Dobre proposta cinematográfica é a que presenta esta semana o Cineclub Tui no espazo Sociocultural da r/Camilo José Cela.

Mañá martes, ás 20.30 h, para público familiar van proxectar a comedia “Un amigo para Frank”. Logo o xoves ás 22 h será a quenda de “Wendy e Lucy”, un filme dirixido por Kelly Reichardt e protagonizado pola actriz Michelle Williams. Noemí Guisande do Cineclub Tui daba conta do argumento destes filmes.

As entradas teñen un prezo de 2€ para persoas socias e menores de 18 anos e de 4,5€ para público xeral.

Ás 19 h desta tarde inaugurarase no Espazo Sociocultural da rúa Camilo José Cela o V Festival da Cultura Tradicional e Folk que organiza a Asociación Cultural San Telmo. Abrirase coa exposición "O traxe da muller aldeá" e, media hora despois, co concerto "Fía na roca" a cargo de Luís Prego, Cristóbal Pascual, Roberto Porto e Álvaro Iglesias.

Así nolo contou hoxe Luis Prego na nosa sintonía.

O tudense Iván Pereira competiu a pasada fin de semana no Campionato do Mundo de Triatlón que se disputou en Pontevedra. Alí participou na distancia longa, realizando tres quilómetros a nado, 120 en bicicleta e 30 de carreira a pé. Fixo un tempo de 6 horas e 43 minutos, rematando en cuarta posición na categoría de 40 a 44 anos e 12º na clasificación absoluta.

Hoxe Iván Pereira contounos cal é a súa próxima competición.

Mañá, sábado, ás 12 h na Sala Félix Rodríguez vaise presentar o novo libro de Ángel Gutiérrez, “Derecho a contarlo”, unha novela que plasma diversos aspectos e que xunta xéneros como o policíaco, o thriller, histórica e que mestura a realidade coa ciencia ficción. O seu autor explicaba o que poderemos atopar neste libro.

O acto será presentado por Rafael Sánchez Bargiela, historiador do Instituto de Estudos Tudenses

Hoxe venres ás 21 h na Casa Cultural de Randufe haberá un concerto audición da Escola da Coral Ponte das Febres, no que interpretarán temas actuais e clásicos. En total serán 23 actuacións que pecharán o curso. Así nolo contaron hoxe José Manuel Solleiro, Manuel Pérez e Mila González, da Coral Ponte das Febres. Tamén adiantaron a súa vindeira cita que será o 13 de xullo co Café Concerto na Ponte das Febres.

Este domingo ás 21.00 a banda galega Sun Iou chega a Goián para actuar na Festa dos Remedios. Un lugar especial xa que Goián foi quen lle deu nome a este grupo que busca resaltar a tradición oral galega.

Así nolo contou hoxe Tamara Martínez, vocalista de Sun Iou, que tamén adiantou que o sábado presentarán o seu novo sinxelo “Quero”.

A gastronomía, coa lagosta coma gran protagonista, a música, e as actividades de animación centran a programación da XXXIII Festa da Lagosta e da Cociña Mariñeira que esta fin de semana se celebra na Guarda.

O porto da Guarda acolle este evento para o que foi instalada unha carpa con capacidade para 600 comensais. Dende o Concello agarda superar as cifras, xa de record acadadas o ano pasado con máis de 700 quilos de lagosta vendidos. Así o explicaba o alcalde da Guarda, Roberto Carrero.

Dentro da programación do IKFEM, un dos concertos especiais deste ano será o que ofreza o pianista James Rhodes o venres 18 deste mes ás 22.30 h na Alameda de San Domingos. As entradas teñen un prezo de 20€ e están xa á venda en ikfem.com.

Será un concerto ao aire libre moi especial e intimista, tal e coma explicaba hoxe o propio pianista.

Este sábado 5 de xullo terá lugar a II Xuntanza Cabalar Pexegueiro -Tui, organizada pola Comisión de Festas San Miguel de Pexegueiro. Ás 16.00 horas partirá a ruta dende o recinto de Festas de Pexegueiro e as 22.00 dará comezo a cea, que ten un prezo de 22 euros e de 15 euros para menores de 12 anos.

Mónica Martínez, membro da comisión organizadora deu todos os detalles desta cita.

Este domingo, 6 de xullo, celébrase no cumio do Monte Aloia a Romaría das Angustias. Un festexo que coincide co 125 aniversario da Cruz do Aloia. Ás 12 h celebrarase na capela a misa na honra a Nosa Señora das Angustias, para dar paso a procesión que irá até a Cruz. Non faltarán as poxas.

Falamos desta romaría con Sebastián Gómez.