Con Enrique Cabaleiro, alcalde de Tui e voceiro do PSOE, pechamos a rolda de conversas tras a convocatoria dunha cuestión de confianza vinculada á aprobación dos orzamentos que será debatida en pleno extraordinario o próximo martes, 1 de xullo, ás 20 h.

Con Nico Montes, voceiro do PP, continuamos a rolda de conversas trala convocatoria dunha cuestión de confianza vinculada á aprobación dos orzamentos que será debatida en pleno extraordinario o próximo martes, 1 de xullo, ás 20 h

Con Carmen Núñez, voceira do BNG, abordamos a convocatoria dunha cuestión de confianza vinculada á aprobación dos orzamentos que será debatida en pleno extraordinario o próximo martes, 1 de xullo, ás 20 h

Ante a convocatoria dunha cuestión de confianza vinculada a aprobación dos orzamentos que será debatida en pleno extraordinario o próximo martes, 1 de xullo ás 20 h, hoxe falamos co concelleiro non adscrito José Palacín.

350 pilotos de Portugal e España danse cita esta fin de semana nunha nova edición da Rampa do Monte do Faro, en Valença.

Con cinco series e unha especial nocturna, música, espectáculos e moitas sorpresas, este evento tenta fuxir da competición, e busca ser máis un elemento dinamizador do turismo.

Así o explicou hoxe Nuno Coímbra.

A xogadora do Bádminton Tui, Alexia Pérez, proclamouse subcampioa de España esta fin de semana coa selección autonómica de Bádminton na categoría infantil. Era a primeira vez que acudía co equipo galego.

Hoxe contounos como viviu este éxito deportivo e conversamos tamén con Xerardo Pérez, membro da directiva do Bádminton Tui, que deu conta dos obxectivos do club tudense.

Con letras xigantes formando a frase “Stop Xenocidio”, o Espazo Fortaleza de Goián acollerá este sábado, dende as 11.00 h, un acto solidario en repulsa ao xenocido do pobo palestino. Unha cita na que, amais da formación deste mosaico humano, haberá actuacións musicais e intervencións nunha xornada que busca ser un grito pola vida, a liberdade e en defensa dos dereitos humanos.

Conversamos hoxe con Moncho Leal, de Baixo Miño con Palestina, asociación coorganizadora do evento xunto ao Concello de Tomiño.

Esta semana prodúcese o relevo ao fronte da Comandancia Naval do Miño. Andrés Díaz-Ripoll, que foi o comandante naval do Miño durante os dous últimos anos, cede o mando a Víctor García, que exercerá o cargo os próximos dous anos.

Andréz Díaz-Ripoll fixo balance na Radio Municipal de Tui do seu traballo ao fronte da Comandancia Naval, nun destino no que confesou se sentiu coma en casa. Víctor García explicaba como asume este novo destino.

Este sábado, como parte da programación do Mes Cultural da Asociación Laxes de Paramos, vaise realizar a II Andaina Cultural “Coñece Paramos”. Partirá ás 9.00 horas dende o Centro Cultural e Veciñal Laxes e estará guiada por Cristian Lago, que explicou na nosa sintonía como será o percorrido.

O prezo das inscricións é de 5 euros e poden realizarse nos teléfonos 647 07 42 59 ou 636 40 73 15.

A película "A quimera do ouro" de Charles Chaplin cumple 100 anos, e por ese motivo o Cineclub Tui proxectará este filme no Espazo sociocultural da rúa Camilo José Cela, ás 20 h.

Tras o visionado haberá un coloquio en liña con intervencións de Fernando Lara; Fernando Méndez-Leite; Rodrigo Sorogoyen; e Almudena Amor.

Así nolo contou hoxe Noemí Guisande do Cineclub Tui.