

O obradoiro Cantares do Brueiro, que naceu en xaneiro de 2014, coa dirección do guardés Tino Baz, ofrece este domingo un concerto ás 19 h no Auditorio do Rosal. Hoxe Tino Baz falounos da actualidade do obradoiro e do concerto deste domingo. Sobre o escenario estarán entorno a 35 persoas que interpretarán música tradicional.

Mañá ás 12.15h preséntase no parador de Turismo de Tui a marca turística Río Miño da AECT Río Miño. Hoxe Uxío Benítez, deputado provincial e director da AECT Río Miño explicaba que é esta marca que ofrece nun mesmo formato un destino de dous países.

Onte arrancaba a Semana Santa de Tui coa lectura do pregón a cargo do historiador tudense Rafael Sánchez Bargiela, na Capela das Reliquias na Catedral. Unha festividade que continuará este domingo, ás 11 da mañá coa procesión da beizón dos ramos seguida da Santa Misa.

Retomaranse os actos o mércores até o vindeiro domingo de Resurreción.

Continuamos coa última rolda de entrevistas dos grupos políticos da corporación municipal antes das eleccións do 26 de maio. Hoxe foi a quenda da voceira do BNG e cabeza de lista para as eleccións, Carmen Núñez.

Mañá arranca o Rally clásico do Atlas, unha aventura que levará a afeccionados do motor a Marrocos cun fin solidario. Nos próximos sete días recorrerán os pobos e pequenas do Atlas marroquí con coches clásicos e todoterreos con ao menos vinte anos de antigüidade. Será unha competición dura, na que participan membros dos equipos a Parranda e Galicia Ride, que estiveron connosco esta mañá para contarnos os detalles desta viaxe.

A Capela das Reliquias na Catedral acolle as oito desta tarde a lectura do Pregón da Semana Santa, a cargo de Rafael Sánchez Bargiela, historiador tudense. O propio pregoeiro falaba na nosa sintonía esta mañá da Semana Santa tudense.

A internacionalización e a profesionalización da docencia son os pilares do proxecto do grupo de traballo Erasmus + do IEs San Paio formado por 6 profesores. Dentro deste programa traballan sobre 3 eixos, a Eurocidade, a introdución de novas metodoloxías nas aulas, e a interculturalidade e biodiversidade no centro educativo.

Miguel Capón Rey, voceiro de Alternativa Tudense, estivo hoxe no programa Día a Día dentro da rolda de conversas cos grupos políticos que iniciamos o luns. Valorou os catro anos desta corporacións, e se referiu tamén á decisión do seu grupo de non presentarse ás próximas eleccións municipais.

Charla-coloquio, música e baile son algunhas das actividades que a Asociación Párkinson Baixo Miño organiza para este sábado co gallo do Día Mundial do Párkinson que se celebra este xoves 11 de abril.