Día a Día

Mañá comeza a Aloiada 2018 con máis de 200 alumnos de 6º de primaria e na que participarán por primeira vez todos os centros educativos de Tui.

Estivemos a falar con Manuel Ángel Fálquez, directo do CEIP de Pazos de Reis, sobre como será o programa.

José Prada, concelleiro e membro do grupo de non adscritos, defendeu a creación dunha comisión con toda a corporación para axilizar determinadas decisións relacionadas con Paramos, e neste senso asegurou que está a completa disposición do alcade dente o primeiro momento. Defendeu amais a contratación de profesionais externos para áreas como urbanismo ou servizos sociais, de modo que os departamentos do Concello poidan ir retomando a normalidade.

En canto aos Orzamentos de 2018 explicou os motivos que o levaron á abstención.

Mañá ás 20.30h o Teatro Municipal de Tui acollerá o concerto de fin de curso do Conservatorio Profesional de Música de Tui. A apertura de portas para a retirada de entradas será ás 19h, e dende ás 19.15h os alumnos e alumnas do conservatorio poderán recoller as cualificacións do cursos.

O concerto estará dedicado aos afectados de Paramos, e tamén ao profesor Jesús González que se xubila.

Actuarán 8 alumnos solistas ao piano, a orquestra do conservatorio que intepretará a Primavera de Vivaldi e o coro do conservatorio dirixido por Jesús González. Así o explicaba Rubén López, director do Conservatorio.

María Jesús da Silva, voceira de APTui e concelleira de Urbanismo, asegurou hoxe que a prioridade do seu departamento dende a explosión no barrio da Torre é resolver a situación na zona. Neste senso apuntou que se traballa para formar un gabinete urbanístico externo dedicado en exclusiva a Paramos. Recordaba amais que ao existir un proceso xudicial aberto é a xuíza a que da as autorizacións e marca os pasos a seguir.

Afirmou, ao igual que outros representantes políticos, que se trata dun problema que Tui arrastrará durante moito tempo e, en canto á criticada aprobación dos Orzamentos, defendeu que o incremento existente con respecto aos anteriores poderá destinarse a ese fin de ser necesario.

A AECT Río Miño celebrou a pasada semana a súa primeira asembla na que foron aprobados os orzamentos para este 2018. Uxío Bénitez será durante dous anos o primeiro director desta Agrupación Territorial. Hoxe na nosa sintonía explicaba que o obxectivo inicial é acceder a fondos europeos e crear a marca Río Miño.

A catástrofe de Paramos marcará a xestión dos gobernos municipais de Tui durante moito tempo, así o afirmaba hoxe o concelleiro de Son de Tui, Laureano Alonso. Este feito quedará moi marcado na historia de Tui, e agarda que as axudas dos distintos organismos poidan contribuír a recuperar as vida das persoas afectadas. Por último con respecto á aprobación dos orzamentos municipais no pleno de maio lamentaba que nas contas non se recolla ningunha partida específica para Paramos tal e coma solicitaron.

Máis música na Asociación Cultural Betún para esta fin de semana. Esta noite comezarán coa habitual Jam Session e mañá contarán co grupo Pegas Negras e a súa proposta de temas propios cheos de cowntry, rock and roll e toques galaicos. Tivemos ocasión de falar cun dos seus membros.

Este domingo a Comunidade de Montes de Randufe celebra a súa II Romaría do Comuneiro, que pola posobilidade de chuvia terá finalmente lugar na Casa da Cultura. Estivemos a falar co seu presindente, Ramón Martínez.

O Dog publica hoxe a orde coa bases que regulan a concesión de axudas aos afectados pola explosión de Paramos do pasado 23 de maio tanto para o alugueiro coma para a reconstrución das vivendas e enxoval doméstico afectados

Esta mañá o director do IGVS, Eriberto García, lanzaba na nosa sintonía unha mensaxe de tranquilidade aos afectados indicando que van a colaborar en todo para a tramitación destas axudas.

Este sábado Tui volve a ser sede dunha das probas do Campionato Galego Inclusivo de Slalom de Motonáutica, organizado polo Club Sen Amarras, coa colaboración da Federación Galega de Motonáutica e do Concello de Tui, no que participarán deportistas con e sen discapacidade.